ROMMA 3:30 - Boy Lonana

³⁰ Kay mege Lona nam dew daŋ, nam mbuɗ suu Juifna ɗegee ni u viisira, hin mbuɗ njaf suu daŋŋa ɗegee ni u viisira lay.

ROMMA 3:30 ပူးပေါင်းရင်းမြစ်များ

ROMMA 2:26

Lini sa ma caw ɗiwim kaɗina hum u gaɗta ni, Lona hin ŋgaam ko sa ma ɗiwim cawina naɗi su?

ROMMA 2:27

Sa ma caw ɗiwim kaɗina lini nam hum u gaɗta ni, nam hin kaaŋ ɓakŋa kaŋ aŋ sa ma ka u caw ɗiwra, wi gaɗta lay, ka li uɗɗina ɗi su?

ROMMA 3:22

Lona min mbuɗ suuna ɗegee u hurusi ma tini kay Yesu Kristuna, nam lini kay suu tin hurusi kay Kristuna halaŋ, nam ka ɓorow ii suunaɗi.

ROMMA 3:28

Ay wi ana sana mbuɗ ɗegee fok Lona ni kay nam tin hurumu, ka kay nam vi u gaɗtaraɗi.

ROMMA 4:16

Vi vun Lonna nam vammi u vira, ni u ɦala ɦawara vi Lona kay ndaɗ mba li kay njaf Abraham halaŋ, ni ka kay suu vi u gaɗta ɦawana holɗi, ni kay suu vi ko Abraham na mayna, Abraham ni buygi halaŋ.

ROMMA 4:9

Jivi ndaɗta ni kay suu ɗiwisi cawina doy hol su? Ka kay suu bay caw ɗiwisinaɗi su? Aygi di ana, «Lona ŋgaɓ Abraham a sa ma ɗegeena ni kay viimba.»

GALATENA 3:20

Sa ma duk ɦoŋgana ka li dewɗi Lona dew ni nam ɗaŋa.

GALATENA 3:28

Suu Juifna ka ɓorowi zeɗ zeɗ u njaf suu daŋŋaɗi, mborɓiina ka zeɗ zeɗ u suu vuɗinaɗi, suu njufina ka zeɗ zeɗ u boyoginaɗi lay. Agi halaŋŋi hu taɓpa u Yesu Kristura dew.

GALATENA 3:8

Boy ma Ɓiirina di ki fok jew ana Lona min mbuɗ njaf suu ɦawana ki fokom ɗegee ni u viisira ni kay ndaɗta ndaɗ di Boy ma Ayra ay fok jew maŋ Abraham ana, «Lona hin paɗ vunum ki kay njaf suuna halaŋŋi u aŋu.»

GALATENA 5:6

Lini aygi taɓi u Yesu Kristu ni caw ɗiwra lay caw kaɗi lay ka li vaɗi, va ma ŋgolna ni vira u minda na hol.

GALATENA 6:15

Caw ɗiwra u caw ɗiw kaɗira lay ni li vaɗi, va ma ŋgolna ni vuɗta wilira dew daŋ.

GA 8ATAMBARA 6:4

Humugi haa agi suu Israelna, Yawe Looygina ni Yawe, nam dew daŋ.

FILIPINA 3:3

Aygi ni suu tak gasira vi caw ɗiwra, ni ka asiɗi, aygi ni suu sun Lona u Musuk mamba, aygi col gasi maygira ni hu Yesu Kristu, aygi tin huruygi ni ka kay dlara vi sa warnaɗi.

1 TIMOTE 2:5

Kay Lona ni dew, sa ma taɓ duk suuna u namma ni dew may, sa namma ni Yesu Kristu.