ROMMA 14:19 - Boy Lonana

¹⁹ Halaygi dla mayra jivi a tuɗ u heɓpa, hiniygi aygi fi eŋga ko taygi dew hu vira.

ROMMA 14:19 ပူးပေါင်းရင်းမြစ်များ

EFESNA 4:29

Hin boy ma dawi a kal ki funugiɗi, dagi boy ma gasi a njun u suu hiŋŋa a wulusi kolo hu viisira, li jivira maŋ asi suu ka humugina may.

ROMMA 12:18

Lagi dlara agi ndaki kaɗ a laɗa, kay a kak ko tagi u suuna halaŋ u heɓpa.

SOOLLA 34:14

Sa namma ŋgom sinim jiviya, gol vunum ma di boy ma cona may.

ROMMA 15:2

Lini gegelay li va ma ii ndaramma jivina kay a wulum kolo hu vira.

HEBRENA 12:14

Soogi tagi a lakagi u heɓpa u suuna halaŋ kay a poy jivi teteɗ, bay poyra jivi teteɗ ndaɗta bani, sa ndak a wi Bu Suunaɗi.

2 KORINTNA 13:11

Gorsenna lakagi u ayra, lagi ɗegee gaɗagi tagiya tagiya, minigi tagiya, lakagi u heɓpa Lona mala minda mba li u agiya.

MARK 9:50

«Vuvuna ni va ma jivina. Lini yulum mamba ɓeŋ ki wa ni, agi hin mbuɗum yulumba ni u me olo ge? Lagi ko vuvuna na, lakagi u heɓpa duk tagiya.»

MATIYE 5:9

Furira ka kay suu loɓ tasi a heɓ duk gorsesina, Lona hin yasi a goryomu.

1 PIYER 3:11

Nam mba ɦal ŋgorom maŋ dla cora, mbuɗ irim eg dlara jivira, nam halni heɓpa tew tew.

1 KORINTNA 14:26

A da boy namma kira ni ay li ni ana mege gorsenna? Hu li ma agi tokogi tagina wanni sa ma dukugi ma gi soolla kaa, sa ma haɗ suuna ka may, ma gi u dlara ŋgayra vi Lonara kina kaa, sa ma hiŋŋa ɓak u vun ma daŋŋa, sa ma gi u boy namma kina ka may. Halaŋŋi kay wul suu vina kolo hu vira.

1 KORINTNA 10:33

Lagi ko an na an hal ana an a li jivira maŋ suuna halaŋ u tlena halaŋ, an ka halni jivi manda kay tanda ɦawaɗi, jivira kay suuna halaŋ kay asi mba suɗ kiyo.

SOOLLA 133:1

Soolla suu tuɗ luu ma vi Lonna gaɗta, vi David. Ha! Ha! Jivi coco kay a gorseŋ tasina taɓ kel tasira.

2 TIMOTE 2:22

Hin dlara aŋ laɗ u zoŋoŋga ki bel bel, hal ɗegeera, vira, minda u heɓpa u huruŋ ki pasiyak taɓi u suu ka yi sem Bu Suunana.

1 TIMOTE 1:4

Dasi asi hin dlara njunjunda u sem somoyosi suu day daynara kiyo. Dla ndaɗta zulni ciwayra ɦawaa, ka tuɗ sunda suɗta vi Lona ta ay vi huri uɗta fokgi.

2 KORINTNA 12:19

Ɗowba agi saa ana ami halni dlara doo tami fokogira ɦawa su? Ami ɓakŋi ko Kristu minda na fok Lona banayanna ami dagi dla ndaɗta halaŋŋi kay a wulugi kolo hu vira.

1 KORINTNA 7:15

Lini sana u caamba maa dukusi bay vina a ɓorow duk hoŋosi kini namu ni, hinisi ko ndaɗta na. Hu li namma ni wayayna u wayayra vira ki buɗiya. Kay Lona yaygi ni ana aygi kak u heɓpa.

1 KORINTNA 8:1

Goloygi u boyna vi tliw ma ɓivunna maŋ fulina. A gasira ni suuna halaŋ wi ko agi dira na lay. Wi mayra ndaɗta mbuɗ sana ŋga tamu, ni ndaɗ minda wulugi hu vira may.

1 KORINTNA 10:23

Suu ɦiw di ana tlena halaŋ voɗta ka kay lasiya va doorosi kaɗi. Na may tlena ka jivi kasi belɗi. Tlena halaŋ voɗta ka kay lasiya, asi ka jivi kay suu vina belɗi.

1 KORINTNA 14:3

Sa ma di boy ma jok vun Lona kina di ni maŋ suuna gaw, kay a wulusi hu vira, kay a gaɗasiya a ɗilisi irisi may.

1 KORINTNA 14:4

Sa ma di boyna u vun ma daŋŋa wulni viimba kay tamba doy hol, sa jok vun Lona wulni vira vi suu vina halaŋ.

1 KORINTNA 14:5

An min ana a agi halaŋ ɓakagi u vun ma daŋŋa, a jivi sura ni agi ɓakagi boy ma jok vun Lona. Kay ndaɗta sa ma jok vun Lona dlaamba ŋgol su sa ma ɓak u vun ma daŋŋa, a jivira ni sa ma ɓak u vun ma daŋŋa ko nam fi sa ma ndaki a jokom boy mamma ki maŋ suuna a wulusi hu vira.

EFESNA 4:12

Nam li na ni kay a min ii suu vina ki u Lona kay asi mba li sunda duk suu vi Kristuna. Kay a wul mbalata Kristu kolo hu vira.