ROMMA 16:26 - Boy Lonana

²⁶ Cecemi ndaɗ mba ki wa kiɗiki, hu magaara vi suu jok vun Lona tlesuu ay huruɗ halaŋŋa, u gaɗta vi Lona ma ka daɓ kiɗina kay suuna hu ndaŋgara halaŋ wi u dla ndaɗta vi uɗ lay.

ROMMA 16:26 ပူးပေါင်းရင်းမြစ်များ

1 TIMOTE 1:17

Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

GALATENA 3:8

Boy ma Ɓiirina di ki fok jew ana Lona min mbuɗ njaf suu ɦawana ki fokom ɗegee ni u viisira ni kay ndaɗta ndaɗ di Boy ma Ayra ay fok jew maŋ Abraham ana, «Lona hin paɗ vunum ki kay njaf suuna halaŋŋi u aŋu.»

ROMMA 15:18

Lini an min a ɓak eŋ kay va ni kay mayra Kristu yan ki a mbuɗ njaf suu daŋŋa ki a hum u Lona nam tak dla ndaɗta ki u boyna u sunda may.

ROMMA 1:5

U namu, ami fi oora vi Lona, yami a suu vovoɗta kay geleɗ Kristu a mbaa suuna ay halaŋ kay vi umu, hum u gaɗ mamba lay.

EZAYI 40:28

Agi ka wiɗi su? Agi ka humbi su? Lona Yawe ni sa ma li duliyara halaŋŋa nam ka dindin, nam ka loɓbi, ka mbuɗ maŋiɗi lay, sa ma daŋ ma wam neemba ki kaɗi.

2 TIMOTE 1:10

Nam takaygi oo mamba ki ni u mbara vi Saaygi ma Suɗta, Yesu Kristu. Yesu Kristu su ki kay saɓakŋa vi maɗna wa ni u Boy ma Ayra nam takaygi ki kay iiri mayra ka miɗɗira.

KOLOSNA 1:26

Ni a di ana dlaamba ay ki ŋgay day day, sa warna ka waɗɗira, ni nam takaɗ ki cecemi maŋ suu mamsina.

EFESNA 1:9

Nam takay dlaamba ŋgayra, nam saa ki fok jew ana nam min li u vunum ma nam vam ki fok jewna hu Kristu.

ROMMA 15:4

Tlesuu ay hu Boy ma Ɓiirina jew halaŋŋa ɓii ay ni kay a takaygi u dlara, kay boy ma ay hu magaara namma halaŋ mba gaɗaya, kay ay mba kak u juɓpa u ɗigilla.

ROMMA 1:2

Lona vi vunum ki jew hu Boy ma Ɓiirina, ma teteɗna, u suu jokom vunumma, ana nam hin ɦal Boy ma Ayra aya.

URA TIN AYRA 21:33

Abraham pi gu cinda hu Berseba. Hu li namma Abraham gijaŋ cen u sem Yawe, Lo ma Dindinna.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

EFESNA 2:20

Agi ni suu mini kolo kay u zira suu vovoɗta u suu jok vun Lona tiniɗta, ɦini mayra garaŋga col zira eŋga ni Yesu u tamba gaw.

MISE 5:2

Kay ndaɗta Lona hin noyosi ki ta ta hu li ma ca mayra a vuɗ goonara vuɗum kira. Ɗaŋŋi suu usi hin ko gorsesinana hin taɓ ko tasi u goryoŋ Israelna.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

ROMMA 3:21

Cecemi Lona takay voɗta nam mbuɗuygi ki ɗegee fokomba, ni bay gaɗta diya. Gaɗta u suu jok vun Lona di anaba,

ROMMA 1:20

Ni kay mayra Lona min duliyara ay day dayra, dlaamba bay sa waɗ u irimba ni di ana saɓak mamma ka daɓi ɗina, u dlaam mayra ana ni nam Lona daŋ mayra, ni halaŋ tak ki kay sun mayra nam laɗ ndaɗta ni suuna ndak kay wamu, ii boy masina ka ndak a ɗoɓ oloɗi.

SUNDA 10:43

Suu jok vun Lona halaŋ di ki kam ana sa ma tin hurum kamma u saɓakŋa vi semu co mamba hin bulum kiyo.»

SUNDA 6:7

Boy Lonana zul ha ki fok zuli na ɗow ɗow. Suu haɗina zul hu Yerusalem cocoo, suu li ɓivunna ŋgolo tin hurusi kay Yesu.

MARK 16:15

Nam hin dasi ana, «Tuɗugi ha ki kay yam mbassa halaŋ, dagi Boy ma Ayra ki maŋ suuna halaŋ.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

GA 8ATAMBARA 33:27

Lo ma vi somoyogi suu jewna ni Lo ma ŋgay tara. Col ay day ta ta cemi kom ma saɓakŋa ka li sunda ga kay ndaŋgarana. Nam dikigi suu babali magisina ki fokogiya, nam ɦagi voɗta ana daɓasi ki halaŋ.

WIRA ŊGAYRA 19:10

An goɓ kaŋga fokom a cenemba nam dan ana, «Li naɗi, anni sa sunda ɦawaa, ko aŋŋa may, ko gorseŋ suu u gasira Yesu takasira hurusina na may. Cen Lona!» Gasira Yesu takaɗ kira ni va ma suu jok vun Lona dam ay jewna.

WIRA ŊGAYRA 1:17

An wam wi ni ndi kaŋga fokom ko miɗira na. Nam tin kom ma njufna kan dan ana, «Li ndaaɗi, an ni ura tin ay jewra u daɓpa daganda lay.

HEBRENA 13:8

Yesu Kristu ni ko kaa na lay, karam lay ha fok na gak gak.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.