ROMMA 12:16 - Boy Lonana

¹⁶ Lakagi taɓi duk tagiya, ŋgaagi tagi kay tlenɗi lagi sunda ɗegeera, Gologi tagi ko suu neeyna naɗi.

ROMMA 12:16 ပူးပေါင်းရင်းမြစ်များ

1 PIYER 3:8

Na may agi halaŋŋi saa magira u min magira li fun taɗ dew, minigi tagi ko gorse tagi na, njunugi u tagiya gege lay hoŋ yam kaŋga u ndaramma.

VUN ŊGOLNA 3:7

Ŋga taŋ ko aŋ sa ma wi dla naɗi. Li ni ndaa Yawe na ɗow, ɦal ŋgoroŋ maŋ dla cora.

HEBRENA 13:5

Hin saara vi begera a su kagiɗi, furiyugi u va ma ka kogina, kay Lona di ana «An ka hiniŋ kiɗi, ka noyoŋ kiɗi lay.»

EZAYI 5:21

Hahawra, asi koɗ tasi ni ana asi ni suu neeyna. Asi wi tasi ni ana asi yal cocoo.

ROMMA 15:5

Lona may ma ɦal gaɗta gaɗ suuna u kakka heɓpana mba mbuɗugi saɓak a kak ko tagiya, minigi duk tagiya tagiya ko Yesu Kristu lira na.

ROMMA 12:3

U ɦalla Lona ɦanda ki u jivi mamba an min di ha ni magi agi halaŋ. Vagi saara daŋ hurugi ŋgol su dlara agi ndaki kaɗtaɗi, ni na ɗow ana saa ni hoŋ yamba kaŋga u jivira gege dukugi ni lini hu vira Lona ɦambara.

1 KORINTNA 3:18

Ko sa ganyam tambi, lini sa ma dukugi saa ana nammi sa ma neeyna hu duliyara tani, nam mbuɗ ni sa ma giniŋŋa kay hin a fi nera.

2 KORINTNA 13:11

Gorsenna lakagi u ayra, lagi ɗegee gaɗagi tagiya tagiya, minigi tagiya, lakagi u heɓpa Lona mala minda mba li u agiya.

ROMMA 11:25

Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta.

Boy Ma Ayra Ma LUK Ɓiirimma 14:13

Lini aŋ a yi suuna kay tina ko ndaɗta na ni, aŋ yi suu hawra u suu dagina u suu dalira u suu dugina.

VUN ŊGOLNA 26:12

Aŋ wi sa ma so hurum kay wiimba doy hol ka vi dlaŋ saɗina, sa namma sa ma laɓana ni mariyaɗ suumu.

1 KORINTNA 8:2

Sa ma saa hurum ana nam wi vana ni nam bay wi ki halaŋ tuwa.

1 KORINTNA 6:5

An dagiya dla ndaɗta ni zolo kagiya, na ni sa ma neey ka dukugi na dew a ndak a min ii dlara duk tagiraɗi su?

JEREMI 45:5

Aŋu, aŋ hal a li ni tlesuu ŋga Lona. Saa kasi oloɗi. An mba dla cora kay suuna halaŋ may kaŋ aŋ wanni an ɦaŋ voɗta a li iiri hu li ma aŋ tuɗ hurumma bel.»

FILIPINA 4:2

Evodi u Sintise an cenegiya, kamagi kamiya vagi hurugi ni ko agi ni gorsemina hu Bu Suuna na.

1 KORINTNA 4:10

Ami mbuɗ suu laɓana kay sem Kristu, agi ni suu neeyna kay sem Kristu may. Ami suu maŋina, agi ni suu saɓakŋa may. Ami ni suu suuna panamina, agi ni suu suuna geleɗegina may,

Boy Ma Ayra Ma LUK Ɓiirimma 6:20

Yesu gol suu haɗi mamsina hin di ana, «Furira ka kagi agi suu wi hawra, Mul Lonara ni magira.

