ROMMA 15:16 - Boy Lonana

¹⁶ Kay a kak sa sunda vi Yesu Kristu kay njaf suu ka Juifnaɗina, an lini u sunda ɦanda a di Boy ma Ayra vi Lona kira, kay a njaf suu daŋŋa mbuɗ ki va ma jivi ma Lona furi kamma, mbuɗ ki suu mam suu ndakina u saɓakŋa vi Musuk Lonara.

ROMMA 15:16 ပူးပေါင်းရင်းမြစ်များ

NDUMBA 7:62

koɓ ma yoori u lorra nekem ii sikle 10 oy u mbul ma his jivina,

SUNDA 13:2

Fali taa dew asi tok tasi a cen Bu Suuna wanni, asi ci yoɗi lay ti vaɗi lay. Musuk Lonara dasi ki ana, «Man gi Barnabas u Sol ki kay sunda an yasi kaɗta.»

SUNDA 20:24

Ni iiri manda an ka ŋgaaɗ a vama kay tanɗi, ni an tuɗ fok u ayra gak gak a daɓ voɗta u vun sun manda, ta Bu Suuna Yesu ɦandara kay a di ki kay Boy ma Ayra u oora vi Lona.

SUNDA 20:32

«Cecemmi an hinigi ko Lona u boy mam ma oora. Nam ndaki kay a njunugiya, a ɦagi jivira nam ŋgaaɗ kay suu mamsina ko jona na, ni kay suu mbuɗi teteɗna halaŋ.

SUNDA 22:21

Bu Suuna dan ana, Tuɗa, an min sunuŋ hu li ma dayna eg suu ka njaf suu Juifnaɗina.»

SUNDA 9:15

Bu Suuna dam ana, «Tuɗa, an man sa namma ni ko vaan ma sunda na a takan sen ki maŋ njaf suu daŋŋa, maŋ muli masisina u suu Israelna.

ROMMA 1:1

Ni an Pol sa sunda vi Yesu Kristu, Lona yanu, manan a sa vovoɗta kay a dam Boy mam ma Ayra kiyo.

ROMMA 11:13

An dagi ha ni magi agi suu ka njaf suu Juifnaɗina, anni sa ma vovoɗta ma gam ay maŋ njaf suu ka Juifnaɗina, kay sun man ndaɗta an li furira kaɗu.

ROMMA 15:18

Lini an min a ɓak eŋ kay va ni kay mayra Kristu yan ki a mbuɗ njaf suu daŋŋa ki a hum u Lona nam tak dla ndaɗta ki u boyna u sunda may.

ROMMA 15:19

U saɓakŋa vi Musuk Lonara li dlara mbuɗta an gijaŋŋa a di Boy ma Ayra kay Kristu an gijaŋŋa hu Yerusalem tuɗ hu li ma daŋŋa tew ki hu ndaŋgara Illiri.

ROMMA 15:20

An tuɗ di Boy ma Ayra hu li ma sa ɓak ka kay sem Kristu hu tuɗina, kay a tin kolo kay u zira vi sa ma daŋgi.

ROMMA 15:29

An wi ana an hin tew ki varagi u paɗvunna vi Kristu.

ROMMA 5:5

Juɓpa ka ganyam saɗi, Lona ɦaygi min mamba u Musuk mamba nam ɦaygira huruygira.

1 KORINTNA 3:5

A ndaɗta ɗaŋŋi Apollos ni gege? Pol ni ge mayge? Ami ni suu sun Lona ɦawaa, mbuɗ ana agi vi Boy Lonana ni umiya. Ami halaŋ sana gege lini sun mamba Lona yam kaɗta,

1 KORINTNA 4:1

Agi golomi ni ko ami ni suu sunda vi Kristu suu di ki kay dlara ŋgayra vi Lonara.

1 KORINTNA 6:19

Agi ka wi ana mbalatagi ni zina vi Musuk Lonara naɗi su? Musukka hurugi wanda Lona ɦagira ni namu. Mbalatagi ka ni magira kay tagiɗi.

