ROMMA 2:5 - Boy Lonana

⁵ Aŋ sa ma huruŋ cona ka min a jok huruŋ zeɗɗi, ni kay ndaɗta aŋ tok ɓak ma ŋgolna kaŋ wa, falira Lona hin a kaɓak mamma ɗegeena.

ROMMA 2:5 ပူးပေါင်းရင်းမြစ်များ

2 DLAŊ MULINARA 30:8

«Cem wanda soogi yagi ki ko ndal somoyogi na oloɗi. Baaragi kogi fok Yawe. Mbaagi ay hu ziim ma nam mbuɗum ki teteɗ a fafaɗta wanna. Sunugi Yawe, Loogina, kay a nam vaɗ hurum ma ɓeŋina ki egegiya.

2 DLAŊ MULINARA 36:13

Mulna Nabukodonosor suu tam fokommi u sem Lona. Na may Sedesiyas hin mbuɗ a sa ma babalira u namma. Nam so yam ki ni ka min a hoŋ ay eg Yawe, Lona vi suu Israelnaɗi.

JOB 21:30

Hu li ma dlara hahawra mba wa ni suu cona suɗ kiyo, yara vi Lonara hinisi ni ka ŋgenesiɗi.

SOOLLA 110:5

Bu Suuna ka kay bik koŋ ma njufna, hu li ma hurum ɓeŋŋa, nam cuk mulina ki ga halaŋ.

SOOLLA 95:8

soogi hurugi ki ko agi li ay hu Meribara na oloɗi, ko hu li ma agi ay ŋgoo bagi hu mbassa Massara naɗi.

KALKIRA 14:17

An may ni hin so huu suu Egiptena a asi cuk ha u suu Israelna dagan may, an hin ŋga tan kay Faraw u kulumi suu duu mamsina u suu mam suu duuna halaŋ, suu kulumina lay.

KALKIRA 32:34

Cemi aŋ tuɗa, tin suuna hu li ma an daŋ kamma, sa sun huulona manna hin tuɗ fokoŋŋi namu. May buu ma an mbay u tanda wa ni an hin cukusi daŋgayna kay dla coosira.»

KALKIRA 8:15

Suu li dlara kumuna di Faraw ana, «Li dla ndaɗta ni Lona u tamba». Na may ni Faraw so hurum gak gak nam ka min a hum vun gi Moiz u Aaron ko Yawe dira naɗi.

VUN ŊGOLNA 1:18

Na may asi buu suuna kaŋga ni buu ni tasira tok. Asi ba ki ni iiri masira taɗta tok.

VUN ŊGOLNA 11:4

Hu buu ma yara vi Lonara ni begera ka li vaɗi, may ɗegeera hin buɗ sana ki fun maɗna.

VUN ŊGOLNA 28:14

Furira ka kay sa ma fuɗ tam ki ko dla corana. Sa ma hurum co ɦayna dlara yoora hin mba kam may.

VUN ŊGOLNA 29:1

Sa ma so yam ki na so ka hum gaɗta vi saɗina, hin pukŋi cemcem, ka col oloɗi lay.

DI BOLLA 12:14

Sunda ay laɗta halaŋŋi Lona hin joɓ ki kaɗ dew dew bel. Ta ŋgayra halaŋ, lini ndaɗ jivi lay, co lay.

EZAYI 48:4

An wi ana agi yagi eŋ cocoo, delegi ki sooyra ko ndal kawina na. Vogogi eŋga ko kawi ma tlawna na.

JEREMI 40:3

Yawe mba dla ndaɗta aya. Nam li ni ko nam di kaɗ a laɗta na daŋ may. Ni kay ana agi li cora eg Yawe, kay ana agi humum delem kaɗi, dla ndaɗta mba ni na.

EZEKIYEL 11:19

«An hin ɦasi huu ma wilina u ŋgussa wilira. An hin paɗasi hurusi ma sooy eŋ ko ndal gogoyra nana kiyo, an hin ɦasi huu ma lumuɗna hurusiya.

EZEKIYEL 3:7

Suu Israelna ka hin humuŋgi, kay asi ka min a hum unɗira. Kay suu Israelna halaŋŋi yasi eŋ cocoo, hurusi sooy ɦay lay.

DANYEL 5:20

May hu li ma hurum zal coco lay, saaram ŋgel kiyo, mbuɗ ki co lay ni, nam ndi ki kaŋga hu mul mamba, asi hin tlam saɓak mamma kiyo.

