ROMMA 2:4 - Boy Lonana

⁴ Aŋ pan jivira ŋgolla vi Lonara u ɗigilla, u lalam mamba, ni pani su? Aŋ ka wi ana jivi Lonara hal a mbuɗuŋ iiri maŋga zeɗ ni ndaɗu naɗi su?

ROMMA 2:4 ပူးပေါင်းရင်းမြစ်များ

SOOLLA 10:11

Sa ma cona di tam hurum ana, «Lona maa ki wa, nam ha ki day, ka wam ayɗi.»

SOOLLA 104:24

Yawe sun maŋga ndaɗ bolow cocoo, aŋ laɗ halaŋŋi u yalna, tlesuu kay ndaŋgarana halaŋ aŋ lasi ni aŋu.

SOOLLA 31:19

Suu pan suuna u ŋga tasina vunusi ma kaboyna mbuɗ ki ndumu wa, vunusi ma ɓak dla cora eg suu ɗegeena.

SOOLLA 78:38

Lona ma wi hahaw suuna nam hin dlara casi kira tani bulumusi coosira kiyo. Nam tew tew ni heɓ yaamba gaa, nam ka tak yaamba ki kiɗik belɗi.

SOOLLA 86:15

May aŋ, Bu Suuna, Lo ma wi hahaw suuna, huruŋ ka ɓeŋ zakgi, huruŋ oy u ɗegeera u gasira,

SOOLLA 86:5

Bu Suuna, aŋŋi sa ma jivina, ma bulum cora kina, aŋ sa ma ɗegeena ka hum suu ka yaŋŋa tew tew.

KALKIRA 34:6

Yawe jak fokom na ni nam yiya, «Yawe, Yawe, Lo ma oora, ma hurum oy u jivirana, ma ka mbuɗ ya zakgina, ma hurum oy u ɗegeerana.

DI BOLLA 8:11

Kay ana dla cora sa ka ɓakaɗ ki na zakgi. Huu goryoŋ Adamma oyra ni u dla cora.

EZAYI 30:18

Na may Yawe ka juɓmi buu ma nam a li oora kagina. Nam hin col kolo tak oo mamba kiyo, kay Yawe ni Lo ma ɗegeena. Furira ka kay suu tin hurusi kamma.

JEREMI 7:10

Hin hoŋogi ay mba col fokon hu zira sen ka ki kaɗ a di ki ana, «Ami ki suɗiya,» hin tuɗ fok u lira li dla cora na gak gak su?

EZEKIYEL 11:19

«An hin ɦasi huu ma wilina u ŋgussa wilira. An hin paɗasi hurusi ma sooy eŋ ko ndal gogoyra nana kiyo, an hin ɦasi huu ma lumuɗna hurusiya.

EZEKIYEL 16:63

Kay ana humuk hin gaku, ndak hin mbuɗ ki zolona. Hu li namma ni ndak ka a mal vunuk a di boy oloɗi. Hu li ma an bulumuk dla cookka ndak laɗta kina. Di ni Bu Suuna, Yawe.»

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

JONAS 4:2

Nam cen Yawe di ana, «Ҥii, Yawe ni boy ma an dam hu li ma an ay hu mbas mandanaɗi su? Kay ndaɗta an mbuɗ a pii ki a tuɗ hu Tarsis ni naɗi su? An wi ki jivi ana, aŋŋi Lo ma jivina ma wi hahaw suuna, huruŋ ka mbuɗ ya zakgi, huruŋ oy u dlara jivira, aŋ ndak hoŋ ay kay dlaaŋga aŋ daɗ a li cora eg sanara.

NDUMBA 14:18

Anni Yawe, hurun ka ɓeŋ zakgi, hurun oyra u ɗegeera, an siɓ dla cora suuna laɗta, ta ka jak ki kan bay an waɗɗi, an tin cora vi somora ki kay goryosiya kay goŋ ŋgologina lay ha kay njafasi fokosi na gak gak hindi lay, fiɗi lay.

ROMMA 10:12

Suu Juifna u njaf suu daŋŋa ka zeɗ zeɗɗi, kay asi halaŋ Bu Suuna masina ni dew ma ɦal tlena maŋ suu yam semma.

ROMMA 11:22

Gol jivira vi Lona u yaamba gige? Nam li yara kay asi suu puk kaŋgana, nam li jivira kaŋ aŋ may. Mariyaɗ ni aŋ kak hu jivi mamba gak gak. Li ka naɗi ni nam hin kaaŋ ki ko nam ka ma hiŋŋa kira na may.

ROMMA 11:33

Ҥizza vi Lonara ŋgolla nera u wiimba zul ɦay. Sa hin ndak a gam u dlaam ndaɗta kina ni gege? Va ma ŋgaamma sa ndak a humum um kina ni gege?

