ROMMA 10:12 - Boy Lonana

¹² Suu Juifna u njaf suu daŋŋa ka zeɗ zeɗɗi, kay asi halaŋ Bu Suuna masina ni dew ma ɦal tlena maŋ suu yam semma.

ROMMA 10:12 ပူးပေါင်းရင်းမြစ်များ

SOOLLA 145:18

Yawe ka tok eg suu yam semma, nam ka tok eg suu yam u hurusi dewna.

SOOLLA 86:5

Bu Suuna, aŋŋi sa ma jivina, ma bulum cora kina, aŋ sa ma ɗegeena ka hum suu ka yaŋŋa tew tew.

EZAYI 55:6

Halagi Yawe kay nam tak tam irigi wa. Yagina kay nam ka ni na tok daŋ.

SUNDA 7:59

Asi gikim u gogoyra na ni Etiyen cen Lona ana, «Bu Suuna Yesu van ŋgus manda ha koŋu.»

SUNDA 9:14

Nam mbay tani u saɓakŋa vi muli suu li ɓivunna a yow suu yaŋ seŋŋa halaŋ.»

ROMMA 14:9

Kristu miɗa paɗ ki kolo iiriya, a li Bu Suuna vi suu miɗina u suu iirina.

ROMMA 15:12

Ezayi di olo ana, «Sa ma hu njafna vi Jesena hin mbaa, kak mulla kay njaf suuna halaŋ, hurum namu suuna hin mba juɓum u heɓpa.»

ROMMA 2:4

Aŋ pan jivira ŋgolla vi Lonara u ɗigilla, u lalam mamba, ni pani su? Aŋ ka wi ana jivi Lonara hal a mbuɗuŋ iiri maŋga zeɗ ni ndaɗu naɗi su?

ROMMA 3:22

Lona min mbuɗ suuna ɗegee u hurusi ma tini kay Yesu Kristuna, nam lini kay suu tin hurusi kay Kristuna halaŋ, nam ka ɓorow ii suunaɗi.

1 KORINTNA 1:2

Maŋ suu vi Kristuna, suu vi Lonna hu Korint, suu Lona yasi ki mamma hu taɓpa u Yesu Kristu, maŋ suuna halaŋ suu yi sem Yesu Bu Suuna mayna Yesu Kristu, Bu Suuna masina u maygina.

1 KORINTNA 15:47

Adam ma jewna minim ay ni u gugum ndaŋgara, Adam ma mbana mbay ni kolo huulona.

2 KORINTNA 8:9

Agi wagi oora vi Bu Suuna mayna Yesu Kristu. Nam ma ɦizina mbuɗ tam ki hawra kagiya, kay nam min ɦizigi ki u haw mamba.

GALATENA 3:28

Suu Juifna ka ɓorowi zeɗ zeɗ u njaf suu daŋŋaɗi, mborɓiina ka zeɗ zeɗ u suu vuɗinaɗi, suu njufina ka zeɗ zeɗ u boyoginaɗi lay. Agi halaŋŋi hu taɓpa u Yesu Kristura dew.

EFESNA 1:7

Hu miɗna vi Kristu aygi buɗ ki hu cora wa, cooygira daɓ ki wa. Ni kay ndaɗta Lona takaygi ŋgolla vi oo mamba.

EFESNA 2:4

Jivira vi Lona ta ŋgolla u min mamba nam miniygira.

EFESNA 2:7

Nam li dla ndaɗta na ni kay a tak saɓakŋa vi oo mamba mbuɗ mbuɗta hin mbayra, ni u jivi mamba nam takaɗ ki hu Yesu Kristura.

EFESNA 3:16

An joɓ Lona u ɦizza vi ŋgol mamba a nam mba ɦagi saɓakŋa u eŋga u Musuk mamba hurugiya.

EFESNA 3:6

Gola ni dlara ŋgay ndaɗta u Boy ma Ayra, suu ka njaf suu Juifnaɗina ndak a yow jona vi Lona ma nam ŋgaam maŋ suu mammana, asi taɓi hu mbalatara dewra, fi ɓorow masina u vun Lona ma nam vam hu Yesu Kristuna.

EFESNA 3:8

An ni sa ma kaɗaki duk njafna vi suu vi Lonana halaŋ ko ndaɗta na lay ni Lona ɦan a di Boy ma Ayra vi ɦizza bay daɓpa vi Kristu maŋ suu ka njaf suu Juifnaɗina.

FILIPINA 2:11

Kay vun suuna halaŋ mba di ana, Yesu ni Bu Suuna, ŋgolla vi Lona Buna egemu.

FILIPINA 4:19

Lo manna mba ɦagi tlesuu agi minisina halaŋ u jivira vi ɦiz mamba hu Yesu Kristu.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

KOLOSNA 3:11

Ni kay ndaɗta sa ma Juif kaɗi, sa ma ka Juifɗina kaɗi lay, ana sa ma ɗiwim cawina ɗowba bay cawra kaɗi lay, suu ka wi dlaɗina u suu haɗ dla kaɗina, mborɓiina u suu vuɗina, Kristu ni halaŋ hu gegelay halaŋ.

1 TIMOTE 2:5

Kay Lona ni dew, sa ma taɓ duk suuna u namma ni dew may, sa namma ni Yesu Kristu.

WIRA ŊGAYRA 17:14

Asi hin duu Goo Timiina nam hin su kasiya, kay nammi Bu Suuna vi Bu Suuna, mulna vi mulina, nam hin su kasi u suu mamsina, ni suu mam suu ɗegee suu yasi ay manasi kina.»

WIRA ŊGAYRA 19:16

Sem ma ɓiiri kay baraw mamma u gayam kaŋgana ko fok wanda na, Mulna vi mulina, Bu Suuna vi Bu Suuna.