ROMMA 3:25 - Boy Lonana

²⁵ Lona li ɓivunna ki u namu, u miɗ mamma Yesu yow cora vi suu vi umma kiyo, Lona li takka ki a wi ana nam ɗegee u jewra nam ɗil irim kay cora vi suuna.

ROMMA 3:25 ပူးပေါင်းရင်းမြစ်များ

SOOLLA 119:142

Ɓak maŋŋa ni na ɗegee a fafaɗta, gaɗ maŋga ni gasira.

SOOLLA 22:31

Njaf maa dew hin sun Yawe, asi hin njaɗ boy namma ka maŋ njafasi lay.

SOOLLA 40:10

Duk suu maŋ suu tokina an ɓak ki kay ɗegee maŋga, ɦawaa, an ka ndak a seŋ vununɗi, Yawe, aŋ lay wiya.

SOOLLA 50:6

Huulona tak ɗegee mamba kiyo, sa ma kaɓakŋa ni Lona.

SOOLLA 97:6

Huulona di ki kay ɗegee mamba, suuna halaŋ wam bibiŋil mamba.

SOOLLA 98:2

Yawe tak saɓak mamma kiyo, nam tak ɗegee mamba ki ii njaf suuna halaŋ.

EZAYI 53:11

Iiri mamba las cocoo, kay ndaɗta nam hin furi su olo, nam hin wi ki ana nam las kini ɦawaa. Nammi saan ma sun ma gasina, nam yow dla cora vi suu daŋŋa ki bolowo, kay ndaɗta nam ka ziirisi dlaasira.

DLAŊ LEVIRA 16:10

Na may ŋgek ma ŋgaɓpa ndi kam maŋ Azazelna mbaaram ay fok Yawe iiriya, kay a li ɓivun ma bulum cora kina kamu, hin sunum ha ki ŋgoo bagi maŋ Azazel.

DLAŊ LEVIRA 16:15

Ŋgoo danan nam ŋgaɗ ŋgek ma li ɓivun ma bulum cora vi suuna kina, tuɗ busuna ha ŋgoo gojolina hu li ma saɓaki teteɗna, nam li busu namma ni ko nam li u busu mbutlnara na olo, nam yam busuna kay Yam Zandukka may, fok Zandukka may.

Boy Ma Ayra Ma JAŊ Ɓiirimma 6:47

«An dagi ni gasira, sa ma tin hurum kanna, iirira daɓ kiɗira ka hurumu.

SUNDA 14:16

Ay fok jewra ni Lona hin suuna halaŋ tuɗ u min masira.

SUNDA 15:18

Bu Suuna li ki u tlegeyem su nam takasi ay ki jew day dayna.»

SUNDA 17:30

Hu li ma suuna ay ka wi va tuɗina Lona ka ŋga va kayambi, cecemi nam yi suuna hu lina halaŋ, asi mba jok iiri masira ki zeɗ.

SUNDA 2:23

Sa namma agi vamu ɓalam ki kolo hu gu garakŋa cam ki ko suu cona na ni u ŋgara Lona ŋgaaɗ ay ki fok jewra.

SUNDA 3:18

Dla ndaɗta li ki ni u va ma Lona dam ki fok jew fun suu jokom vunumma ana, Sa Lona Fuurumma hin fi lassa.

SUNDA 4:28

Asi li dlara aŋ u saɓak maŋŋa u min maŋga saa ki kaɗ jew a laɗta ki wa.

ROMMA 2:4

Aŋ pan jivira ŋgolla vi Lonara u ɗigilla, u lalam mamba, ni pani su? Aŋ ka wi ana jivi Lonara hal a mbuɗuŋ iiri maŋga zeɗ ni ndaɗu naɗi su?

ROMMA 3:26

Cemi wanda nam tak dlara nam mbuɗ suuna ɗegeera nam min a mbuɗ suu tin hurusi kay Yesuna ki ɗegee may.

ROMMA 5:1

Aygi mbuɗ ɗegee ii Lona ni u vira, cecemi aygi faygi heɓpa u Lona ni kay Bu Suuna Yesu Kristu.

