ROMMA 11:33 - Boy Lonana

³³ Ҥizza vi Lonara ŋgolla nera u wiimba zul ɦay. Sa hin ndak a gam u dlaam ndaɗta kina ni gege? Va ma ŋgaamma sa ndak a humum um kina ni gege?

ROMMA 11:33 ပူးပေါင်းရင်းမြစ်များ

JOB 5:9

Dlara nam laɗta ni ŋgol cocoo. Sa ka ndak a faɗ uɗɗi. Sa ka ndak a ndum dlara mbuɗ mbuɗta nam laɗtaɗi.

SOOLLA 92:5

Kay sun maŋga furiyun hurun cocoo, Yawe, aŋ wi sunda aŋ laɗ u koŋga na ni hurun furi cocoo.

ROMMA 2:4

Aŋ pan jivira ŋgolla vi Lonara u ɗigilla, u lalam mamba, ni pani su? Aŋ ka wi ana jivi Lonara hal a mbuɗuŋ iiri maŋga zeɗ ni ndaɗu naɗi su?

JOB 37:23

Ni saɓak ma ay ka ndak a tew egembina. Ŋgol coco u saɓakŋa lay u ɗegeera lay. Nam ka li sa ma ɗegeera ka hurum coconaɗi.

EFESNA 3:10

Kay mulla u ŋgolla kolora halaŋ mba wi nera vi Lonara bay daɓpa zeɗ zeɗ eg suu vi Kristuna.

DI BOLLA 3:11

Sana li tlesuu jivina ni hu liisiya liisiya. Nam ɦasi saara wi buurusi ma ha fokŋa hurusi lay. May asi ka wi ŋga buu nammaɗi, kay sa warna ka ndak a wi dlara Lona laɗta col ay hu tin ura day ta ta daɓpara ki belɗi.

SOOLLA 36:6

Yawe, jivi maŋga tew ta ta huulona, ɗegee maŋga tew ta ta eg ɗugulla.

EFESNA 1:7

Hu miɗna vi Kristu aygi buɗ ki hu cora wa, cooygira daɓ ki wa. Ni kay ndaɗta Lona takaygi ŋgolla vi oo mamba.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

ROMMA 9:23

Nam a tak ɦizza vi ŋgol mamba ki u oora nam laɗta ni, nam min ki fok jew a ɦay ŋgol mamba.

SOOLLA 97:2

Ndufunda u ɗugulla ŋguy kamu, ɗegeera u gasira ni dlam mamba mulla.

SOOLLA 77:19

Aŋ bay u saɓakŋa, weleɗta ɓo lina ki cocoo, ndaŋgara geŋeɗ lay.

JOB 26:14

Halaŋ ca ni gor sun mamba gorira ɦawa tuwa. Ay wi ni na nde nde ɦawaa. Sa ma ndak a hum u dlaamba ŋgol cocorana ni gege?

EFESNA 2:7

Nam li dla ndaɗta na ni kay a tak saɓakŋa vi oo mamba mbuɗ mbuɗta hin mbayra, ni u jivi mamba nam takaɗ ki hu Yesu Kristura.

SOOLLA 40:5

Furira ka kay sa ma tin saa mamba kay Yawena, ka hoŋ irim eg dla coraɗi, ka hoŋ irim eg suu kaboynaɗina lay.

JOB 9:10

Nam li tlesuu ŋgolo coco suu usi ka wi ko saɗina. Tlesuu mbuɗ mbuɗta bolowo.

EFESNA 3:16

An joɓ Lona u ɦizza vi ŋgol mamba a nam mba ɦagi saɓakŋa u eŋga u Musuk mamba hurugiya.

EFESNA 3:8

An ni sa ma kaɗaki duk njafna vi suu vi Lonana halaŋ ko ndaɗta na lay ni Lona ɦan a di Boy ma Ayra vi ɦizza bay daɓpa vi Kristu maŋ suu ka njaf suu Juifnaɗina.

VUN ŊGOLNA 25:3

Huulona ha hu liim ma kolo dayna, ndaŋgara ka tuɗi kaŋga na day may, ko ndaɗta na saara huu mulinara sa ka waɗɗi.

EFESNA 3:18

Suu vina vi Lona halaŋ ndak a wi minda vi Kristu bubuuɗu u fiyekeɗu, kolo day maɗta u zuluɗu.

JOB 37:19

Aŋ tuk takan dlara an a dambara ay tu gige. Ay ka ndak a ci way u nam ko ndufunda ka kay wandaɗi.

JOB 33:13

Aŋ hin yakam ana nam ka hoŋoŋ dira kay joɓ maŋgaɗi ni ana mege?

JOB 15:8

Lona kak a gi ii dlara na ni aŋ ay egem su? Aŋ hin wi dlara ki su suuna ni aŋ na dew su?

SOOLLA 139:6

Wiiŋŋa mbuɗ mbuɗta su ki kanu, ndaɗ ha ki kolo kan day an ndak ka a faɗɗi.

SOOLLA 145:3

Yawe nam ŋgol cocoo, ndaki kay a sa ŋgaamu, ŋgol mamba su ki kay suu warna.

VUN ŊGOLNA 25:2

Aygi ŋga Lona ni kay dlara nam laɗ ki ŋgayra. Aygi ŋga mulina ni hu li ma asi ka vi u sun masira ki jivina.

DI BOLLA 7:24

Dlara mbayra halaŋŋi su ki kay saa manda, dla ndaɗta ki zuzul cocoo. Sa ma ndak a waɗ uɗ kina ni gege?

DI BOLLA 8:17

An wi sunda Lona laɗta ni sa warna ka ndak a wi dlara Lona laɗ kay ndaŋgara wandaɗi. Sana loɓ tam coco a hal u dlara may ni, ka faɗɗi. Lini suu wi dlara di ana asi wiya lay ni ɦawaa. Asi ka ndak a wi u dlara Lona laɗtaɗi.

EZAYI 28:29

Dla ndaɗta col ay ko Yawe, ma Saɓakŋa Kom Belna, ni na may. Nam ka tak dlara mbuɗ mbuɗta, tak yal ma li tlena may.

EZAYI 40:28

Agi ka wiɗi su? Agi ka humbi su? Lona Yawe ni sa ma li duliyara halaŋŋa nam ka dindin, nam ka loɓbi, ka mbuɗ maŋiɗi lay, sa ma daŋ ma wam neemba ki kaɗi.

1 KORINTNA 2:10

Lona gaygi u ŋgay mamba kini u Musukka. Musukka ndak hal u dla mayra vi Lona ta ŋgay ga dayra ki lay.

ESTER 2:22

Na may dla ndaɗta Mardose humuɗ ki hin jokoɗ ki maŋ ca mulla, Ester, Ester hin di dla ndaɗta ki maŋ mulna u sem Mardose.

JOB 10:13

Na may dlara ŋgayra kaa aŋ ka min a danda kiɗi. An wi dlara ka ŋgay ga huruŋ ndaɗta.

JOB 23:14

Dlara nam min a landa egenda nam ndak laɗu. Hurum ka saa kay dlara daŋga bolow coco lay.