ROMMA 12:1 - Boy Lonana

¹ Gorsenna, aygi wi ana Lona waygi hahaw maygira. Na ɗaŋŋi an joɓogiya, agi ɦal tagi ki ko ɓivun ma iirina na, ŋgomogi tagi maŋ Lona u dlara irim jivira, ni dlara jivira geleɗ Lona u ndaɗta.

ROMMA 12:1 ပူးပေါင်းရင်းမြစ်များ

SOOLLA 116:12

An hin gi deɓ Yawe ni ana mege? Kay jivira nam laɗ kanda.

SOOLLA 19:14

Gol saaŋ ma sunda, hin a suu ŋga tasina ganan yanɗi. Hinisi a kak mulla kanɗi, ni an hinni a sa ma pasiyakŋa kay dla cora ŋgol ka hurunɗi.

EZAYI 56:7

an hin tuɗusi kay ɦini manda teteɗta, an hin oyosi u furira, hu ziinda cenda. Ɓivun masi ma asi lamma an vam u furira kay ziinda asi hin yaɗ ana, zira cenda vi suuna halaŋ.

JEREMI 6:20

Va an a lam u mbul ma his jivi ma yowom ay Sabana ni mege, u cerew ma gol jivi ma yowom ay hu mbassa dayrana ge? An ka minigi ɓivun magi ma agi ŋgalangina kinaɗi, ɓivun ma agi langinana ka irin jiviɗi.

Magaara Vi Sa Jok Vun Lona OZE 14:2

Hoŋ ay eg Yawe, Lookŋa, ndak, Israel, kay ana ni dla cookka gak kaŋga ni ndaɗu.

NDUMBA 7:21

bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may,

Boy Ma Ayra Ma LUK Ɓiirimma 7:47

Kay ndaɗta minda ndaɗ minin wanda ni tak ki ana cooɗta ki daɓiya. Sa coomba daɓ ka ki ŋgolɗina, min mamba ka ŋgolɗi may.»

ROMMA 12:2

Tlumugi tagi u dlara vi suu hu duliyaraɗi, hinigi Lona pereɗegi u mbuɗta gasira zeɗ u yal magina halaŋ, li wa na ni agi hin wi tlesuu Lona min a ay lasina, tlesuu jivina, tlesuu teteɗna, tlesuu pasiyakŋa.

ROMMA 15:16

Kay a kak sa sunda vi Yesu Kristu kay njaf suu ka Juifnaɗina, an lini u sunda ɦanda a di Boy ma Ayra vi Lona kira, kay a njaf suu daŋŋa mbuɗ ki va ma jivi ma Lona furi kamma, mbuɗ ki suu mam suu ndakina u saɓakŋa vi Musuk Lonara.

ROMMA 15:30

Gorsenna va ma an min joɓogi kamma u Bu Suuna Yesu Kristu u minda vi Musuk Lonara, taɓagi duuna u an dew cenegi Lona kanu.

ROMMA 2:4

Aŋ pan jivira ŋgolla vi Lonara u ɗigilla, u lalam mamba, ni pani su? Aŋ ka wi ana jivi Lonara hal a mbuɗuŋ iiri maŋga zeɗ ni ndaɗu naɗi su?

ROMMA 6:13

Hinigi mbalatagi a li sunda maŋ dla cora ko tlesuu sunda vi dla cora naɗi, ɦal tagi ni maŋ Lona na ɗow. Ko suu paɗ aygi kolo iiri hu miɗnana na, hinigi tagi ni a lam sun mamba ɗegeera.

ROMMA 6:16

Agi wi kagi ana agi ɦal tagi wa a li sunda vi saa ni hum umu, agi hin mbuɗ ni mborɓiina vi sa ma agi hum uma, li u cora a tuɗuŋ hu miɗna kala, ɗowba u hum vunna a tuɗuŋ hu ɗegeera fok Lona.

ROMMA 6:19

An ɓak boy namma ko suuna halaŋ ɓaka na kay maŋi magira suu warna. Ay jew ni agi hin tagi a mborɓiina vi sunda cora u bay ɗegeera, u sunda cora agi poy ni hu dlara ka u voɗoɗɗira, na may cemi agi hin tagi halaŋ a mborɓiina vi sunda ɗegeera, a poy poyra teteɗta.

ROMMA 9:23

Nam a tak ɦizza vi ŋgol mamba ki u oora nam laɗta ni, nam min ki fok jew a ɦay ŋgol mamba.

1 KORINTNA 1:10

Gorsenna an gaɗagi fok Bu Suuna mayna Yesu Kristu, wagi ki kaki ana vunugi mba ɓorow zeɗ zeɗɗi, taɓagi na dew, saa magira li dew ɗigil magira li dew lay.

