ROMMA 15:31 - Boy Lonana

³¹ Cenegi kanu kay an suɗ ay ki ko suu bay vina hu mbassa Yudera, kay njunda an tuɗ u ndaɗ hu Yerusalem wanda a suu vina mba faɗ u furira.

ROMMA 15:31 ပူးပေါင်းရင်းမြစ်များ

2 TESALONIKŊA 3:2

Kay ami mba buɗ ki ko suu co suu ka ŋgaf u saɗina. Kay suuna halaŋ ka suu vina belɗi.

2 KORINTNA 8:4

Asi joɓomi ana lini nanagelay asi min ɦal tlesuu njunda maŋ suu vi Lona hu Yude.

2 KORINTNA 9:1

Kay ka jivi coco a an ɓiirigi magaara ha kay a njun u suu vina vi Lona hu Yuderaɗi.

ROMMA 15:25

Cecemi an tuɗ Yerusalem kay li sunda duk suu vi Lona suu huna.

2 TIMOTE 4:17

Bu Suuna mbay egen tok njunun ni namu, kay an ndak a di boyna maŋ suu ka njaf suu Juifnaɗina, asi humum ki halaŋ, nam suɗun ay fun dlona.

2 TIMOTE 3:11

Aŋ may ni hum u las manda u wihaw manda. Aŋ wi dla mayra li ay egen hu Antiok u Ikonium u Listra halaŋ, u lassa an siɓiɗ hu li nammara. Bu Suuna suɗun ay ki ko dla ndaɗta halaŋ.

1 TESALONIKŊA 2:15

Asi ni suu ci Bu Suuna Yesu u suu jok vun Lona kina, ni suu lasamina, asi ka ii Lona jiviɗi, asi gonokka u suuna halaŋ.

SUNDA 25:24

Festus di ana, «Mul ŋgolna Agripa u agi suu ka toki tani u amina halaŋ, gologi sana njeni kay boy ma suu Juifna tok ay mba sekem fokon tani, ay Yerusalem lay, tani lay, suu asina sawalla ana cam ki ciya.

SUNDA 25:2

Hu li namma ni muli suu li ɓivunna u suu ŋgolo suu Juifna mba sek kay Pol fokomu. Asi joɓ Festus

SUNDA 22:24

Sa ma ŋgol asgaa ma Romma di ana asi kal Pol ha vo hu zira ŋgolla suu asgaana buu hura a cam waɗta, kay nam di u va ma suuna lam hawra, tum soora kam ŋguk ŋgukŋa kiyo.

SUNDA 9:13

Ana nias hoŋom dira ana, «Bu Suuna, suuna bolowo ɓak kay sana wanni kay cora nam laɗ eg suu maŋ suu Yerusalemma.

SUNDA 9:15

Bu Suuna dam ana, «Tuɗa, an man sa namma ni ko vaan ma sunda na a takan sen ki maŋ njaf suu daŋŋa, maŋ muli masisina u suu Israelna.

1 KORINTNA 16:15

Gi Stefanas u suu mamma agi wasiya, hu Gresna asi ni suu vi hu Boy Lonana jewna. Asi cuk tasi duk suu vina a li sunda vi Lona. An min joɓogiya gorsenna,

2 KORINTNA 1:10

Nammi sa ma suɗumi ay ki fun miɗna ko dlara, ni hin suɗumi kini nam olo, ni ami hin juɓmi komu nam hin suɗi olo.

2 KORINTNA 9:13

Sun mayra agi laɗ ndaɗta tak ki kay tagira, suuna ŋgolo mba geleɗ Lona kay hum vun magina ma tak viigira u Boy ma Ayra vi Kristu, asi mba geleɗemu kay ɦiz magira agi ɓorow tlegeyegi ki u asira, u suu daŋŋa halaŋ lay.