ROMMA 10:18 - Boy Lonana

¹⁸ An ka joɓ mi anaba asi ni bay hum boyna tu su? Ni asi humiya, kay ɓiira di ana, «Suuna humusi delesi ha ki kay ndaŋgara halaŋ lay. Boy masina tew hu li ma duliyara daɓ ki huna.»

ROMMA 10:18 ပူးပေါင်းရင်းမြစ်များ

1 MULINA 18:10

A gasira fok Yawe, Looŋŋa, ni mbassa hin ki dew bay mulna halaŋ ay ki huruɗ kaɗi. Suu di ana aŋ ka varasi taniɗina ni nam suu mul ndaɗta ha ki ni suuriya.

SOOLLA 19:4

Ni ka boy ma sa njaɗam njaɗiɗi, ma ɓiiriɗɗi lay, sa ka hum del saɗi lay,

SOOLLA 22:27

Suu hoŋ yasi gaana ka ti ki u mayasiya. Suu hal Yawena ka ŋgaamu. Suu agina ni suu kak iri u furira din dinna.

SOOLLA 98:3

Nam gi humba kay ɗegee mamba u gasi mamba, kay a wi hahaw suu Israelna. Ta ta hu vun ndaŋgara dodora, suuna wi saɓak ma vi Looyginana ki wa.

EZAYI 24:16

Ha hu vun ndaŋgara dodora lay, ami ka hum soolla gira, «Ŋga suu may suu ɗegeena.» An hin ɓak tan ana, tuk ndaɗta kanni ana mege? Tuk ndaɗta ni ana mege? Hahawra fan wa. Suu maliyaŋ zina di ŋgeŋa, suu tlasi cona di ŋgeŋŋa.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

EZAYI 52:10

Yawe tak kom ma teteɗna ki fok njaf suuna halaŋ. Suuna hu duliyara halaŋ wi ki ana Lona suɗ suu mamsina ki wa.

JEREMI 16:19

Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

MATIYE 24:14

Boy ma Ayra kay Mulla hin njaɗ ki kay ndaŋgara halaŋ. Suuna njay ki duk njaf suuna wa halaŋ a di boy namma kira, ni daɓ nduŋga.»

MATIYE 26:13

An dagi ni gasira, falira Boy ma Ayra namma di ki kaŋga hu duliyara halaŋga ni, suuna humusi hin gasi kay dlara cara landa egen wanda.»

MATIYE 28:19

Tuɗugi ha duk njaf suu kay ndaŋgarana halaŋ, mbuɗusi ki suu mansina. Mbususi batemma u sem Buna, Goromma, Musuk Lonara may.

MATIYE 4:8

Satanna tuɗum kolo kay ɦinira fiyekka olo, nam takam mulla hu ndaŋgara halaŋ u bibiŋil masira,

MARK 16:15

Nam hin dasi ana, «Tuɗugi ha ki kay yam mbassa halaŋ, dagi Boy ma Ayra ki maŋ suuna halaŋ.

MARK 16:20

Suu haɗina tuɗ ki a di Boy ma Ayra kay yam mbassa halaŋ. Bu Suuna li sunda u asiya, mbuɗusi boy masina ki gasi u dlara mbuɗta nam ɦasira ay kosira may.]

SUNDA 1:8

Musuk Lonara mba kagi wa ni, agi hin fi saɓakŋa, agi hin li ni a suu man suu vovoɗta diki kanda hu Yerusalem, hu mbassa Yudera, u Samarira halaŋ, gak gak tew ha ki hu li may ma vun ndaŋgara daɓ ay huna.»

SUNDA 26:20

An gijaŋ boyna dira maŋ suu Damasna u suu Yerusalemma tuwa, ŋgoo dagan an di suu hu mbassa Yudera halaŋ u suu hu njaf ma daŋŋa ni na tuwa. U dira dasi ana jok hurusi ki zeɗta, mbuɗ irisi eg Lona a li sunda gasira tak ana hurusi ki joki zeɗta.

SUNDA 28:23

Asi ŋga buuna duk tasi u Pol dew, hu buu namma wanni suuna mba bolow cocoo, fi Pol hu li ma nam buu huna. Col ay maɗii day gak gak fiɗigiya, Pol dasi boyna kiyo, nam dasi boyna kay Mul Lonara, hal a mbuɗusi hurusi u Yesu, li sunda u gaɗta vi Moizza u magaara vi suu jok vun Lona.

ROMMA 1:8

An gi deɓ bun Lona jewe hu Yesu Kristu kagi halaŋ, suuna hu duliyara halaŋ ɓak kagi ana agi tin hurugi kay Lona cocoo.

ROMMA 15:19

U saɓakŋa vi Musuk Lonara li dlara mbuɗta an gijaŋŋa a di Boy ma Ayra kay Kristu an gijaŋŋa hu Yerusalem tuɗ hu li ma daŋŋa tew ki hu ndaŋgara Illiri.

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

KOLOSNA 1:6

Boy ma Ayra njay kiyo, mbaa paɗvunna ki hu duliyara halaŋ, ko nam li ay dukugi jew day hu buu ma agi hum kay oora vi Lona, wagi gasi ndaɗta lay.

1 TESALONIKŊA 1:8

Kay boy ma vi Bu Suunana hum ay ki varagiya, ka ni hu Masedoin u Akay holɗi, hurugi ma tini kay Lonna tak ki hu lina halaŋ ka ami a ɓak kam ɓak ki oloɗi.