ROMMA 16:17 - Boy Lonana

¹⁷ An ka dagiya gorsenna gologi tagi jivi ko suu col ciwayra, a ɓorow duk suuna ki u haɗta agi haɗaɗta, ɦuɗ tagi ki egesi day.

ROMMA 16:17 ပူးပေါင်းရင်းမြစ်များ

Magaara JUD Ɓiiriɗta 1:19

Asi ni suu li dlara ɓorow duk ɦoŋ suuna kira. Asi li dlaasira ni u min masira kay tasiya ka ura vi Musuk Lonaraɗi.

2 TESALONIKŊA 3:6

Gorsenna ami gaɗagi fok Bu Suuna Yesu Kristu, taɓagi u gorsegi suu zolombaɗi, asi ka min hum u haɗta ami haɗasiraɗi.

2 TIMOTE 3:5

Asi li ko asi vi u Lona na, na may ni noy saɓak vira kiyo, aŋ taɓ u suu asinaɗi.

KOLOSNA 2:8

Gologi tagi jiviya kay sa mba vagi ki um u ganyamba boy ma coli kay nera vi suuna col kay haɗta vi duliyara, u haɗta vi suuna ɦawa, ni ka kay Kristuɗi.

TITTA 3:10

Sa ma mbaa ka ira duk suunana aŋ gaɗam yaŋ goy mba', hin hinim kiyo.

GALATENA 2:4

Gorseygi suu bay gasina cuk tasi dukumi min a cawam ɗiwimu, suu asina taa tasi ay umi ko suu cegeɗta na, kay gol buɗ mayra aygi buɗ ki u Yesu Kristura asi min a mbuɗuygi ki mborɓiina.

1 TIMOTE 1:3

Ko an daŋga na an a tuɗ Masedoin ni aŋ kak ka hu Efes. Hu wanni suu haɗ gaɗta cora kaa, aŋ gaɗasiya, asi hin haɗ ndaɗta.

FILIPINA 3:17

Gorsenna lagi ko an na halaŋ, ami takagi voɗta wa, gologi irigi kay asi suu ka tuɗ hu voɗta ndaɗta.

MATIYE 18:7

Hahawra kay suu cuk ndarayasina hu cora. Gasi, dla cora hin mbaa, hahawra kay sa mbaaraɗ ayna.

1 KORINTNA 3:3

kay agi ka li ni ko suu hu duliyara na tuwa. Gi honira u ciwayra ka dukugi tuwa, ni tak kini ana agi ka ni ko suu hu duliyara na tuwa, ni agi poyni ko suu hu duliyara na tuɗi su?

SUNDA 15:24

Ami hum ana suu col ha vo varami tani min viɗigi yagi mbuɗugi ndaana u boyna, ami ɦasi voɗta ha ka kay boy nammaɗi.

1 JAŊ 2:19

Suu asina ka suu maygisina gasiɗi ni kay ndaɗta asi hinigi kini na li gasi asi ni suu maygisina ni asi ka hinigi kiɗi, hin kak ginni u aygiya. Asi tuɗ hinigi kini a takaygi kini ana saaygi maa ka dukusi dewɗi.

MATIYE 18:17

Nam humusi vunusi kaɗi olo ni, dam ki fok suu vina halaŋ. Suu vina nam humusi vunusi kaɗi ni, golom ko sa hawana na.»

1 KORINTNA 11:18

Kay an hum ana hu tok magira ni vunugi ɓorowi na zeɗ zeɗ, an wi gasi ma ɦiw na daŋ may.

Boy Ma Ayra Ma LUK Ɓiirimma 17:1

Yesu di suu haɗi mamsina ana, «Tlesuu gi ii suuna hu cora hin a li dukusi gak gak. Hahawra hin lini kay sa ma gi ii ndarammana.

MATIYE 7:15

«Lagi tagi jivi ko suu kaboyna ana asi ni suu jok vun Lonna. Asi mba egegi ni, mbuɗ tasi ko timigiina na, doy hurusi kurufu ni, ko bosokona na.