2 KORINTNA 10:1

An Pol cenegi u lalamba u jivira vi Kristu hu li ma an ay dukugiya ko di ana ɗilla an ay ɗili coco an ka dukugiɗi lay ni an ka u ɦiŋga an cenegi u lalamba u jivira vi Kristu.

2 KORINTNA 4:1

Lona u jivi mamba ɦami sunda ni namu, ni kay ndaɗta ami ka mbuɗ maŋiɗi.

2 KORINTNA 4:16

Ni kay ndaɗta ami ka mbuɗ maŋiɗi. Lini mbalatami ka ɓalak ki hu buuna tew tew lay, mbalatamira ŋgussa ka mbuɗ wili hu buuna tew tew may.

2 KORINTNA 5:20

Ami varak balam Kristu a di boyna ko Lona u tamba yagi funumira na. Ami cenegi u sem Kristu hinigi taɓ duk hoŋogi u Lona.

2 KORINTNA 6:1

Ami suu li sunda u Lona ami joɓogiya, hinigi oora vi Lona ta agi famba komba ba kiɗi.

EFESNA 4:1

An joɓogiya an sa ma daŋgayna kay sunda an sun Bu Suunara, kay sunda an sunumba, poyogi u minda vi Lona ko nam yagi ayra na.

EFESNA 5:10

Soogi tagi kay a ɓorow duk ɦoŋ tlesuu jivi ii Bu Suunana.

GA 8ATAMBARA 14:2

Kay agi ni suu may suu ki tini zeɗ maŋ Yawe Looginana. Agi ni suu Yawe managi ki mam a suu mamsina kay tamma, duk njaf suu kay ndaŋgarana halaŋ halaŋ.

FILIPINA 1:20

Cecemi an vi kan a juɓum u furira, an ka fi dlara an a mbuɗ zolo kaɗi, gak gak karami an ka juɓummi juɓi naɗow ni an tak ki kay ŋgolla vi kristura eg tanu lini a kak iiri lay lini a miɗ miɗi lay.

FILIPINA 2:17

Iiri manda ndak a wul fok ko va ma sana ɦan a ɓivunna kay viigira maŋ Lona na su? Lini a li ni na ni an hurun furi ɦay, furi man ndaɗta ni u agi halaŋ.

FILIPINA 4:18

An fi tlesuu agi sununsina ayna wa halaŋ su ni suy ɗow, cecemi Epafrodit mbaaran tlesuu agi sununsina ayna ni tlena ndakan ki wa halaŋ. Ҥal magira ni ko ɓivun ma his jivina ma Lona minim, irim jivina na.

1 TESALONIKŊA 4:1

Gorsenna ami gaɗagi hu Bu Suuna Yesu, ami haɗagi yal ma poy jivi ii Lonna, agi wam lay. Tuɗugi ha fok na ɗow ɗow.

1 TESALONIKŊA 4:10

Agi ka li eg gorsegi suu hu Masedoinna ni na daŋ may, na may ami joɓogi ana agi li ha fok hu su olo.

1 TESALONIKŊA 5:12

Gorsenna ami joɓogiya, humugi u suu ŋgolo suu fokogina, suu Bu Suuna tinisi dukugi takagi voɗta, haɗagi layna.

1 TIMOTE 2:3

Gola ni dlara jivira ii Lona ma suɗuygina.

1 TIMOTE 5:4

Lini ca mayra hin donora goryoɗ li kaa u suu gorina huwa ni asi haɗ tasi a njun u somoyosi u sunda vi suu vina, ni asi ndak a njun somoyosi u somoyosi ŋgolona lay, ni va ma asi ndak a lasinana. Dla ndaɗta ni jivi ii Lona.

FILEMONDA 1:10

An joɓoŋŋi kay Onesim, nam mbuɗ ni goronna hu Kristu, hu daŋgayna tani.

FILEMONDA 1:9

An min joɓoŋ u minda an ka hura, ni an Pol, sa ma maana, cecemi ni sa daŋgayna kay Yesu Kristu olo.

HEBRENA 13:22

Gorsenna an cenegiya, boy ma soogi hurugina wanni agi humum u lalamba, kay boy ma an ɓiirigina hu magaara wanna ka ŋgolɗi.

1 PIYER 2:20

Lini asi lasagiya, cagiya, kay ana agi li coo ni agi ka fi vaɗi. Lini asi lasagi kay ana agi li jivira, agi siɓ las ndaɗta wa ni jivi fok Lona.

1 PIYER 2:5

Ҥuɗugi tagi aya, agi may ni ko ɦini ma iirina na, hin a min zira kay Musuk Lonara ni u agiya. Agi hinni a suu teteɗ suu li ɓivunna maŋ Lona, ɓivun ma Lona minimma, nam irim jivira ni u Yesu Kristu.