ROMMA 13:12 - Boy Lonana

¹² Njeŋgera jak ki wa, maɗiira hinni tok, kay ndaɗta aygi hiniygi sunda vi ndufunda kiyo, yowoygi tlesuu duuna hu kiɗikka koygiya.

ROMMA 13:12 ပူးပေါင်းရင်းမြစ်များ

SOOLLA VI SALOMON 2:17

Hu li ma faɗta heɓ wa, ŋgusna mbuɗ ki ŋgol wa ni aŋ mbaya, galanna, tuɗ ay ko duk gaana na. Ko ndal zaa gayaŋŋa na ay kolo kay ɦinira.

EZAYI 2:20

Hu buu namma suuna hin cuk fuli masi suu asi yoorosi a goɓosina ki fok gi kolomba u jujugumma.

EZAYI 30:22

Fuli magi suu agi minisi u lorra u doonora agi hinisi kiyo, u lorra u doonora agi yorosi eg fuli magisinana agi hinisi kiyo. Agi cukusi ki ko tlesuu njenjena na. Agi dasi ana ɦuɗugi tagi ha ki egemiya.

ROMMA 13:14

Cuk iirira wilira vi Yesu Kristu Bu Suunara kagiya. Viɗ tagi ki kay saara vi suu warna u furira vi mbalatara ɦawaɗi.

1 KORINTNA 10:11

Yoo mayra ndaɗta mbay kasi ni kay a takasi ki maŋ suu hiŋŋa, boy namma ɓiirim ay ni kay a neeygi aygiya, kay aygi cecemi fun daɓpa hin tok.

1 KORINTNA 7:29

Gorsenna va ma an min dagina ni lina hin tok daŋ, cecemi gaw suu ana asi ɗumiyana kak ko asi bay ɗum na.

2 KORINTNA 10:4

Kawi ma aygi ka duu taygi, u namma ka ko ma vi suu duk ndaŋgarana naɗi, ni kawi ma saɓakŋa vi Lona ndak kay a to gulumunna ki kaŋgaa, ay to tlesuu ka u voɗosiɗina ki ni u kawi namma.

2 KORINTNA 6:7

A gasira vi boy ma ami damma, u saɓak Lonna, u va ma ami lam komi ko ɓagina u mbarina nana ni ɗegeera, a li sa u ndaɗ lay a doo kay tami lay.

EFESNA 4:22

Hinigi dlaagira basira kiyo, ta tuɗugi hu poy mayra cora jak ki jewra, dlaagira basi ndaɗta ni ganyamba ba sana kira.

EFESNA 5:11

Taɓagi u suu li dlara dadamba vi ndufundaɗi, takasi dlaasira ndaɗta ki kiɗiki.

EFESNA 5:8

Agi li ay jew ni hu ndufunda, cecemi hu taɓ magira u Bu Suunara agi mbuɗ ni hu kiɗikka, ni kay ndaɗta poyogi ko suu hu kiɗikkana na.

HEBRENA 10:25

Hin dlara tuɗ hu tok maygira kiɗi, laygi ko suu hiŋŋa ka tuɗ hu masira ɗira naɗi, gaɗaygi taygi duk taygi gaɗi na ɗow, kay mege buu vi Bu Suunana hin tok.

HEBRENA 12:1

Lini kaygi aygiya ni suu di kaygina ŋgolo ŋguyuygi yaygiya. Buɗuygi taygi ki ko tlesuu ɓeŋeygi poy maygirana, u cora gaɓi egeygira, liŋiygi ni liŋ ma ŋgaɓi kaygi a liŋimma.

Magaara JAK Ɓiiriɗta 1:21

Ni kay ndaɗta cukugi tlesuu njenjena u sunda cora kiyo, vi boy ma ɗilina vi Lona ma nam pagina hurugina eŋe, kay nam ndak a suɗugi kini namu.

Magaara JAK Ɓiiriɗta 5:8

Ɗiligi irigi ɗil, soogi hurugiya, Bu Suuna hin tok a mbayra.

1 PIYER 2:1

Hinigi huu ma cona ki halaŋ, u kaboyna u mbambara u ŋgiziɗta u ɦay ɦayra cora halaŋ.

1 PIYER 4:7

Daɓpa vi tlena hin tok, gologi tagi jiviya kakagi jek jekee, cenegiya.

2 PIYER 3:11

Tlena halaŋ hin ɓeŋ ki ni ko ndaɗta na agi hum ki jiviya poy magira hin lini nanage, agi mba poy ɗegee taɓi u Lona.

2 PIYER 3:9

Bu Suuna ka hin va ma nam damma bay li ki ko suu hiŋŋa saara naɗi. Nam li ɗili egegiya nam min a sa ba kiɗi nam min na ɗow ana suuna halaŋ mba jok iiri masira ki zeɗ.

1 JAŊ 2:18

Gorkem manda, daɓpa vi duliyara hin tok, agi hum ki ana Babali ma vi Kristuna hin mba ki fok jewe, cecemmi babali suu vi Kristuna zul ki cocoo tak ki ni ana duliyara hin tok a daɓa.

WIRA ŊGAYRA 1:3

Furira ka ŋgolo kay sa ma ndum magaa ndaɗtana, suu hum boy ma di kay dlara ha fokka ta ɓiiri wanda hin vaɗ hurusina, furira ka kasiya. Li ma ŋgaam kay tlesuu asina na halaŋ hin tok daŋ.

WIRA ŊGAYRA 22:10

Ŋgoo dagan nam dan ana, «Ŋgay boy ma jok vun Lona ma ɓiiri hu magaa ndaɗtanaɗi, li ma ŋgaam kay tle asina na hin tok.