ROMMA 12:3 - Boy Lonana

³ U ɦalla Lona ɦanda ki u jivi mamba an min di ha ni magi agi halaŋ. Vagi saara daŋ hurugi ŋgol su dlara agi ndaki kaɗtaɗi, ni na ɗow ana saa ni hoŋ yamba kaŋga u jivira gege dukugi ni lini hu vira Lona ɦambara.

ROMMA 12:3 ပူးပေါင်းရင်းမြစ်များ

VUN ŊGOLNA 25:27

Ka jivi a sana kal yumma hurum tira cocoraɗi. May haɗta haɗ u tlesuu ŋgolona ki jivira ni jivi coco may.

VUN ŊGOLNA 26:12

Aŋ wi sa ma so hurum kay wiimba doy hol ka vi dlaŋ saɗina, sa namma sa ma laɓana ni mariyaɗ suumu.

DI BOLLA 7:16

Aŋ kal ɗegeera ki saɓaki kaŋ cocoɗi. Li taŋ a sa ma wi dla cocoɗi lay. Aŋ min a ɓalak taŋ ki ni kay mege?

MISE 6:8

Aŋ sana, asi haɗaŋ tlesuu jivina wa, tlesuu Yawe min ana aŋ lasiyana. Va daŋ kaɗi, ni humba gasira, minda ɗegeera may, tuɗta aŋ tuɗ hu voɗta vi Lona u voɗoɗta may.

Boy Ma Ayra Ma LUK Ɓiirimma 18:11

Ma Farisenna col ki kay tamu, ɓak ana, Lona an gaŋ deɓpa kay an ka ko suu hiŋŋa naɗi. Asi ni suu kulla, suu hal boyogina vi ndarayasina. An gaŋ deɓpa olo kay an ka ko sa ma vi taara wanna naɗira.

Boy Ma Ayra Ma JAŊ Ɓiirimma 3:34

Sa Lona sunum ay na di ni boy ma vi Lonna, kayme Lona ɦam Musuk mamba cocoo.

ROMMA 1:5

U namu, ami fi oora vi Lona, yami a suu vovoɗta kay geleɗ Kristu a mbaa suuna ay halaŋ kay vi umu, hum u gaɗ mamba lay.

ROMMA 11:20

Ni jiviya kaasi kini kay asi vi kaɗi, aŋ varak balamasi ni kay aŋ viya, ni aŋ ŋga taŋ ŋgaayɗi li ndaana na ɗow.

ROMMA 11:25

Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta.

ROMMA 12:16

Lakagi taɓi duk tagiya, ŋgaagi tagi kay tlenɗi lagi sunda ɗegeera, Gologi tagi ko suu neeyna naɗi.

1 KORINTNA 15:10

U oora vi Lona an mbuɗ wi tan ana ni anu, oora nam ɦandara ka va ma lalas ɦawaɗi. Ni na ɗow an li sunda susi halaŋ, ni ka an kay tanɗi, a gasira ni oora vi Lona ta ka u anda.

1 KORINTNA 3:10

U oora vi Lona ta nam ɦandara, an li sunda vi Lona ko sa ma yalna na, gi u zira. Ni sa ma daŋŋa hin min kamɗu. Gegelay ni gol jiviya kay va ma nam minim kayamma.

1 KORINTNA 7:17

Gegelay ni kak ko ɦala Bu Suuna ɦambara na, ko Lona yam ay jewra na. Gaɗta an a tiniɗ hu zira vi Lona halaŋga ni na.

2 KORINTNA 10:13

Ko ami na ni ami min a ŋga tami kay tamiɗi ni na ɗow ami ŋga ni ii li ma Lona ɦamina komina a tuɗ gak gak tewegira.

2 KORINTNA 12:13

Va ma an lagina ka egegi ko suu vi suu hiŋŋa naɗina ni mege. Ni kay an loɓogi tagi ay kaɗira ɗowba? Lini na ni heɓegi hurugi ay ki egenu kay coon ndaɗta.

2 KORINTNA 12:7

Va ma dooron ana an a ŋga tanɗina a wi dlara mbuɗ mbuɗta ni nam kusun wayara duk tliwinu, mba egenni ko sunda vi Satan na kay waɗanu a dooron kay ŋga tara.

GALATENA 6:3

Lini sana saa ana nam a li vaa ni ɦawaa, nam ganni yam tamu.

