ROMMA 1:28 - Boy Lonana

²⁸ Asi ŋgel humusi ki kay min wi gasira vi Lonaraɗi. Ni nam Lona hinisi buɗi hu yal masi ma viɗ kina, dla mayra ka gin a liɗira asi mbuɗ laɗu.

ROMMA 1:28 ပူးပေါင်းရင်းမြစ်များ

URA TIN AYRA 6:5

Yawe wi ana suuna tuɗ fok a li cora kay ndaŋgara li na ɗow ɗow, hu buuna tew tew ni saa masira tini ni kay dla cora.

2 SAMUEL 22:27

Aŋ teteɗ u sa teteɗna. Sa hurum cona aŋ mbuɗum ki va sanda.

SOOLLA 69:27

Kay sa ma aŋ camma asi ka lasamu, asi surum lassa kam huna ɗow ɗow.

VUN ŊGOLNA 1:22

«Agi suu giniŋŋa hin hinigi giniŋ magira ki ni saɓage? Suu pan suuna hin hin panda pananda ki ni saɓage? Suu laɓana hin hin noyra noy yalna ki ni saɓage?

VUN ŊGOLNA 1:29

«Kay ana asi noy wira kiyo. Asi man ndaa ma lam u Yawena kaɗi.

VUN ŊGOLNA 1:7

Ndaa ma lam u Yawena ni sok wira ŋgolla gaw. Yalna u haɗta, suu laɓana san u dla ndaɗta ni asi hol.

VUN ŊGOLNA 17:16

Gursu ma ko sa ma laɓana hin li ni mege? Nam a hin gus u nammi yalna su? Doli ɗini nammi sa ma yam kaɗina.

JEREMI 4:22

Gasi, suu mansina saarasi kaɗi. Asi ka wanɗi. Ni gor suu to'onosi kaɗina. Asi ka ndak a wi dla na ndeɗi. Asi yal coco kay a li dla cora, a li dla jivira ni asi ka wiɗi.

JEREMI 6:30

Asi yasi ana, «kawi ma suuna ka minimbina,» kay ana Bu Suuna ka minisiɗi.

JEREMI 9:6

Na ɗaŋŋi Yawe, ma Saɓakŋa Kom Belna, ɓak anaba. An hin yoorosi kiyo, hin saa kasiya. Aa, an a kaɓakŋa ni kay dla cora vi suu mansinara.

EZEKIYEL 14:5

Hoŋ diinda hin vi suu Israelna cocoo kay asi ɦuɗun ha ki egesi day ni u goɓpa asi goɓ fulinara.

EZEKIYEL 20:25

Na ɗaŋŋi an ɦasi gaɗ mayra ka lasi jiviɗira ni u tanda, takasi ni ne mayra asi ka lak iiriɗira.

Magaara Vi Sa Jok Vun Lona OZE 4:6

Suu mansina lay hin mbuɗ ka ɓakgi, ni cora kay asi ka wi dlaɗira, kay ana asi zuɗ wira wi dlara kiyo an hin zuɗuŋ ha kiyo. Aŋ hin ka li a mul man ma li ɓivunna oloɗi, aŋ maa gaɗta vi Looŋara kiyo, an may ni hin maaraŋ goryoŋ kiyo.

SUNDA 17:23

An poy hu ɦoŋzina tani wi li ma agi tok a li cenda huna, an wi givin ma togolla ma cenda dew ɓiiri kam kolo ana, lo ma sa ka wambina. Ni jiviya ma agi cen sa ka wambi namma an dagi ni kamu.

SUNDA 17:32

Asi hum Pol di ana nam colom ki kolo hu miɗna iiriya ni, suu daŋŋa panam may, suu ɦiw di ana, «Ami min a humuŋ dlaaŋga ndaɗta hu falira daŋ dew tu olo.»

ROMMA 1:18

Yara vi Lona col ay kolo day tak ki kay cora vi suuna halaŋ, u dlaasira cora ka hin gasira a liɗira.

ROMMA 1:21

Asi wi Lona may ka ŋgaambi, ka gam deɓ ana nammi Lona naɗi lay. Ni na ɗow saa masira mbuɗ ki giniŋi yal ka irisi oloɗi, saa masira mbuɗ ndufunu.

ROMMA 1:24

Kay ndaɗta Lona hinisi buɗiya a li dlara njenjera u minda hurusira hu poy masira asi li dlara zolona, eg tasiya.

ROMMA 1:26

Ni kay ndaɗta Lona hinisi buɗi u saa masira cora duk zolona, boyogi masisina mbuɗ taɓ masira duk tasira ki va ma daŋŋa ka ko suuna lira na oloɗi.

1 KORINTNA 15:34

Hoŋogi ay hu gasira ko ay lira na, lagi coraɗi, suu dukugi ɦiw ni ka wi Lonaɗi an di na ni kay zolo magina.

2 KORINTNA 10:5

Ami toomi tlesuu sana colosi a ŋga tamma kay wira vi Lona ki kaŋga halaŋ ami njun saara daŋga kaŋga halaŋ kay a hum u Kristu.

EFESNA 5:4

Ka jivi kay agi a ɓak boy ma njenjenaɗi, boy ma giniŋŋa u ma ka u voɗombina lay agi ɓakambi. Cenegi Lona u gi deɓpa na ɗow.

2 TESALONIKŊA 1:8

Nam hin mbay ki duk sin kura ŋgolla a kaɓakŋa kay suu ka wi Lonaɗina, ka vi Boy ma Ayra vi Bu Suuna Yesuɗina.

2 TIMOTE 3:8

Ni ko Jannes u Jambre min boyna vi Moizɗira na, asi suu asina ka min gasiraɗi ni na may, ni suu u saara cora hurusina, vira u Lonara irisi ni va sanda ɦawaa.

TITTA 1:16

Asi di ana asi ni suu wi Lona, sun masira ka tak naɗi gaw may. Asi ni suu cona, duu u gasira, ndak ka a li sunda jiviɗi.

FILEMONDA 1:8

Kay ndaɗta an fi buɗta hu Kristu a daŋ va aŋ lamma.

2 PIYER 3:5

Maa humusi ki a gagaɗta kay boyna wanni ay jew dayra Lona diya, huulona u ndaŋgara nam lasiya. Ndaŋgara paɗaɗ ay ki ni duk yona hin miniɗ ni u yo namma,