ROMMA 13:2 - Boy Lonana

² Sa ma ka hum u suu ŋgolo suu hu duliyaranaɗina hin ki ni ŋgolla Lona tiniɗta, suu ka humbi asina mbaa ɓakŋa kay tasi ni asiya.

ROMMA 13:2 ပူးပေါင်းရင်းမြစ်များ

KALKIRA 16:8

Moiz min dasi ni ana, «Hu fiɗigira ni Yawe hin ɦagi tliwna maɗiira ni nam ɦagi funa agi ti, hoɓ may. Kay Yawe humugi gurni magira ha wa agi gurni ni egemu, ami ni gege a agi gurni egemi nige? Agi gurni ni eg Yawe.»

EZAYI 58:2

Anni sa ma asi a halan hu buuna tew tewna. Jivira ni asi ɦal tasi a wan voɗ manda. Ni ko suu ka hal a li dlara jivira na, ka min a hin ɗegeera vi Loosinara kiɗi. Asi ka hal ni kaɓak ma ɗegeena fokonu. Asi tin hurusi ni kay dlaanda.

MATIYE 23:13

«Hahawra ka kagiya agi suu wi magaara gaɗta u suu Farisenna, agi ni suu mbambana, agi dug vun ziŋ Mulla Huulonara ki ii suuna. Agi tagira ka kal huɗi lay. Suu cuk huna agi ka hinisiɗi lay. [

MARK 12:40

Asi daɓ tlesuu vi boyogi suu ki donona ni asiya. Lay ni asi li cenda fiyekka a jiv tasi ki ii suuna. Suu asina Lona hin mba kaasi ɓak ma cona kasiya.»

Boy Ma Ayra Ma LUK Ɓiirimma 20:47

Asi daɓ tlesuu vi boyogi suu donona ki ni asi lay. Asi li cenda fiyekka a jiv tasi ki ii suuna. Suu asina Lona hin mba kaasi ɓak ma cona kasiya.»

ROMMA 13:1

Lini nanagelay suuna halaŋ hum u suu ŋgolo suu hu duliyarana, ŋgolla hu duliyara ta mbay bay Lona kaɗi, suu ŋgolo suu hu duliyarana halaŋŋi Lona tinisi ni namu.

ROMMA 13:3

Suu li jivina ka li ndaa ko suu ŋgombaɗi ni suu li cora, aŋ sa min li ndaana ko suu ŋgolonaɗina lini aŋ li jivira asi hin geleɗeŋu.

ROMMA 13:5

Ni kay ndaɗta sana mba hum u suu ŋgolona, ni ka kay suɗ taŋ ko yara vi Lonara ɦawaɗi, ni u wiiŋga aŋ wi kaŋ ana ni na daŋ mayra.

ROMMA 9:19

Aŋ hin dan ana hurum hin ɓeŋŋi nana daŋ ologe? Sa hin ciwayra u minda vi Lona ni gege.

TITTA 3:1

Gasi humusi kay asi mba hoŋ yasi kaŋga a hum u suu ŋgolona u mulina, asi mba hum usiya min tasi a li sunda jivira bel.

Magaara JAK Ɓiiriɗta 3:1

Gorsenna, zulugi tagi ki a suu haɗ suuna belɗi. Agi wi anaba ami suu haɗ suuna hin fi ɓakŋa ni co su suu daŋŋa.

1 PIYER 2:13

Hoŋogi yagi kaŋga u suu ŋgolona kay sem Bu Suuna, humugi u mul ŋgolna ma ŋgolla kom halaŋŋa.