ROMMA 15:13 - Boy Lonana

¹³ Lona ma mba juɓpa hoɓogi u furira u heɓpa halaŋ, hu vira agi vi umba a Musuk Lonara u saɓak mamma hoɓogi u juɓpa heɓpa.

ROMMA 15:13 ပူးပေါင်းရင်းမြစ်များ

EZAYI 55:12

Na daŋ may agi cuk ki ni u furira, agi hin tuɗ ni u heɓpa, ɦinira u li ma mbuy kolo dayna hin ko kosi li furira ha fokogiya, ŋgusugi suu bagina lay hin ko kasiya.

JEREMI 14:8

Israel saa ni kaŋu, aŋ sa suɗ suuna ki hu li ma hahawrana. Aŋ hin mbuɗ taŋ ki hu mbassa ko koyna na, ko ndal sa tuɗ koyra hal lina kam a buu njeŋgena na ni nanage?

Boy Ma Ayra Ma JAŊ Ɓiirimma 14:1

Yesu dasi ana, «Li hurugi ndaaɗi. Tin hurugi kay Lona may, kan may.

Boy Ma Ayra Ma JAŊ Ɓiirimma 14:27

«Heɓpa an hin hinigira kara, ni heɓ manda, an hin hinigira ha ni ndaɗu. An ka ɦagira ko suu hu duliyarana ɦaɗta naɗi. Ɓigigi vundikigiɗi, lagi ndaaɗi.

ROMMA 12:12

Furiyugi hu juɓpa, ɗigiligi irigi hu wihawra, cenegi u juɓpa egemu.

ROMMA 14:17

Mul Lonara ni ka kay tlesuu tira u cira ɦawaɗi, ni kay ɗegeera u heɓpa u furira hu Musuk Lonara.

ROMMA 15:19

U saɓakŋa vi Musuk Lonara li dlara mbuɗta an gijaŋŋa a di Boy ma Ayra kay Kristu an gijaŋŋa hu Yerusalem tuɗ hu li ma daŋŋa tew ki hu ndaŋgara Illiri.

ROMMA 15:5

Lona may ma ɦal gaɗta gaɗ suuna u kakka heɓpana mba mbuɗugi saɓak a kak ko tagiya, minigi duk tagiya tagiya ko Yesu Kristu lira na.

1 KORINTNA 2:4

Haɗta an haɗagi u boy ma an damma halaŋŋi ka u yalna vi sa warnaɗi, ni kay tak dlara vi sanara u saɓakŋa vi Musuk Lonara.

2 KORINTNA 9:8

Lona ndaki kay a ɦaŋ tlena zeɗ zeɗ su lay kay agi mba fi tlesuu agi minisina halaŋ, usi mba hin kogi a ndakagi kay sunda jivira bel lay.

GALATENA 5:22

Tlesuu Musuk Lonara lasina ni, minda, furira, heɓpa, lalamba, li dlara jivi eg saa, jivira, ɗegeera,

EFESNA 1:2

Ko Lona Buya u Bu Suuna Yesu Kristu ɦagi oora u heɓpa.

1 TESALONIKŊA 1:5

Kay Boy mami ma Ayra tewegi ka ni u boyna ɦawaɗi, ni u saɓakŋa u Musuk Lonara u gasira ŋgolla. Agi wi lay ami ay dukugi vi tami ni kay boy magina.

1 TIMOTE 1:1

Ni an Pol sa vovoɗta vi Yesu Kristu, u gaɗta vi Lona ma suɗuygina u Yesu Kristu ma ay ka juɓumma.

HEBRENA 6:11

Ami min ana gegelay dukugi mba tak tamba feɗta na gak gak hu daɓpa lay, va ma agi ka saa kamma mba li u voɗom ɗegee gasi.

1 PIYER 1:8

Agi wam ka u irigi tuɗi lay ni agi minimu, agi bay wam u irigi tu lay ni agi tin hurugi kamu. Kay ndaɗta agi lagi furira ŋgolla, ta sa ndak ka a di boy namma u vunumbira.

1 SAMUEL 1:18

Ndaɗ di ana, «Ko goroŋga sunda fi jivira fokoŋu.» Cara gi taɗu, ndaɗ ti funa, iriɗ ka gol ko jewra na oloɗi.