ROMMA 12:19 - Boy Lonana

¹⁹ Banayanna hoŋogi cora kay suu lagi cora u tagiraɗi, hinigi yara vi Lonara li ndaɗu, kay magaara di ana, «Sa ma sasugul suuna ni anu, an hin warakaŋŋi anu.»

ROMMA 12:19 ပူးပေါင်းရင်းမြစ်များ

VUN ŊGOLNA 20:22

Di ana, «An min hoŋ cora sana landa egenda ki may naɗi.» Tin huruŋŋi kay Yawe nam hin suɗuŋ kiyo.

VUN ŊGOLNA 24:29

Ka aŋ di anaba, «Nam lan na ni, an min lammi na may. An li sana ni u dlaamba nam laɗta naɗi.»

JEREMI 51:36

Eeh, na ɗaŋŋi, Yawe ɓak anaba, an hin tlak dlaakka konu, an hin ɦal tan a saak suguluku. An hin sooɗ mbo lum maɗ ma ŋgolna kiyo, haɗagaɗ goloŋ maɗta kiyo.

EZEKIYEL 25:12

«Bu Suuna, Yawe, di ana, suu Edomma duu suu Yudana a sa sukulna ni asi mbuɗ tasi ki ni a suu sulukŋa may.

DLAŊ LEVIRA 19:18

Hal dlara sa sukuluŋgaɗi, aŋ ka ɗok yara huruŋ eg wayaŋŋa na gak gakgi, gegelay dukugi ni mba min ndaramma ko nam min tamba na. Ni an, Yawe.

MATIYE 5:39

Anu, an dagi ana, Suu lagi cora egegina, sa sugulugi u asiɗi. Sa caŋ kiriŋiŋ ma njufna wa ni, aŋ pereɗ ma gulna, nam ci olo.

ROMMA 12:14

Joɓ Lona nam paɗ vunum ki kay suu lasagina, joɓomu nam paɗ vunum ki kasiya. Ka ana baasi ki baaya na ɗowɗi.

ROMMA 12:17

Hoŋ cora maŋ sana u coraɗi, lagi jivira ni maŋ suuna halaŋ.

ROMMA 13:4

Lona tin ŋgolla ni namu, kay a tuɗ sana eg jivira. Lini aŋ li va ma coo ni li ndaana ko ŋgolla, asi cuk suuna daŋgayna ni ka u saɓak masina ɦawaɗi, asi li ni sunda vi Lona kay a tak ki ni yara vi Lonara, hu li ma asi cuk suu li cora daŋgayna.

EFESNA 4:27

Ҥal tagi ki maŋ Satannaɗi.

GA 8ATAMBARA 32:35

Sa sukulna u warak ma warak sana ni kon anu, cemi ni li ma col sesi huna ka tuwa, buu masi ma yoora hinni na tok daŋ. Dlara miniɗ ka ki kasira ka a juɓ ta ta oloɗi.»

GA 8ATAMBARA 32:43

Agi njaf suu halaŋŋa ŋgaagi suu mamsina, kay nam hin sa sukul busu suu sun mamsina, nam hin tin dlara sa sukul ndaɗta ni kel suu babali masisina, nam hin col mbas mamba u suu mamsina ki koloo.

1 TESALONIKŊA 4:6

Kay dla ndaɗta ni sa ma li ganyamba u dlara co eg wayambi, suu li dla cora ko ndaɗta nana Bu Suuna hin kaasi ɓakŋa kasiya, ami dagi boy namma ki jew lay.

2 TIMOTE 4:14

Aleksandre ma dli caffa lan boy cona egen ŋgolo, Bu Suuna hin warakam kay dlaamba nam laɗta ni namu.

HEBRENA 10:30

Aygi waygi sa ma di anaba, «Sa ma sasugul suuna ni anu, an hin warakaŋŋi anu.» Di olo ana, «Bu Suuna hin kaɓakŋa kay suu mamma.»

1 SAMUEL 25:26

Cecem wan daŋga ni malanna u saɓakŋa vi Yawena u saɓak maŋ aŋ taŋgana, Yawe ni sa doroŋ ki ana aŋ ci maɗna ɗina, li furira u bik koŋgina. Ko suu babali maŋsina, ko suu min a li dla cora eg malanna wi cecemi dlara li eg Naballa.

1 SAMUEL 25:33

Ko sek fi ŋgara u takka jivira, ndak fi jivira kay nera ndak neen an kal ka hu li ma ci maɗna karam a ŋga tan u bik konɗi.

1 SAMUEL 26:10

David di ana, «U saɓakŋa vi Yawena, Yawe ni sa ma hin waɗamma, hu li ma faɗamba miɗna mbara ɗowba hu li ma nam hin mbay duuna a miɗ ki huna.

1 SAMUEL 26:11

Ko Yawe lan dla cora egenu lini an tin kon eg sa ma Yawe fuurumma. Tli saɓ mayra kaŋga u yamba u guura yona huruɗta, tuɗuy may ɗaŋ.»