ROMMA 4:11 - Boy Lonana

¹¹ Abraham fi caw ɗiwra ni ndaɗ hin egemmi ko takka na, Lona ŋgaɓam dla ndaɗta ay egemmi kay nam sa ma ɗegeena, kay viimba ay jew bay nam caw ɗiwim tuwa. Abraham ni bu suu tin hurusi kay Lona bay caw ɗiwisi tuna, Lona ŋgaasi a suu ɗegeena.

ROMMA 4:11 ပူးပေါင်းရင်းမြစ်များ

URA TIN AYRA 17:24

Hu li ma Abraham caw ɗiwim kina ni basaɗam li ki dok-dleeŋe yam dleeŋe.

SOOLLA 47:9

Lona ti mulla kay njaf suuna halaŋ, Lona kak kay dlam mamba teteɗta.

KALKIRA 12:13

«Busuna ni va ma hin tak ki kay zi ma agi ka huna. An wi busuna wa ni, an hin jak kagiya, dla mayra ɓalak zina hin ka li varagi hu li ma an a ci suu Egiptenaɗi.

KALKIRA 31:13

«Aŋ di suu Israelna ana, agi golongi buu manna jiviya. Kay ni va ma hin a tak ki duk tagina ha ni na gak gak, kay a asi wi ki ana An, Yawe, mbuɗugi ki teteɗ ni anu.

KALKIRA 31:17

Ndaɗ hin ha ni na gak gak duk ɦoŋ suu Israelna u anu. Ni tak ki ana hu buuna karkiya Yawe li huulona u ndaŋgara, hu buu ma kiɗisiyana nam koɗ tamu.»

EZEKIYEL 20:12

An ɦasi Buu ma vi Lonna ni a va ma tak minda duk ɦoŋ tan u asira, kay a suuna wi ki ana manasi ki ni an Yawe daŋ may.

EZEKIYEL 20:20

Lagi buu ma vi Lonna ki teteɗ. Nammi va ma tak minda duk hoŋ tan u agira kina. Kay a suuna wi ki ana anni Yawe, Loogina.

MATIYE 16:16

Simon Piyer dam ana, «Aŋŋi Sa Lona Fuurumma, Goŋ Lo ma iirina.»

MATIYE 8:11

An dagiya, suuna ŋgolo hin mbay u lo maɗiina, u fiɗigina, lak hu Mulla huulonara ko tasi u Abraham, u Isaak u Yakob.

Boy Ma Ayra Ma LUK Ɓiirimma 19:9

Yesu dam ana, «Suɗta kal karam hu taraŋ ndaɗta wa. Kay sa namma ni goŋ Abrahamma lay.

Boy Ma Ayra Ma JAŊ Ɓiirimma 3:33

Sa ma vam boy mammana wi ana Lona di ni gasira.

Boy Ma Ayra Ma JAŊ Ɓiirimma 3:36

Sa tin hurum kay Goonana, fi iirira ka daɓ kiɗira. Sa ka tin hurum kay Goonaɗina, ka fi iiri ndaɗtaɗi. Yara vi Lonara hin tok kamu.

Boy Ma Ayra Ma JAŊ Ɓiirimma 6:35

Yesu dasi ana, «Anni fu ma iirina, sa mba egenna mayra ka cam oloɗi, sa tin hurum kanna laara hin ka cam oloɗi lay.

Boy Ma Ayra Ma JAŊ Ɓiirimma 6:40

Dlara Bun hurum miniɗta, ni ana suu wi Goŋ Sanana, tin hurusi kamma, fi iirira ka daɓ kiɗira. An hin paɗasi ki kolo iiri, ŋgoo dagan hu buu ma kaɓakŋa.»

Boy Ma Ayra Ma JAŊ Ɓiirimma 6:47

«An dagi ni gasira, sa ma tin hurum kanna, iirira daɓ kiɗira ka hurumu.

Boy Ma Ayra Ma JAŊ Ɓiirimma 8:33

Asi hoŋom dira ana, «Ami ni goryoŋ Abrahamma, ami ay ka jew gorgomi vi saɗi. Aŋ hin ana ami mbuɗ ki suu vuɗina ni nanage?»

ROMMA 10:11

Boy ma Ɓiirina di ana, «Sa ma tin hurum kamma ka mbuɗ ki zoloɗi.»

ROMMA 10:4

Kristu mba tin kini gaɗta vi Moizza hu liiɗu, kay a suu vina halaŋ mbuɗ ki ɗegee fok Lona.

ROMMA 10:6

Dira di ki ana, dlara sana a mbuɗ ɗegee fok Lonara ni u vira, «Di taŋ huruŋ ana sana hin ful kolo huulona ni gege naɗi.» (Ni kay a di ana a mbaa Kristu ay kaŋgara.)

