ROMMA 3:21 - Boy Lonana

²¹ Cecemi Lona takay voɗta nam mbuɗuygi ki ɗegee fokomba, ni bay gaɗta diya. Gaɗta u suu jok vun Lona di anaba,

ROMMA 3:21 ပူးပေါင်းရင်းမြစ်များ

SUNDA 10:43

Suu jok vun Lona halaŋ di ki kam ana sa ma tin hurum kamma u saɓakŋa vi semu co mamba hin bulum kiyo.»

JEREMI 33:16

Hu buu namma ni Yuda hin suɗ ki may, Yerusalem hin kak u heɓpa may. Gola ni seɗ ma suuna hin yaɗ u namma, «Yawe ni jivi maygira».

FILIPINA 3:9

A li ɗegee taɓi u namba wanni ka dlaanda an hum jivi u gaɗtaraɗi, ni u vira hu Kristu an mbuɗ ɗegee ni na, dla mayra mbuɗ sana ki ɗegeera mbay ni vi Lona, kay Lona haɗ ni maŋ suu vina.

EZAYI 61:10

Yerusalem ŋga Lona di ana, an furi cocoo, furi coco ni kay Yawe, iri manda furi coco kay Loonna, kay nam cukun baraw ma suɗta egenu, nam kalan hu baraw ŋgol ma kaɓakŋa, ko ndal goora min taɗ a hal njufna, ɗowba mul ma li ɓivunna tin jumba jivira kamba na, ko goora hal a i njufna min taɗ ki jivira na.

EZAYI 51:8

Kay njufulna hin tasi ki ni ko ndal barawna na, dagakŋa hin tasi ki ko ndal tlimiɗ timigiina ɦawa na. Na may ɗegee manda ka ni na din din, suɗ manda ha kay njaf suuna fokosiya, fokosiya.

GALATENA 3:8

Boy ma Ɓiirina di ki fok jew ana Lona min mbuɗ njaf suu ɦawana ki fokom ɗegee ni u viisira ni kay ndaɗta ndaɗ di Boy ma Ayra ay fok jew maŋ Abraham ana, «Lona hin paɗ vunum ki kay njaf suuna halaŋŋi u aŋu.»

ROMMA 5:19

Kay ndaɗta bay hum vunna vi sa ma dewna cuk suuna ki hu cora ŋgolo, ko ndaɗta na may u hum vunna vi sa ma dewna mbuɗ suuna ŋgolo ɗegee fok Lona.

ROMMA 1:17

Kay ndaɗta Boy ma Ayra tak ana Lona min mbuɗ suuna ki ɗegee fokommi u vira dew daŋ, u tin ura gak gak daɓpa, ko ɓii ay hu magaara vi Lona ta jewra na, «Sa ma ii Lona ɗegee u virana hin kak iiriya.»

ROMMA 1:2

Lona vi vunum ki jew hu Boy ma Ɓiirina, ma teteɗna, u suu jokom vunumma, ana nam hin ɦal Boy ma Ayra aya.

SUNDA 15:11

Ni u oora vi Bu Suuna Yesu aygi vaygiya fi suɗta ni na, asi tasira vi ni na may.»

EZAYI 46:13

Dlaanda an a laɗ kira hin ka day oloɗi, hinni na tok daŋ. Buɗta kira ka day oloɗi, an mba buɗ mbassa Siyonda ki ni u tanda. Na daŋ may suu Israelna an hin ɦasi bibiŋil manda.

Boy Ma Ayra Ma LUK Ɓiirimma 24:44

Nam hin dasi ɗaŋ, «Agi gola ni dla mayra an dagira ay ki fok jew an ay u agi tura, boy ma ɓiiri kan hu magaara gaɗta vi Moizza, u ma vi suu jok vun Lona u ma hu magaara Soolla, dla ndaɗta a li ki ni halaŋ.»

2 PIYER 1:1

Ni Simon Piyer sa ma sunda ma vovoɗta vi Yesu Kristu. Maŋ suu may suu fi vira dlaɗ ŋgol ko ami na mayra u ɗegeera vi Lona u Sa Suɗta Yesu Kristu.

1 PIYER 1:10

Kay boyna vi suɗta suu jok vun Lona hal u boy namma saa kamu, asi di ki jew kay oora Lona hin ɦagirara.

GALATENA 5:5

Lini amiya ni ami wi ana Lona hin mbuɗuygi ɗegee fokommi namu ni va aygi ka juɓumma, u saɓakŋa vi Musuk Lonara ka njun uygi hu vira.

ROMMA 16:26

Cecemi ndaɗ mba ki wa kiɗiki, hu magaara vi suu jok vun Lona tlesuu ay huruɗ halaŋŋa, u gaɗta vi Lona ma ka daɓ kiɗina kay suuna hu ndaŋgara halaŋ wi u dla ndaɗta vi uɗ lay.

SUNDA 26:22

Lona njun ay un gak gak karam tani ni namu. An ka di boy manna ki maŋ suuna halaŋ, maŋ suu gorina u suu ŋgolona lay. Boy ma suu jok vun Lonna u Moiz dam ana hin mbana an ka jok va ma daŋ zeɗ u masinaɗi.

Boy Ma Ayra Ma JAŊ Ɓiirimma 1:45

Ŋgoo daganda Filip ŋgaf u Natanael dam ana, «Sa Moiz u suu jok vun Lona di kamma ami fam wa. Ni Yesu goŋ Yosef ma Nazaretna.»

DANYEL 9:24

Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.

EZAYI 54:17

Kawi ma asi dlam a laŋ hawra u namma halaŋ ka ndak a laŋ vaɗi. Suu may suu ka di dlara kaaŋ ɓakŋa kaŋga halaŋ aŋ hin su kasiya. Gola ni dlara an, Yawe, a laɗ kay suu man suu sununara. Dla ndaɗta daɗ kasi ni an Yawe daŋ may.

URA TIN AYRA 15:6

Abram tin hurum kay Yawe, ni kay ndaɗta Yawe ŋgaam a sa ma ɗegeena.

2 KORINTNA 5:21

Kristu coomba kaɗi Lona mbuɗum ki sa ma li dlara cora kay cooygira kay aygi mbuɗ ki suu ɗegeena fokom nam Lona.

1 KORINTNA 1:30

Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma.

ROMMA 9:30

Hin daygi kay boy namma ni ana mege? Suu ana asi ka suu Juifnaɗi lay, ka suu hal a mbuɗ tasi ɗegee fok Lonaɗi layna, asi mbuɗ ki ɗegee u vira.

ROMMA 5:21

Ni na may cora kak mulla kay miɗna, na may oora vi Lonara kak mulla kay ɗegeera tuɗuygi hu iirira bay daɓpa u Yesu Kristu Bu Suuna.

SUNDA 28:23

Asi ŋga buuna duk tasi u Pol dew, hu buu namma wanni suuna mba bolow cocoo, fi Pol hu li ma nam buu huna. Col ay maɗii day gak gak fiɗigiya, Pol dasi boyna kiyo, nam dasi boyna kay Mul Lonara, hal a mbuɗusi hurusi u Yesu, li sunda u gaɗta vi Moizza u magaara vi suu jok vun Lona.

ROMMA 3:28

Ay wi ana sana mbuɗ ɗegee fok Lona ni kay nam tin hurumu, ka kay nam vi u gaɗtaraɗi.

2 KORINTNA 3:9

Lini bibiŋilla ɓak ma kaay kay suuna ayna, bibiŋil mayra mbuɗ suuna ki ɗegee fok Lonara hin lini ko menage?