ROMMA 5:11

Aygi furiyuygi ŋgolo hu Lona u Bu Suuna Yesu Kristu ma taɓaygi cecemi u Lonna.

ROMMA 5:18

Kay ndaɗta cora vi sa ma dewna Adam mbaa ɓakŋa kay suuna halaŋ, na lay sunda ɗegeera vi sa ma dewna Yesu Kristu ma buɗ suuna ki hu ɓakŋa kay asi mba kak iiriya.

ROMMA 5:9

Ni u miɗ mamma aygi mbuɗ suu ɗegeena fok Lona, aygi suɗ ki ko yara vi Lonara ni umu.

1 KORINTNA 5:7

Hinigi kuffa basira vi cora kiyo, kay agi mba mbuɗ ki teteɗ. Agi mbuɗ ni fu ma wili ma bay kuffa dukumma, a gasira ni agi kii mbuɗi gaw. Luu maygi ma Pakŋa gijaŋŋa, kay mege Kristu ni ko goo timii ma ɓivunna ŋgaɗ ki wa.

2 KORINTNA 5:21

Kristu coomba kaɗi Lona mbuɗum ki sa ma li dlara cora kay cooygira kay aygi mbuɗ ki suu ɗegeena fokom nam Lona.

EFESNA 1:7

Hu miɗna vi Kristu aygi buɗ ki hu cora wa, cooygira daɓ ki wa. Ni kay ndaɗta Lona takaygi ŋgolla vi oo mamba.

EFESNA 2:13

Cecemi hu taɓpa u Yesu Kristu agi suu li ay ki dayna mbay wa tok u miɗna vi Kristu.

1 TIMOTE 1:15

Gola wanni boy ma gasina ma sana ndak a vamma, Yesu Kristu mbay hu duliyara tani kay suɗ suu cona, dukusi halaŋŋi ma co saɓakina ni anu.

HEBRENA 10:4

Kay busu mbutlina u ɦugunina ka ndak a yow cora vi suuna kiɗi.

HEBRENA 11:14

Suu di ki nana ni tak ana asi hal mbas masira kay tasira.

HEBRENA 11:17

U vira Abraham li ɓivunna u Isaak hu li ma Lona min tukumma. Lona vi vunumi u nam Abraham, ni nam hin dam ana nam li ɓivunna u gorom ma dewna olo.

HEBRENA 11:7

U vira Nowa hum vun Lona hu li ma nam dam kay va ma hin li ha fokŋa, ni nam ka wi dla ndaɗta u irim tuɗi lay. Nam hum vun Lona, ceɗ lumba, suɗ tam ki u suu mamma huruɗu. Ni nam kaɓakŋa kay suuna hu duliyara, ni u viimba, Lona mbuɗ golom a sa ma ɗegeena.

HEBRENA 9:28

Kristu ɦal tam a ɓivunna sem dew ni na may, kay yow cora vi suuna ki bolowo. Nam hin hoŋ tak tam a mbara ni ka kay yow cora oloɗi, ni kay a suɗ suu ka juɓumma.

HEBRENA 9:5

Kolo kay zandukka wanni Serubimma laki kaɗu a taki ana Lona kaa, garaŋasi ki bari kay li ma ɓivunna kay cora. Ni ka hu li ma vi u boy namma ki bel belɗi.

1 JAŊ 1:10

Lini aygi di ana aygi li co kaɗi ni, aygi mbuɗuygi Lona ki ni sa kaboyna, ni boy mamma ka huruygiɗi lay.

1 JAŊ 2:2

Kay me Yesu ni sa ma ɦal tam ki ana cooygira daɓ kiyo na ka co maygi aygira doy holɗi, ni cora vi suu warna halaŋ.

1 JAŊ 4:10

Lon tak min mamba ki ni ko ndaɗta na, aygi min Lona ay jewni ka aygi na ɗowɗi. Lona miniygi ay jewni namu nam sun goromma ay ana nam bulumuygi cooygira ki u ɓivun mamma.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

WIRA ŊGAYRA 20:15

Sa ma sem ay ka ɓiiri hu magaara vi iiriraɗina, gam ki duk mbo lum ma kura.

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.