EFESNA 3:2

Agi hum kay sunda Lona u jivi mamba ɦanda kon a laɗ dukugira.

EFESNA 3:4

Kay ndum boy namma wanni humugi hin gagi kay dlara ŋgayra a waɗta, ni kay Yesu Kristu.

EFESNA 4:16

Mbalatara zeɗ zeɗta taɓi mbuɗ eŋga ni u sun mamba, mbalatara zeɗ zeɗta ŋgafi taɓi dew u va ma njunuɗna. Lini ɓorow maɗta zeɗ zeɗta halaŋ ka li sun maɗta jiviya ni mbalatara halaŋ hin wul hu minda.

FILIPINA 2:13

Lona li u agi na gak gak kay a mbuɗugi ki saɓakŋa u min mamba kay a mba li ko va ma nam ŋgaamma na.

KOLOSNA 1:29

Kay a li u sun ndaɗta wani, an li sunda njogoɗ u saɓak ma Kristu ɦannana, saɓak namma li egen ni namu.

KOLOSNA 2:13

Agi li ay jewni miɗi fok Lona kay coogira kay agi ay ni suu bay caw ɗiwra, suu bay vina. Cecemi Lona hoŋ mbuɗugi iiri u Kristu, ni Lona hoŋ daɓaygi cooygira ki halaŋ.

1 TIMOTE 1:14

Bu Suuna mayna kuluɓun oo mamba ka daɓ kiɗira kanu. Nam mbuɗun sa vina u minda aygi taɓi hu Yesu Kristu u ndaɗta.

1 TIMOTE 2:15

Cara hin fi suɗta ni u vuɗta vuɗ gorra lini ndaɗ kak hu vira u minda u teteɗta, hoŋ yamba kaŋga lay.

1 TIMOTE 2:9

An min ana boyogina cukŋi baraw ma bay ŋga tara, asi mba li ni u ɗigilla hoŋ yasi kaŋgaa, asi mba li va ma tin kasi ko jumba na ma gus loɓmaɗi, ugi walakka humba u herewna u baraw ma gus loɓmaɗi.

TITTA 2:12

Oo ndaɗta haɗay ana poyra cora u saara vi duliyara noyosi kiyo, kay ay hin poy u voɗoɗ hu ndaŋgara tani, mba fi iirira jivi ɗegee ɗili u Lona.

TITTA 2:2

Di suu maana asi ni suu li dlara u voɗoɗna, suuna hum u boy masina, ɗiliya, li coli eŋ hu tin huuna, u minda, u lalamba hurusi lay.

TITTA 2:4

Haɗ boyogi suu gorina asi min njufuyusi u goryosiya.

TITTA 2:6

Di gorzoŋina asi mba li ɗili tew tew u voɗoɗu.

Magaara JAK Ɓiiriɗta 4:6

Ni kay ndaɗta Lona ɦaygi jivira ŋgolla su hu olo, magara di ana suu ŋga tasina Lona minisiɗi, suu lalamma nam ɦasi oo mamba may.

1 PIYER 1:13

Kay ndaɗta tinigi saa magira kay a li sunda, lakagi jek jekee, tinigi saa magira kay ɦala agi hin faɗ falira Yesu hin mba tak tam kira.

1 PIYER 4:11

Sa ma di boyna kina jok ha ki ni Boy Lonana, sa ma sunda li u saɓak ma Lona ɦammana kay a tlena halaŋ ɦal ŋgara ni maŋ Lona, kay Yesu Kristu ŋgolla ni mamba, saɓakŋa ni mamma gak gak. Amin.

1 PIYER 4:7

Daɓpa vi tlena hin tok, gologi tagi jiviya kakagi jek jekee, cenegiya.

1 PIYER 5:5

Na may agi gorzoŋina humugi u suu ŋgolona, agi halaŋ cukugi lalamba kagiya kay a njun u tagiya tagiya. Kay ɓiira di ana, «Lona hurum ɓeŋ eg suu ŋga tasina, nam ɦal oo mamba maŋ suu hoŋ yasi gaana.»

1 PIYER 5:8

Gologi jiviya kakagi jek jekee, kay Satanna kuɗuk ko dlona gi ŋgoɓpa na hal gegelay kay a komomu.

3 JAŊ 1:9

An ɓii magaara ha maŋ suu vina vi Lona ka fiyekgi may. Diotref ma min a kak a ŋgolosina ka min a tin yam kay dlaanda an ɓiiriɗ ndaɗtaɗi.