ROMMA 16:25 - Boy Lonana

²⁵ Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi.

ROMMA 16:25 ပူးပေါင်းရင်းမြစ်များ

1 KORINTNA 2:7

An dini kay nera vi Lona ta ŋgay ii suu neeyna Lona ŋgaɓaygi ŋgolla ay ni maygi aygi hu li ma duliyara bay li tuwa.

ROMMA 2:16

Ni va ma Lona hin kaɓakŋa kay suuna u Yesu Kristu u tlesuu ŋgay huu suuna halaŋ ko Boy ma Ayra ma an ka dam wanna dira na.

EFESNA 1:9

Nam takay dlaamba ŋgayra, nam saa ki fok jew ana nam min li u vunum ma nam vam ki fok jewna hu Kristu.

2 TESALONIKŊA 2:14

Lona yagi ay ni u Boy ma Ayra ma ami dagina na. Nam yagi a fi ɓorow magira hu ŋgolla vi Bu Suuna Yesu Kristu.

2 KORINTNA 4:3

Lini Boy ma Ayra ma ami ka damma ki kiɗiki, ni nam ii suu ba kina ni ndufun lay.

EFESNA 3:9

Kay a suuna halaŋ mba wi u tlesuu ŋgayna vi Lona kiyo, Lona ma li tlena halaŋŋa dlaamba ay dayra nam ŋgayaɗ ay na gak gak.

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

2 TIMOTE 2:8

Humuŋ gaŋ kay Yesu Kristu paɗ ay ki kolo hu miɗna iiriya nam ay ni hu njaf David ko Boy ma Ayra ma an damma dira na.

2 TESALONIKŊA 3:3

Na may Bu Suuna ɗegee, njun ugiya, ɦagi saɓakŋa, gologi ko Sa ma Cona.

EFESNA 6:19

Cenegi Lona kanu a Lona ɦan boy ma jivina hu li ma an a damma, kay an a di u eŋga a tak dlara ŋgayra vi Boy ma Ayra kiyo.

GALATENA 2:2

An tuɗ ni kay dlara Lona takanda a an laɗta, hu tokka vi suu ŋgolona an dasi Boy ma Ayra ma an ka dam maŋ suu ka njaf suu ɦawana. An ka min ana sun manda an laɗ ki fok jewra lay ta cecem wanda lay ba ki ɦawaɗi.

2 KORINTNA 4:5

Ami ka ɓak boyna ni kay tamira gawɗi, ami di boyna ni kay Yesu Kristu Bu Suuna, ami di kay tami ana ami ni suu sun masira kay sem Yesu.

1 KORINTNA 1:23

Hu li ma ami di boyna kay Kristu ɓali hu gu ma garakŋa, boy namma kay suu Juifna ni va ma daɓasi sesina, kay njaf suu daŋŋa ni va ma laɓana may.

SUNDA 20:32

«Cecemmi an hinigi ko Lona u boy mam ma oora. Nam ndaki kay a njunugiya, a ɦagi jivira nam ŋgaaɗ kay suu mamsina ko jona na, ni kay suu mbuɗi teteɗna halaŋ.

SUNDA 9:20

Nam gijaŋŋa ni na zak gaw a ɓakasi boyna hu Zira Tokka dasi ana Yesu ni Goŋ Lonna.

MATIYE 13:35

Nam li na ni, faɗ ki ni vun sa jok vun Lona ma di ana, «An hin ɓakasi ni u ndal boyna. Tlesuu ay day u ura tin ayra dayna, an hin ɓakasina kiyo.»

MATIYE 13:17

Gasagi an dagi ni u voɗoɗu. Suu jok vun Lona u suu ɗegeena ŋgolo, min a wi tlesuu agi wasina, hin wasi kaɗi, hal a hum tle asina lay, asi humusi kaɗi.»

AMOS 3:7

Kay ana Bu Suuna, Lona ka li dla bay tak dlara hurumba ki maŋ suu mam suu sunda suu jok vun Lonaɗi.

DANYEL 2:22

Nammi sa ma tak u dlara mbuɗ mbuɗ mayra ki ŋgayra kina, nam wi tlesuu ka duk ndufundana lay, kiɗikka ka u nam may.

1 PIYER 1:20

Kristu Lona manam ay ki ni jew bay duliyara li tuwa, nam takam ki hu buu ma daganna ni kagiya.

HEBRENA 7:25

Nam ndak suɗ suu mba eg Lona u semma kiyo, cecemi lay a fafatɗa, nam ka iiri tew tew, cen Lona kasiya.

TITTA 1:2

kay asi mba lak juɓ u hurusi tini kay iirira ka daɓ kiɗira. Lona ma bay kaboyna, vi vunum ki fok jew kay iiri ndaɗta bay lina ndak tuwa.

2 TIMOTE 1:9

Nammi sa suɗuygi kina yaygi ana aygi ni suu mamma, ni ka kay sun maygira aygi laɗtaɗi, ni kay dlaamba nam ŋgaɓaɗta u oo mamba, nam ɦaygi oo mamba hu Yesu Kristu jew lina bay min tuwa.

EFESNA 3:11

Lona li na ni u min mamba nam tiniɗ ay jewra, ka daɓ kiɗira, nam daɓ dla ndaɗta ki u Yesu Kristu Bu Suuna mayna.

1 KORINTNA 4:1

Agi golomi ni ko ami ni suu sunda vi Kristu suu di ki kay dlara ŋgayra vi Lonara.

ROMMA 14:4

Sa ma ndak a kaɓakŋa kay sa sunda vi ndaramma ni gege? Lini nam li sun mamba jivi ɗowba ka laɗ jiviɗi, waɗni malamma, nam li jiviya ni Bu Suuna ndak a vam kommi namu.

SOOLLA 78:2

An min njaɗagi dlara ha u ndal boyna kay dla mayra jak ay ki jewra.

1 TESALONIKŊA 3:13

Ko nam soogi hurugi a lak bay cora teteɗ fok Lona Buya, a juɓ mbara vi Bu Suuna mayna Yesu u suu mam suu teteɗna halaŋ.

ROMMA 11:25

Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta.

ROMMA 16:24

Ko oora vi Bu Suuna mayna Yesu Kristu kak u agi halaŋ. Amin.]

KOLOSNA 2:2

An duu kay ana hurusi mba fi ɦiŋga kay asi mba li taɓi dew hu minda gasira, kay asi mba ndak ki hu gasira vi yalna, kay wi dlara ŋgayra vi Lona ni di ana Kristu tamba.

KOLOSNA 4:3

Cenegi kamiya, kay Lona mba ɦami voɗta jivira a di boy mamma ŋgayna vi Kristu, an ka cecemi daŋgayna ni kay boy mamma ŋgay namma.

WIRA ŊGAYRA 10:7

Falira sa sunda huulona ma kiɗisiyana hin bu difnara ŋgayra vi Lonara hin daɓmi hu buu namma. Ko nam di suu sunda suu jokom vunumma na.

MATIYE 20:7

Asi ana, Ni kay sa yami kaɗira. Nam dasi ana, Li na ni, tuɗ lagi sunda hu sene manna.