2 KORINTNA 11:23

Asi ni suu sunda vi Kristu su? Jiviya an di ko sa ma ka wi dlaɗina na an ni suusiya, an li sunda suusiya, an tew tew ay hu daŋgayna, an fi poŋga sen ŋgol suwa, an hin tok a miɗna miɗnara sen bolowo.

2 KORINTNA 5:20

Ami varak balam Kristu a di boyna ko Lona u tamba yagi funumira na. Ami cenegi u sem Kristu hinigi taɓ duk hoŋogi u Lona.

2 KORINTNA 8:5

Dla ndaɗta lini su va ma ami saa kam jewna, asi hal tasi ki maŋ Bu Suuna u minda vi Lona egemi ami lay.

GALATENA 3:5

Lona ɦagi Musuk mamba, nam li dlara mbuɗta dukugiya, nam li na ni kay ana agi li u gaɗta su? Ɗowba kay agi hum Boy ma Ayra vi umba su?

EFESNA 2:18

Ni hu Kristu aygi halaŋ suu Juifna u suu ka Juifnaɗina lay ndak tak taygi fok Lona u njunda vi Musuk Lonara.

EFESNA 2:22

Hu taɓpa u Yesura agi taɓ u suu hiŋŋa dew, mbuɗ Ziŋ Lonara ta nam kak huruɗ u Musuk mambara.

EFESNA 5:2

Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.

FILIPINA 2:17

Iiri manda ndak a wul fok ko va ma sana ɦan a ɓivunna kay viigira maŋ Lona na su? Lini a li ni na ni an hurun furi ɦay, furi man ndaɗta ni u agi halaŋ.

FILIPINA 4:18

An fi tlesuu agi sununsina ayna wa halaŋ su ni suy ɗow, cecemi Epafrodit mbaaran tlesuu agi sununsina ayna ni tlena ndakan ki wa halaŋ. Ҥal magira ni ko ɓivun ma his jivina ma Lona minim, irim jivina na.

1 TESALONIKŊA 2:2

Hu li ma suuna lasami ay hu Filipi ŋgulumi lay ko agi wira na, Lona hin njunumi ɦami ɦiŋga a dagi Boy mamma Ayra duk ciwayra vi suuna.

1 TESALONIKŊA 2:9

Gorsenna agi wi lay sun mamira u las mamira ami laɗ njeŋge lay, faali lay, ka a tin nek mamira kay saɗi. Ami dagi ni Boy ma Ayra vi Lona.

1 TESALONIKŊA 5:23

Ko Lona malaŋ heɓpa mbuɗugi ki jivi teteɗ, u tagira suu warna, u ŋgus magira u iiri magira lay u mbalatagi may. Tle asina halaŋŋi gologisina, ŋgul li egesiɗi, a juɓ mbara vi Bu Suuna mayna Yesu Kristu.

1 TIMOTE 1:11

Haɗta ndaɗta faɗ ki ni hu Boy ma Ayra ma ɦanna ki nana, Boy ma Ayra ma di ki kay Lona ma bibiŋilna ma sari jivira.

1 TIMOTE 2:7

Ni kay ndaɗta nam van ki a sa di boyna a sa vovoɗta, kay a haɗ suu ka njaf suu Juifnaɗina kay vira u gasira, an ka kaboyɗi, di ni gasira.

2 TIMOTE 1:11

Lona tinin a an di Boy ma Ayra namma kiyo an ni sa vovoɗta a haɗ suuna may.

HEBRENA 13:16

Humugi maa kay a li jiviraɗi, njunugi u tagiya, ni ɓivun ma ii Lona jivina.

1 PIYER 1:12

Lona tak ki maŋ suu jokom vunumma ana boy ma asi damma ni ka masi kay tasiɗi, ni magi agiya. Boy namma agi humum ki cecemi namu. Suu di Boy ma Ayra dam ki u saɓak Musuk Lonara ta sunuɗ ay kolo huulona, asi dagina ni namu. Suu sunda huulona min a wi boy namma lay.

1 PIYER 2:5

Ҥuɗugi tagi aya, agi may ni ko ɦini ma iirina na, hin a min zira kay Musuk Lonara ni u agiya. Agi hinni a suu teteɗ suu li ɓivunna maŋ Lona, ɓivun ma Lona minimma, nam irim jivira ni u Yesu Kristu.