ROMMA 3:25

Lona li ɓivunna ki u namu, u miɗ mamma Yesu yow cora vi suu vi umma kiyo, Lona li takka ki a wi ana nam ɗegee u jewra nam ɗil irim kay cora vi suuna.

ROMMA 6:1

Daygi ana mege lakaygi hu dla cora a oora vi Lona mbuɗ ŋgol su su?

ROMMA 6:15

Na na ɗaŋge? Aygi ndak laygi cora ana aygi ka njuni u gaɗtaɗi, ni u oora vi Lonara su? Ҥawaa ka ndak li naɗi.

2 KORINTNA 8:2

Suu vina wihawra fasi ŋgol lay ni furi masira ay ŋgol suwa, asi haw ŋgol lay ni ɦizza, minda hurusira kaa.

EFESNA 1:18

An min ana agi fagi kiɗikka hurugiya, kay a agi mba li a suu Lona yagi ay agi ka juɓumma, agi mba wi va ma ŋgol ma hu jona ma nam hinim maŋ suu mammana.

EFESNA 1:7

Hu miɗna vi Kristu aygi buɗ ki hu cora wa, cooygira daɓ ki wa. Ni kay ndaɗta Lona takaygi ŋgolla vi oo mamba.

EFESNA 2:4

Jivira vi Lona ta ŋgolla u min mamba nam miniygira.

EFESNA 2:7

Nam li dla ndaɗta na ni kay a tak saɓakŋa vi oo mamba mbuɗ mbuɗta hin mbayra, ni u jivi mamba nam takaɗ ki hu Yesu Kristura.

EFESNA 3:16

An joɓ Lona u ɦizza vi ŋgol mamba a nam mba ɦagi saɓakŋa u eŋga u Musuk mamba hurugiya.

EFESNA 3:8

An ni sa ma kaɗaki duk njafna vi suu vi Lonana halaŋ ko ndaɗta na lay ni Lona ɦan a di Boy ma Ayra vi ɦizza bay daɓpa vi Kristu maŋ suu ka njaf suu Juifnaɗina.

FILIPINA 4:19

Lo manna mba ɦagi tlesuu agi minisina halaŋ u jivira vi ɦiz mamba hu Yesu Kristu.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

KOLOSNA 2:2

An duu kay ana hurusi mba fi ɦiŋga kay asi mba li taɓi dew hu minda gasira, kay asi mba ndak ki hu gasira vi yalna, kay wi dlara ŋgayra vi Lona ni di ana Kristu tamba.

1 TIMOTE 1:16

Ni kay ndaɗta Lona wan hahawan ni na, kay Yesu Kristu mba tak lalam mamba ki egenu kay suu hin a vi ha um daganna mba fi iirira ka daɓ kiɗira.

1 TIMOTE 6:17

Gaɗ suu ka ɦizi hu duliyara tanina asi ŋga tasiɗi, dasi ana asi tin saa masira kay ɦizza bay gasira ndaɗtaɗi, tiniɗ ni kay Lona ma ɦaygi tlena ndakaygi ki halaŋ a aygi mba lak u furira.

1 PIYER 3:20

Ni maŋ ŋgus suu ay jew hum ka u Lonaɗina, hu li ma Lona ka juɓ u lalamba hu buu ma Nowa ka ceɗ lumba tuna. Suu cuk hu lumbana ka bolowɗi, ni kalavandi daŋ suɗ ki ko mbona ni asi gaw.

2 PIYER 1:11

Ni agi hin a fi voɗta a cuk hu mul mayra ka daɓ kiɗira vi Bu Suuna, Sa Suɗta Yesu Kristu.

2 PIYER 3:15

Lalamba vi Bu Suunara ni ko voɗta suɗuygira na, ni kay ndaɗta wayaygi ma banaygina, Pol, ɓiirigi boy namma u yal ma Lona ɦammana.

2 PIYER 3:3

Wagi ki anaba hu buu ma hin mbay daganna ni suu may suu kak iiri kay tasi u min masira kay tasina hin panagi anaba,

2 PIYER 3:9

Bu Suuna ka hin va ma nam damma bay li ki ko suu hiŋŋa saara naɗi. Nam li ɗili egegiya nam min a sa ba kiɗi nam min na ɗow ana suuna halaŋ mba jok iiri masira ki zeɗ.

WIRA ŊGAYRA 2:21

An hiniɗ lina a ndaɗ mbuɗ huruɗ kay cooɗta, ndaɗ ka min a mbuɗ huruɗ kay dlara zoŋgaɗi.

WIRA ŊGAYRA 3:20

Huma, an ka coli a daɓ vun zira, lini sa humun delenu ni, mal vun zira kiyo an kal varamu, ti funa u namu, nam hin ti u an may.