ROMMA 2:7 - Boy Lonana

⁷ Nam hin ɦal iirira ka daɓ kiɗira maŋ suu li jivina, asi suu hal ŋgolla u geleɗta u iirira bay miɗna.

ROMMA 2:7 ပူးပေါင်းရင်းမြစ်များ

JOB 17:9

Na may ko sa ma ɗegeena tuɗ fok u ɗegee mamba. Sa ma duk kom ki teteɗna lam ki teteɗ hu olo.

SOOLLA 27:14

Juɓ Yawe, kak saɓagi, li ndaaɗi. Juɓ Yawe.

SOOLLA 37:3

Ҥal taŋ ko Yawe, li jivira, kay a kak hu mbas maŋga, a nam goloŋ may.

SOOLLA 37:34

Juɓ Yawe, col hu voɗ mamba, nam hin ɦaŋ saɓakŋa a kak mulna kay mbassa, aŋ hin wi suu cona ki dikiya.

EZEKIYEL 18:17

Nam ka tin kom eg dlara guniɗi. Nam ka ndi va ki kay sa a mboɗi lay. Nam poy ni u gaɗ manda hum u neenda. Sa namma ka ndak a miɗ ki ko dla cora bum laɗtaɗi. Gasira ni nam hin kak iiriya.

MATIYE 25:46

Suu asina hin tuɗ duk kura ka daɓ kiɗira. Suu ɗegeena hin fi iirira ka daɓ kiɗira may.»

Boy Ma Ayra Ma LUK Ɓiirimma 21:19

Lagi tagi jiviya agi hin suɗ iiri magira ki ni na.»

Boy Ma Ayra Ma LUK Ɓiirimma 8:15

Ii njaf ma waɗ kay ndaŋgara jivira ni suu hurusi ndaki, jiviya hum Boy ma vi Lona, li umu, vam hurusi lay, tuɗ fok u nam gak gak. Boy namma zul hurusi coco may.»

Boy Ma Ayra Ma JAŊ Ɓiirimma 4:36

Sa feɗ wana hu senena, nam fi ki ni warak mamba da, nam tok ii wana ni kay iirira bay daɓpa. Ni kay ndaɗta, sa feɗ wana may, sa zaa wana may, asi furi ni ko tasi dew.

Boy Ma Ayra Ma JAŊ Ɓiirimma 5:44

Agiya, agi hal ni geleɗ magira duk tagira, geleɗta col ay kolo ko Lo ma dewna, agi ka halaɗɗi. Agi hin tin hurugi gin kay Lona ni ana mege?

ROMMA 2:10

Ni nam Lona hin ɦal ŋgolla u geleɗta u heɓpa maŋ suu li jivina halaŋ, gijaŋŋa u suu Juifna hin mba kay suu daŋŋa.

ROMMA 6:23

Warak ma cora ɦamma ni miɗna, ɦala ɦawara vi Lona ni iirira bay daɓpa, taɓi u Bu Suuna mayna Yesu Kristu.

ROMMA 8:18

An saa ana lassa ay ka laɗ koyni wanda ka ndak ŋga u ŋgolla Lona hin takayra fokkaɗi.

ROMMA 9:23

Nam a tak ɦizza vi ŋgol mamba ki u oora nam laɗta ni, nam min ki fok jew a ɦay ŋgol mamba.

1 KORINTNA 15:42

Hu li ma suu miɗina mba paɗ ki kolo iirina hin li ni na may. Ta sanara asi paɗ ki kaŋgara miɗa, tamba col ki kolo iirira ka miɗɗi.

1 KORINTNA 15:50

Gola gorsenna an min dagiya, va ma lam u tliwna u busuna ka ndak fi Mul Lonaraɗi, va ma ki miɗina ka ndak fi miɗɗira ɗi.

1 KORINTNA 15:58

Kay ndaɗta gorsenna lakagi eŋe geŋeɗɗi. Lagi tagi feɗ a li sunda vi Bu Suuna, kay mege agi wi ana sunda agi laɗ taɓi u Bu Suunara ka ki ɦawaɗi.

GALATENA 6:9

Hiniygi sunda li jivira kiɗi, lini aygi maŋ ka kiɗi ni aygi hin feɗ jivira hu li ma lina hin ndakŋa.

EFESNA 6:24

Ko oora vi Lona kak u suu min Bu Suuna mayna Yesu Kristu u minda ka daɓbira halaŋ.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

1 TIMOTE 1:17

Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

2 TIMOTE 1:10

Nam takaygi oo mamba ki ni u mbara vi Saaygi ma Suɗta, Yesu Kristu. Yesu Kristu su ki kay saɓakŋa vi maɗna wa ni u Boy ma Ayra nam takaygi ki kay iiri mayra ka miɗɗira.

HEBRENA 2:7

Aŋ hoŋom ki goo su suu sunda huulona kay buu njok ɦawaa, ni aŋ ɦam ŋgolla u geleɗta ko mul ŋgolna na. [Aŋ tinim kay sunda aŋ laɗ u koŋga.]

HEBRENA 6:12

Ami ka min ana agi mbuɗ ki zolomo naɗi, agi tli ni u suu vina suu lalamma, fi va ma Lona vi vunum kamma.

HEBRENA 6:15

Abraham juɓ u ɗigilla ni nam hin fi va ma Lona vi vunum kamma may.

1 JAŊ 2:25

Gola ni va ma Kristu di ana nam hin ɦayginana ni iirira ka daɓ kiɗira.