ROMMA 3:12 - Boy Lonana

¹² Suuna halaŋ viɗ ki eg Lona day, asi halaŋ ba ki wa, sa ma li jivira kaɗi, dew lay kaɗi.

ROMMA 3:12 ပူးပေါင်းရင်းမြစ်များ

SOOLLA 14:3

Suuna halaŋ cala voɗta ki wa, sa ma li dlara jivi ka na dewɗi, na dew lay kaɗi.

DI BOLLA 7:20

Kay sa ma ki na ɗegee kay ndaŋgara tani kaɗi, ma ndak a li jivira bay li dla co hu ni kaɗi.

EZAYI 64:6

Sa ma yaŋ seŋ kaɗi, sa ma dliɗ tam kolo a vaŋ kom kaɗi lay, kay aŋ ŋgay taŋ ki irimi wa, aŋ hinimi ko dla coomira ka lasami ni ndaɗu. Ami mbuɗ ni suu ka hu yoorana.

EZAYI 59:8

Asi ka wi voɗta tuɗuŋ hu heɓpaɗi, li ma asi jak huna halaŋ aŋ ka fi dlara ɗegee huɗi, voɗta asi tuɗ huruɗta guniya, sa ma tuɗ hu voɗ ndaɗtana ka a fi heɓpaɗi.

EZAYI 53:6

Aygi halaŋŋi ko timigiina na, ay ki viɗiya, gegelay ni tli voɗta nam tuɗ hura. Yawe tokoygi dla cooygira ki kam halaŋ.

DI BOLLA 7:29

Gola ni dlara an faɗta. Lona li sa warna ni ɗegee ka ŋga tambi, may sana hin hal dlara loɓma kay tammi namu.

1 PIYER 2:25

Agi li ay ni ko timigii suu ki viɗina na, cecemi wanda agi mba eg sa ma taa yoona jivina a gologi Musuk magira.

FILEMONDA 1:11

Nam li ay jew ni dlaamba ka jivi kaŋgi, cecemi nam mbuɗ jivi kaŋu, jivi kan lay.

EFESNA 2:3

Aygi halaŋ li ay ni ko asi na may, ay poyoygi ni u minda vi sa warna. Aygi ay lini u minda vi mbalataygiya, u ŋgus maygira, aygi ay ni hu njafna ki ŋgaɓi kay yara vi Lona ko suu hiŋŋa na may.

URA TIN AYRA 1:31

Lona wi ana tlesuu nam lasina halaŋ jivi cocoo. Njeŋgera liya, maɗiira fo may, ni buu ma karkiyana.

MATIYE 25:30

Sa sunda ma ka li vaɗi namma, vagina, gam ha ki bunsu duk ndufunda. Hu li namma nam hin tiira, muɗ siim may.»

JEREMI 2:13

Gasi, suu mansina li dla cora yasi ni mba'. Asi noyon an mbo ma iirina kiyo, asi min zul mbona, zul mbo ma ki cooyna, ka vi mbo kolo huruɗɗi.

SOOLLA 53:1

Soolla vi sa ma fok suu gi soollana, soolla haɗta vi David, gaɗ u diffa.

KALKIRA 32:8

Asi kak ka na njok a viɗ tasi ki hin voɗta an takasira hara kiraɗi. Asi min goo mbutlna fokosiya, asi goɓ ga fokomu, asi lam ɓivunna lay, di ana, gola ni loogina agi suu Israelna, ni ma cukugi ay ki hu mbassa Egipterana.»

SOOLLA 53:3

Lona ma ay kolona ka gol suu warna aya, a wi ana fi sa ma ɗegee dukusi dew su? Fi sa ma hal Lona su?

ROMMA 3:11

Sa ma hum ka dewɗi, ma hal Lona kaɗi lay.

ROMMA 3:13

Delesi ni ko zulla pi maɗna ki malira na, sinisi ɓakŋi dlara ganyamba, boy ma kal ay ki funusina ni ko ŋgis guygina na.