ROMMA 3:22

Lona min mbuɗ suuna ɗegee u hurusi ma tini kay Yesu Kristuna, nam lini kay suu tin hurusi kay Kristuna halaŋ, nam ka ɓorow ii suunaɗi.

ROMMA 3:26

Cemi wanda nam tak dlara nam mbuɗ suuna ɗegeera nam min a mbuɗ suu tin hurusi kay Yesuna ki ɗegee may.

ROMMA 3:30

Kay mege Lona nam dew daŋ, nam mbuɗ suu Juifna ɗegee ni u viisira, hin mbuɗ njaf suu daŋŋa ɗegee ni u viisira lay.

ROMMA 4:10

Dla ndaɗta li ay na ni saɓage? Ni hu li ma Abraham caw ɗiwim ki wa ɗowba bay caw tu su? Ka dagan cawraɗi ay ki ni fok jewe.

ROMMA 9:30

Hin daygi kay boy namma ni ana mege? Suu ana asi ka suu Juifnaɗi lay, ka suu hal a mbuɗ tasi ɗegee fok Lonaɗi layna, asi mbuɗ ki ɗegee u vira.

ROMMA 9:33

Ɓiira di ana, «Gologi an tin hu Siyon ɦini ma daɓ semma ni ɦini ma ndi sana kaŋgana sa tin hurum kamma ka mbuɗ ki zoloɗi.»

ROMMA 9:6

An ka min di ana vi vun ma vi Lonna mbuɗ ki ɦawaa naɗi, njafna vi suu Israelna ni ka asi suu Israel suu gasina halaŋgi.

2 KORINTNA 1:22

Nammi sa ma ɓiiriygi u semma, vo Musuk mamba huruygiya kay tak ki jivira nam ka ŋgomoɗ kaygira.

GALATENA 3:22

Boy ma Ɓiirina di anaba suu hu ndaŋgarana halaŋŋi mborɓiina u saɓak cora kay ɦala Lona vi vunum kaɗta mba li maŋ suu vi u Yesu Kristuna.

GALATENA 3:29

Lini agi ni suu vi Kristuna agi ni hu njafna vi Abrahamma hin fagi va ma Lona vi vunum kamma ɦam ko jona nana.

GALATENA 3:7

Ni agi wi ki jivi na, suu vina ni suu hu njaf ma gasina vi Abrahamma.

GALATENA 5:5

Lini amiya ni ami wi ana Lona hin mbuɗuygi ɗegee fokommi namu ni va aygi ka juɓumma, u saɓakŋa vi Musuk Lonara ka njun uygi hu vira.

GALATENA 6:16

Kay suu li u gaɗ ndaɗta hu iiri masira halaŋ an di kasi ana heɓpa u jivira halaŋ li u asiya li u suu vina vi Lona halaŋ.

EFESNA 1:13

Agi tagira hu li ma agi humugi boy ma gasina ni Boy ma Ayra ma ɦagi suɗta agi hin vagi u Kristu. Lona ɓii sem ay kagi u ɦala nam ɦagi Musuk mamba nam di kaɗta.

EFESNA 4:30

Lagi dlara Musuk Lonara teteɗta yoo uɗɗi, Musukka ni va ma Lona tinigina kagina, ndaɗ ni va ma Lona tinim a ŋga buu ma nam hin a mbuɗ suu mamsina ki pasiyakŋa.

GA 8ATAMBARA 30:6

Yawe Loogina hin cawagi ni caw ɗiwra hurugi kurufura, magi agi may, maŋ njafagi ma ka daganna lay, kay a agi min Yawe Loogina u hurugi halaŋ, u saa magira halaŋ, kay a agi lak iiriya.

FILIPINA 3:9

A li ɗegee taɓi u namba wanni ka dlaanda an hum jivi u gaɗtaraɗi, ni u vira hu Kristu an mbuɗ ɗegee ni na, dla mayra mbuɗ sana ki ɗegeera mbay ni vi Lona, kay Lona haɗ ni maŋ suu vina.

HEBRENA 11:7

U vira Nowa hum vun Lona hu li ma nam dam kay va ma hin li ha fokŋa, ni nam ka wi dla ndaɗta u irim tuɗi lay. Nam hum vun Lona, ceɗ lumba, suɗ tam ki u suu mamma huruɗu. Ni nam kaɓakŋa kay suuna hu duliyara, ni u viimba, Lona mbuɗ golom a sa ma ɗegeena.

2 PIYER 1:1

Ni Simon Piyer sa ma sunda ma vovoɗta vi Yesu Kristu. Maŋ suu may suu fi vira dlaɗ ŋgol ko ami na mayra u ɗegeera vi Lona u Sa Suɗta Yesu Kristu.

WIRA ŊGAYRA 9:4

Dasi ay ana asi ɓeŋ usuna kiɗi, li va ma co eg guɗi lay, ɓeŋ va ma ŋgolom kiɗi lay. Lasni suu may suu tampoŋŋa vi Lona ka tini vokosiɗina doy hol.