ROMMA 11:22 - Boy Lonana

²² Gol jivira vi Lona u yaamba gige? Nam li yara kay asi suu puk kaŋgana, nam li jivira kaŋ aŋ may. Mariyaɗ ni aŋ kak hu jivi mamba gak gak. Li ka naɗi ni nam hin kaaŋ ki ko nam ka ma hiŋŋa kira na may.

ROMMA 11:22 ပူးပေါင်းရင်းမြစ်များ

HEBRENA 3:14

Aygi ni ndarayaŋ Kristuna, lini aygi goloygi viiygira ay jew dayra na gak gaki ni.

HEBRENA 3:6

Kristu ay ɗegee kay nammi Goona tini a ŋgolla hu zira vi Lonara. Aygi ni ziimba, lini aygi vam dlaamba huruygiya ni tiniygi huruygi kay viiygi ndaɗta.

1 KORINTNA 15:2

Agi suɗ kini u boy namma, lini agi vi um ko an haɗaginara na, li ka naɗini viigira kini ɦawaa.

Boy Ma Ayra Ma JAŊ Ɓiirimma 15:2

Koma egen ka vuɗɗi na, nam kaam kiyo. Nam carak kom ma hiŋŋa ki lay a nam dla gorgora vuɗ vuɗta jivira may.

WIRA ŊGAYRA 2:5

Humuŋ ka gaŋ kay li ma aŋ ndi ay kaŋga hunaɗi su? Mbuɗ huruŋ kay cooŋga, li ko aŋ li li ay jewra na. Lini aŋ ka mbuɗ huruŋ kay cooŋgaɗi, an hin mba tlaŋ vaaŋ ma gaɓ lamba kamma kiyo.

GALATENA 6:9

Hiniygi sunda li jivira kiɗi, lini aygi maŋ ka kiɗi ni aygi hin feɗ jivira hu li ma lina hin ndakŋa.

ROMMA 2:7

Nam hin ɦal iirira ka daɓ kiɗira maŋ suu li jivina, asi suu hal ŋgolla u geleɗta u iirira bay miɗna.

HEBRENA 10:23

Vaygi huruygi eŋ kay boy ma aygi ka damma. Aygi wi ki gasi ana Lona hin li u va ma nam vi vunum kamma.

SUNDA 14:22

Asi gaɗ suu vina soosi hurusi ana asi kak eŋ hu vira. Dasi olo ana, «Lini nanagelay aygi a cuk hu Mul Lonara ni u wihawra coco tuwa.»

Boy Ma Ayra Ma JAŊ Ɓiirimma 8:31

Yesu di suu Juif suu tin hurusi kamma ana, «Lini agi tin hurugi kay haɗ manda ni, agi hin mbuɗ a suu haɗi mansina.

1 TESALONIKŊA 3:8

Cemi ami ka lagi jivira ni kay agi coli eŋ hu viigira u Bu Suunara.

SUNDA 11:23

Nam tew egesi tewni, wi ana Lona paɗ vunum ki kay suu vina ni nam furi ɦay, soosi hurusiya, a asi kak ɗegee u hurusi toki dew kay Bu Suuna.

Boy Ma Ayra Ma LUK Ɓiirimma 8:15

Ii njaf ma waɗ kay ndaŋgara jivira ni suu hurusi ndaki, jiviya hum Boy ma vi Lona, li umu, vam hurusi lay, tuɗ fok u nam gak gak. Boy namma zul hurusi coco may.»

EZAYI 66:14

Agi hin wi na ni hurugi hin furi cocoo, sokogi hin mbuɗ eŋ coco ko usu ŋgolomma ɗuffa na. Yawe hin tak kom ii suu sunumma. Tak yaamba maŋ suu babali mamsina may.

1 TESALONIKŊA 3:5

Kay ndaɗta an sun Timote ha egegi ni a hum dla viigira. An li ndaana ana Satanna ndemegi ki a baami sun mamira ki ɦawaɗi.

EZEKIYEL 18:24

Lini sa ma ɗegeena hin dlara ɗegeera ki ta ni li dla cora ko suu li dla cora laɗta na, ni nam hin ndak a kak iiri olo su? Ҥawaa, ɗegeera nam laɗ ay ki fok jewra halaŋ sa ka ndumuɗ oloɗi. Kay cora nam laɗta nam hin miɗa.

EZEKIYEL 3:20

Lini sa ma ɗegeena hin ɗegee mamba ki li dla cora, sa namma an hin gam ki kaŋgaa, nam hin miɗ kiyo, ni kayra aŋ neem yam kaɗira, ɗegee mamba nam laɗ ay ki fok jewra sa ka ndumuɗ oloɗi. Na may an hin joɓ busu sa namma ni koŋu.

1 JAŊ 2:19

Suu asina ka suu maygisina gasiɗi ni kay ndaɗta asi hinigi kini na li gasi asi ni suu maygisina ni asi ka hinigi kiɗi, hin kak ginni u aygiya. Asi tuɗ hinigi kini a takaygi kini ana saaygi maa ka dukusi dewɗi.

SOOLLA 31:19

Suu pan suuna u ŋga tasina vunusi ma kaboyna mbuɗ ki ndumu wa, vunusi ma ɓak dla cora eg suu ɗegeena.

ROMMA 11:21

Lona hin suu Juifna suu gorgor gu ma gasina kaɗi ni, nam ndak a hiniŋ ki mayɗi su.