ROMMA 3:22 - Boy Lonana

²² Lona min mbuɗ suuna ɗegee u hurusi ma tini kay Yesu Kristuna, nam lini kay suu tin hurusi kay Kristuna halaŋ, nam ka ɓorow ii suunaɗi.

ROMMA 3:22 ပူးပေါင်းရင်းမြစ်များ

EZAYI 61:10

Yerusalem ŋga Lona di ana, an furi cocoo, furi coco ni kay Yawe, iri manda furi coco kay Loonna, kay nam cukun baraw ma suɗta egenu, nam kalan hu baraw ŋgol ma kaɓakŋa, ko ndal goora min taɗ a hal njufna, ɗowba mul ma li ɓivunna tin jumba jivira kamba na, ko goora hal a i njufna min taɗ ki jivira na.

JEREMI 23:6

Hu coki mamba ni Yuda ki suɗiya. Israel kak u heɓpa. Gola ni sem ma asi hinimma kamma, «Yawe ni ɗegee maygira.»

DANYEL 9:24

Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.

Boy Ma Ayra Ma LUK Ɓiirimma 15:22

Bum di maŋ suu lam sun mamba ana, Yowogi baraw ma jivina ay toŋgo zak. Cukumma tamu, kalam walakka kay komu, cukum tuɓuruna sem may.

SUNDA 11:12

Musuk Lonara dan ana tuɗ u asiya saa vaɗi. Gorseygina karkiya tuɗ u an may, ami cukumi kalafi hu ziŋ Korniyena u dlami halaŋ.

SUNDA 15:9

Nam ɓorowosi irisi ka u aygi zeɗɗi, nam mbususi hurusi kiyo kay asi viya.

SUNDA 3:16

Tinda tin huna kay sem Yesura u saɓak mamma. Gasi tinda tin huna kay Yesura sana garaɗ ki jivira karam fokogi halaŋ.

ROMMA 1:17

Kay ndaɗta Boy ma Ayra tak ana Lona min mbuɗ suuna ki ɗegee fokommi u vira dew daŋ, u tin ura gak gak daɓpa, ko ɓii ay hu magaara vi Lona ta jewra na, «Sa ma ii Lona ɗegee u virana hin kak iiriya.»

ROMMA 10:12

Suu Juifna u njaf suu daŋŋa ka zeɗ zeɗɗi, kay asi halaŋ Bu Suuna masina ni dew ma ɦal tlena maŋ suu yam semma.

ROMMA 10:4

Kristu mba tin kini gaɗta vi Moizza hu liiɗu, kay a suu vina halaŋ mbuɗ ki ɗegee fok Lona.

ROMMA 2:1

Aŋ sa ma kaɓakŋa kay suuna, vunuŋ hin vaŋ may. Hu li ma aŋ kaɓakŋa kay suuna, aŋ li ko asi na lay, ni aŋ kaammi kay taŋga tok.

ROMMA 3:30

Kay mege Lona nam dew daŋ, nam mbuɗ suu Juifna ɗegee ni u viisira, hin mbuɗ njaf suu daŋŋa ɗegee ni u viisira lay.

ROMMA 4:16

Vi vun Lonna nam vammi u vira, ni u ɦala ɦawara vi Lona kay ndaɗ mba li kay njaf Abraham halaŋ, ni ka kay suu vi u gaɗta ɦawana holɗi, ni kay suu vi ko Abraham na mayna, Abraham ni buygi halaŋ.

ROMMA 8:1

Cecemi kaɓakŋa ka kay suu tin hurusi kay Yesu Kristuna oloɗi.

ROMMA 9:30

Hin daygi kay boy namma ni ana mege? Suu ana asi ka suu Juifnaɗi lay, ka suu hal a mbuɗ tasi ɗegee fok Lonaɗi layna, asi mbuɗ ki ɗegee u vira.

1 KORINTNA 12:13

Aygi halaŋ suu Juifna u njaf suu daŋŋa, mborɓiina u suu vuɗina, aygi halaŋ mbusuygi batemma a taɓmi tara dewra u Musuk ndaɗta, ɦaygi ni kay aygi halaŋ taɓ ci u Musuk ndaɗta dew.

1 KORINTNA 4:7

Sa ma tiniŋ a ŋgolla kay ndarayaŋŋa ni gege? Tlesuu koŋŋa halaŋ Lona ɦaŋsina ni ka nambi su? Aŋ ŋga taŋ kay tlesuu koŋŋa ko aŋ fasi ka ɦawaɗira na ni nana ge?

GALATENA 2:16

Kay ndaɗta aygi vi ana sana mbuɗ ɗegee ii Lona ni u viimba hu Yesu Kristu dew daŋ ni ka ana nam li ni u gaɗta vi Moiz naɗi, aygi may ni vi u Yesu kay a mbuɗ ɗegee ii Lona, viiygira hu Kristu ka ana a li u gaɗta naɗi, sa ndak ka a mbuɗ ɗegee ii Lona kay lira li u gaɗtaraɗi.

GALATENA 2:20

An ka iiri kay tan cecemi oloɗi, Kristu ka iiri hurun ni namu, iiri manda an a sa warna cecemi wanda an ka iiri hu vira u Goŋ Lonana nam ma mininna ɦal iiri mamba ki kanna.

GALATENA 3:22

Boy ma Ɓiirina di anaba suu hu ndaŋgarana halaŋŋi mborɓiina u saɓak cora kay ɦala Lona vi vunum kaɗta mba li maŋ suu vi u Yesu Kristuna.

GALATENA 3:28

Suu Juifna ka ɓorowi zeɗ zeɗ u njaf suu daŋŋaɗi, mborɓiina ka zeɗ zeɗ u suu vuɗinaɗi, suu njufina ka zeɗ zeɗ u boyoginaɗi lay. Agi halaŋŋi hu taɓpa u Yesu Kristura dew.

EFESNA 3:12

U taɓ maygira u namba, u viiygira hurumba ni aygi faygi buɗta kay a col fok Lona hu vira gasira.

FILIPINA 3:9

A li ɗegee taɓi u namba wanni ka dlaanda an hum jivi u gaɗtaraɗi, ni u vira hu Kristu an mbuɗ ɗegee ni na, dla mayra mbuɗ sana ki ɗegeera mbay ni vi Lona, kay Lona haɗ ni maŋ suu vina.

KOLOSNA 3:11

Ni kay ndaɗta sa ma Juif kaɗi, sa ma ka Juifɗina kaɗi lay, ana sa ma ɗiwim cawina ɗowba bay cawra kaɗi lay, suu ka wi dlaɗina u suu haɗ dla kaɗina, mborɓiina u suu vuɗina, Kristu ni halaŋ hu gegelay halaŋ.

Magaara JAK Ɓiiriɗta 2:23

Va ma magaara di kam jewna li wa, di ana, «Abraham vi u Lona, Lona golom a sa ma ɗegeena ni kay viimba.» Ni kay ndaɗta Lona yam ana banamma.