Magaara Vi Sa Jok Vun Lona OZE 13:12

Cora vi Efrayimba tokoɗ ki eg taɗ hu li ma dewna wa ɗal ɗal, suluk mamma ka ɗogom tini na ta.

AMOS 3:10

Asi ka u yal ma li dlara ɗegeeraɗi, suu tok dla cora varasi a ɦurum tlena hu ziisina kira, Yawe di na.

ROMMA 1:18

Yara vi Lona col ay kolo day tak ki kay cora vi suuna halaŋ, u dlaasira cora ka hin gasira a liɗira.

ROMMA 11:25

Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta.

ROMMA 9:22

Va ma agi min dam kay Lonna ni mege? Nam min a tak yaamba u saɓak mamma kiyo. Kay ndaɗta nam siɓ ŋgolo u ɗigilla kay suu yaamba mba gin kasina hin tok a baasi kina.

2 KORINTNA 5:10

Aygi halaŋ hin mba ŋgaygi taygira hu ɓakŋa fok Kristu, kay gegelay mba fi va ma nam lamma, hu li ma nam ay hu mbalatam tuna, lini jiviya lini coo.

GA 8ATAMBARA 2:30

Na may Sihon mul ma Hesbonna ka min a hinimi a jak varambi. Kay Yawe, Loomina, soom hurum ka min a hum boy ma jivinaɗi, kay a ɦamina ki hu duk komira.

GA 8ATAMBARA 32:34

Gola ni dlara an miniɗ ay ki kon ŋgay gumunda. Ni dlara an ŋgayaɗ ki kon kasira.

2 TESALONIKŊA 1:5

Ni tak ki ɗegeera kay kaɓakŋa vi Lona, a agi li suu ndaki kay mulla vi Londa ta agi ka wihawra kaɗta.

HEBRENA 3:13

Ni na ɗow ana gaɗ tagi duk tagi hu buuna tew tew, ay jew day day lay karam lay magaara ka daygiya sa ma dukugi mba ganyam tam a cora mba ŋgelem humum kiɗi.

HEBRENA 3:15

Gologiya va ma magaara damma anaba, «Lini agi hum del Lona karam wa ni, ŋgelegi humugi ki ko agi ŋgelegi humugi hu buu ma agi duu u Lonara naɗi.»

HEBRENA 4:7

Ni kay ndaɗta Lona ŋga buu ma daŋŋa dew olo yam ana karami. Hin ŋgoo daganda ni David hin di hu magaara olo ana, «Lini agi hum del Lona karam wani, ŋgelegi humugi kiɗi.»

Magaara JAK Ɓiiriɗta 5:3

Lor magira u gursu magira ti ki tumusna wa, tumus ma namma dagi kini yagiya, nam hin ŋgalagi tliwigi kini ko kura na, agi tokogi begera kogi hu buu ma daɓ dagan cecemina wa.

JOSUWE 11:20

Yawe soosi hurusi ki hinisi ka a taɓ dukusi banara u suu Israelnaɗi. Asi li duuna u suu Israel ni kay a suu Israelna daɓasi kira, ka asi vi banara u asiɗira. Asi casi ki ni ko ndal Yawe di ka maŋ Moizza na may.

2 PIYER 2:9

Bu Suuna wi dlara suɗ suu ɗegeena ki duk dla cora, nam wi a vaa suu cona cukusi daŋgayna hu buu ma kaɓakŋa.

2 PIYER 3:7

Huulona u ndaŋgara ka cecemi wanda, Lona hinisi u Boy mam namma, kay hin ɓalakasi ki u kura nam hinisi kay juɓ buu ma kaɓakŋa kay suu cona, baasi kiyo.

Magaara JUD Ɓiiriɗta 1:6

Saaragi kay suu sunda huulona suu hurusi li ayra ka kay ŋgol masira ɦasirara ɗina. Asi noy liisi ma asi ay huna kiyo. Nam ɓalasi kaŋga u kinjiŋŋa, hu li ma ndufun girmindiŋŋa gak gak asi juɓ buu ma ŋgol ma kaɓakŋa.

WIRA ŊGAYRA 2:21

An hiniɗ lina a ndaɗ mbuɗ huruɗ kay cooɗta, ndaɗ ka min a mbuɗ huruɗ kay dlara zoŋgaɗi.

WIRA ŊGAYRA 6:17

Kay buu ma ŋgol ma yaamba hin mba wa ni sa ma col fokomma ni gege?»

1 SAMUEL 6:6

Agi mbuɗugi hurugi diɓilikka ko suu Egiptena u Faraw lira na ni kay mege? Hu li ma nam col a panasina ni asi hin hinisi asi tuɗ kaɗi su?