MATIYE 26:11

Suu hawra hin ka ni egegi tew tew. Ko an na ni, hin ka li egegi gak gakgi.

MATIYE 11:5

Suu dugina mbuɗ wiya, suu dalira mbuɗ tuɗa, suu liɓina mbuɗ ki jiviya, suu ŋgelina mbuɗ huma, suu miɗina paɗ ki kolo iiriya, Boy ma Ayra jok ki maŋ suu hawra halaŋ.

1 PIYER 5:3

Ni ka ana kak ŋgolla kay suu Lona ɦagisina a agi golosina naɗi, lagi jiviya a asi tli ugi na may.

FILIPINA 3:16

Lini nanagelay tuɗuygi fok hu voɗta aygi tlaɗ ay gak gak karamba.

FILIPINA 1:27

Va ma ŋgolna ni poyogi jivi taɓi u Boy ma Ayra vi Kristu, an hin tuɗ ha gologi wanni hin wi ana, lini an ka dukugiɗi lay ni agi laki saɓaki, saa magira taɓi a duu u hurugi taɓi dew hu vira agi faɗ hu Boy ma Ayra.

1 KORINTNA 1:10

Gorsenna an gaɗagi fok Bu Suuna mayna Yesu Kristu, wagi ki kaki ana vunugi mba ɓorow zeɗ zeɗɗi, taɓagi na dew, saa magira li dew ɗigil magira li dew lay.

SUNDA 4:32

Suu vina tok tasi halaŋ, hurusi taɓi dew, saa masira dew, sa ma dukusi ma di ana vaamma ni kay tamu kaɗi, tlegeyesi halaŋ taɓi dew.

JEREMI 32:39

An ɦasi saara dewra u voɗta dewra lay. Hin mbuɗusi a asi van vunun tew tew kay jivi masira kay jivira vi goryosi ka balamasira lay.

VUN ŊGOLNA 19:22

Va ma minim ko sa warnana ni ɗegeera. Olo ni sa ma hawra ni jivi mariyaɗ su sa ma kaboyna.

VUN ŊGOLNA 19:17

Sa ma wi hahaw suu maŋina ka ni balna kay Yawe. Nam hin hoŋomma kiyo.

VUN ŊGOLNA 19:7

Gorseŋ sa ma hawra halaŋ ka wam iiɗi. Banayamma ni su suura, asi njay ki egem bel bel. Nam hal a njaɗ u asi lay ni sa ka dew oloɗi.

JOB 36:5

Gol ɦiza vi Lonara gige. Nammi ka sa ma di ana, «Va ma wanna ka karam konɗinaɗi.» Nammi ɦizi hu dlaamba nam min a laɗta bel.

2 DLAŊ MULINARA 30:12

Hu mulla Yudara ni ko Lona hin gi kay suu may suu li u boy ma mulna u suu ŋgolo mamsina damma ko ndal Yawe dira na may.

3 JAŊ 1:9

An ɓii magaara ha maŋ suu vina vi Lona ka fiyekgi may. Diotref ma min a kak a ŋgolosina ka min a tin yam kay dlaanda an ɓiiriɗ ndaɗtaɗi.

ROMMA 6:2

Ka naɗi. Aygi ki miɗi hu cora aygi hin kak iiri huruɗni nana daŋ ologe?

VUN ŊGOLNA 17:5

Sa ma pan sa ma hawra panammi malam ma lamma. Sa ma furi kay wihawra vi suunana ka suɗ ki fun ɓakŋaɗi.

VUN ŊGOLNA 26:5

Hoŋ dira maŋ sa ma laɓana ni u laɓa mamba, kay ka nam gol tam ko sa ma wi dlara naɗi.

ROMMA 11:20

Ni jiviya kaasi kini kay asi vi kaɗi, aŋ varak balamasi ni kay aŋ viya, ni aŋ ŋga taŋ ŋgaayɗi li ndaana na ɗow.