ROMMA 14:15 - Boy Lonana

¹⁵ Lini wayaŋŋa mbuɗ ki hahawra u va ma aŋ tamma ɦawaa ni, aŋ ka poy u minda oloɗi, ba sa ma Kristu miɗ kamma ki kay tlesuu aŋ tasina ɦawaɗi.

ROMMA 14:15 ပူးပေါင်းရင်းမြစ်များ

GALATENA 5:13

Gorsenna yagi ay ki ni ana agi li ki buɗiya hin buɗ magira a mbuɗ ki va ma co u min magira ɦawaɗi, ni na ɗow ana lagi u minda kay sun tagiya tagiya.

EFESNA 5:2

Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.

1 KORINTNA 8:1

Goloygi u boyna vi tliw ma ɓivunna maŋ fulina. A gasira ni suuna halaŋ wi ko agi dira na lay. Wi mayra ndaɗta mbuɗ sana ŋga tamu, ni ndaɗ minda wulugi hu vira may.

ROMMA 15:2

Lini gegelay li va ma ii ndaramma jivina kay a wulum kolo hu vira.

ROMMA 14:20

Ɓeŋ sunda vi Lona ki kay dlara tina ɦawaɗi, gorsenna tlena belni kay a tira halaŋ, aŋ li tiya gol wa a ndi wayaŋŋa ki kaŋga hu cora ni ka jiviɗi.

1 JAŊ 2:2

Kay me Yesu ni sa ma ɦal tam ki ana cooygira daɓ kiyo na ka co maygi aygira doy holɗi, ni cora vi suu warna halaŋ.

1 KORINTNA 13:1

Lini an ɓak vunna vi suuna halaŋ u ma vi suu sunda huulona lay, min manda li kaɗi ni, boy manna an damma hin kini ko gaŋgana a cira ɦawa na, ɗowba ko koŋ koŋŋa a tiira ɦawa na.

ROMMA 13:10

Sa min suuna ka li va ma co eg ndarambi. Kay a li minda ni aŋ hum ki ni u gaɗta bel bel gaw.

EZEKIYEL 13:22

Agi ka viɗ suu ɗegeena ki u boy ma kaboyna, suu an min ka a lasi dla co egesiɗi na. Kay agi so u suu cona ha hu dlasira cora ka min a asi hoŋ ay hin poy masira cora ki lak iiriyaraɗi lay.

2 PIYER 2:1

Buu ma dew ni suu haɗ haɗta cora mba duk suuna, suu haɗ haɗta co ndaɗta hin mba dukugi na may. Asi hin mba tin gaɗta cora ɓeŋ suuna kira, sa ma suɗusi kina asi hin noyom kiyo, asi cuk tasi hu bara ba kira zak ni kay tasiya.