ROMMA 13:4 - Boy Lonana

⁴ Lona tin ŋgolla ni namu, kay a tuɗ sana eg jivira. Lini aŋ li va ma coo ni li ndaana ko ŋgolla, asi cuk suuna daŋgayna ni ka u saɓak masina ɦawaɗi, asi li ni sunda vi Lona kay a tak ki ni yara vi Lonara, hu li ma asi cuk suu li cora daŋgayna.

ROMMA 13:4 ပူးပေါင်းရင်းမြစ်များ

ROMMA 12:19

Banayanna hoŋogi cora kay suu lagi cora u tagiraɗi, hinigi yara vi Lonara li ndaɗu, kay magaara di ana, «Sa ma sasugul suuna ni anu, an hin warakaŋŋi anu.»

VUN ŊGOLNA 20:2

Ndaa mulna li suuna ni ko ndal ndaa dlona hu li ma nam gi ŋgoɓpara na. Sa ma ɓeŋ huu mulnana hal a ba ki ni iiri mamba.

VUN ŊGOLNA 16:14

Yara vi mulnara ndak a kal sana ki maɗna. May sa ma wi dlara ndak a heɓem yaam kaŋgaa.

2 DLAŊ MULINARA 19:6

Nam dasi ana, «Lagi sun magira jivi u voɗoɗu. Agi kaɓakŋa ni ka u sem saɗi ni u sem Yawe tamba gaw. Nam hin li u agi hu li ma agi a gi ii ɓakŋana.

1 TESALONIKŊA 4:6

Kay dla ndaɗta ni sa ma li ganyamba u dlara co eg wayambi, suu li dla cora ko ndaɗta nana Bu Suuna hin kaasi ɓakŋa kasiya, ami dagi boy namma ki jew lay.

ROMMA 13:6

Ni kay ndaɗta agi warak taara maŋ suu ŋgolo suu li sunda, Lona cukusi a ŋgom sun ndaɗta ni namu, nam cukusi kay asi mba li sun masira ndaɗta ki u voɗoɗu.

MISE 3:9

Humugi boy namma ha ɗaŋ, agi muli suu vi Yakobma, suu kaɓakŋa vi Israelna asi suu mbuɗugi boy ma jivina ki balam dla corana, dlara ɗegeera agi mbuɗuɗ ki gunira na ɗowna.

EZEKIYEL 25:14

An hin tin sa sukul manna hu Edommi u bik ko suu man suu Israelna. Asi hin li suu Edomma ni ko hurun ma ɓeŋ dasi ana asi li yara na may. Ni asi hin wan sa sukul manna. Di ni Bu Suuna, Yawe.

EZEKIYEL 22:27

Muli masisina dukusi ni ko ndal bosogona vi vabakginara na. Asi ni na tok a ci maɗna, min a ba suuna ki kay a yowosi tlegeyesira.

JEREMI 5:28

Ɗoori coco lay. Asi ti u dla cora ni asiya. Asi ka ŋga sa ɗegeena oloɗi, ka saa kay sa kuyunaɗi lay, dlaasira li kosi jiviya. Asi ka saa kay dlaŋ suu hahawraraɗi lay.

EZAYI 1:17

Haɗagi tagi a li jivira, halagi ni ɗegeera, njun u suu ka lasna. Li jivira maŋ suu kuyuna, njun kay boyogi suu donora.

VUN ŊGOLNA 20:26

Mul ma wi dlara ni ba suu dlasi cona kiyo, nam tuɗusi pupus ma to wana ki kasiya.

VUN ŊGOLNA 20:8

Mulna hu li ma nam kak kay dlamba mulla wa ni ɓorow ii dla cora nam waɗta ki halaŋ.

1 MULINA 10:9

Gi deɓ maŋ Yawe Looŋŋa ma min a kakaŋ kay dlamba mulla vi suu Israelna, ni kay ana Yawe min suu Israelna ɦay. Nam kakaŋ a mulna ni a aŋ mba li jivira u ɗegeera.»

JOSUWE 20:9

Gola ni li ma kaam ki kay suu Israelna u ŋgayagi suu dukusina, ɦoŋzi ŋgolo ma sana ci maɗna ay wa ka u min mambaɗi ni nam mba pii ŋgay tam ha ki huna. Na ni sa ma sa sukulna ka ndak a cam ki jew bay suu ŋgolo suu tokina a kaam ii ɓak mamma kiɗi.

JOSUWE 20:5

Lini suu a sa sukul saasina cuɗum um ay lay ni asi ka ɦam ki masi oloɗi, kay ana sana paɗ kommi paɗiya, nam gaɗ ka a cambi, honi ka duk tasi jewɗi lay.

1 PIYER 2:14

U muli suu mul ŋgolna cukusi ay a cuk suu li dla cora daŋgayna, ŋga suu li jivina may.