3 Asi hum u mayra ana Lona min mbuɗ suuna ki fokom ɗegee ni namura kaɗi, asi hal a mbuɗ ɗegeera ni u min masira kay tasira, ni asi hum ka u dla mayra Lona min mbuɗ suuna ɗegee ni namuraɗi.
Gologi huulona koloo, gologi ndaŋgara may. Na daŋ may huulona hin vaɗ ki ni ko ndal ndoosna na, ndaŋgara hin ɓeŋ ki ni ko ndal barawna na. Suu cuki kaɗna hin miɗ ki ni ko ndal vurutna ɦawa na. Na may suɗ manda ka ni a fafaɗta. Ɗegee manda ka ni na din din ka daɓ kiɗi.
Kay njufulna hin tasi ki ni ko ndal barawna na, dagakŋa hin tasi ki ko ndal tlimiɗ timigiina ɦawa na. Na may ɗegee manda ka ni na din din, suɗ manda ha kay njaf suuna fokosiya, fokosiya.
Sa ma yaŋ seŋ kaɗi, sa ma dliɗ tam kolo a vaŋ kom kaɗi lay, kay aŋ ŋgay taŋ ki irimi wa, aŋ hinimi ko dla coomira ka lasami ni ndaɗu. Ami mbuɗ ni suu ka hu yoorana.
Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.
An may ni mbuɗ hurun egesiya, tuɗusi ay ki hu mbassa vi suu babali masisina, kala buu maa dew ni hurusi ma sooy namma hin homa, gaɗ masira hin daɓ kiyo.
Kay ndaɗta Boy ma Ayra tak ana Lona min mbuɗ suuna ki ɗegee fokommi u vira dew daŋ, u tin ura gak gak daɓpa, ko ɓii ay hu magaara vi Lona ta jewra na, «Sa ma ii Lona ɗegee u virana hin kak iiriya.»
A li ɗegee taɓi u namba wanni ka dlaanda an hum jivi u gaɗtaraɗi, ni u vira hu Kristu an mbuɗ ɗegee ni na, dla mayra mbuɗ sana ki ɗegeera mbay ni vi Lona, kay Lona haɗ ni maŋ suu vina.