ROMMA 1:23 - Boy Lonana

²³ Hu li ma a geleɗ saɓakŋa vi Lona ma ka miɗɗina asi hoŋ geleɗ ni va ma tli tam ko sana ma miɗ kina na. Layagina, mburina, u tlesuu ɦaram kaŋgana, asi geleɗesi ni asiya.

ROMMA 1:23 ပူးပေါင်းရင်းမြစ်များ

SOOLLA 106:20

Asi mbuɗ bibiŋil Lonara ki u foto mbutl ma ti haɗna ɦawaa.

EZAYI 40:18

Agi hin ŋga Lona ko tammi u mege? Va ma agi colom a tli tam u Lonana ni mege?

EZAYI 40:26

Tlagi irigi kolo, gologi ciciwra gige, sa ma lasina ni gege? Sa ma cukusi ay ki fun tasi na halaŋ ko suu duuna nana ni gege? Asi halaŋŋi suu lam sun mamba, saɓak mamma cocoo, mul mamba ti kasi halaŋ. Va ma sem viɗ ki kam na dew kaɗi.

EZAYI 44:13

Sa ma ceɗ guna, may ni ŋgaam ki u zewna, nam ɓii va ma nam min a ceɗemma ki jiviya, nam ceɗ guna ki ko sa warna na, lam irim u vogom ki jiviya, tinim kalafi hu zira fulina.

JEREMI 2:11

Njaf suuna ndak a jok ki u lo ma daŋŋa su? Doli ɗaŋŋi ka ni looginaɗi. Suu mansina may ni mbuɗ jivi masira ki u va sunum kaɗina.

EZEKIYEL 8:10

An kal ha kalafiya. An gola ni foto tlesuu ɦaram kaŋgana tinira na zeɗ zeɗ u foto tle bagina lay. Fuli suu vi suu Israelna halaŋ ki ɓiiri eg gulumunna lay, ki ŋguy kasi na halaŋ halaŋ.

SUNDA 10:12

Hu va ma giɗi namma wanni njaf tlena halaŋ huwa, tlesuu gayasi fiɗina, u suu ɦaram kaŋgana, u layagina lay halaŋ huwa.

SUNDA 17:29

Aygi ni goryomu, ni ka ndak di ana Lona tli tam ko lorra naɗi, ko doonora ɗowba, ɦinira naɗi lay. U va ma sa ŋgaam u saa mamba ɦawaɗi.

ROMMA 1:25

Asi mbuɗ gasira vi Lona ki kaboyna, asi cen tlesuu Lona lasina, sunusi lay, hin Lona ma li tlena halaŋŋa kiyo, a geleɗem ginni nam gak gak hu daɓ kira. Amin.

1 KORINTNA 12:2

Agi wi ana hu li ma agi ay bay vi Boy Lonana tura wanni, asi taɗagi ay u fuli suu ndumuna agi vi kagi bay u dlara.

GA 8ATAMBARA 5:8

«Aŋ mba vi u loogi suu ɦawanaɗi u tlesuu kolo huulonnaɗi lay, u tlesuu ga kay ndaŋgaraɗi lay, tlesuu ga duk mbona u ndaŋgara ganaɗi lay.

1 PIYER 4:3

Agi ay jew basara ŋgolo lagini ko suu bay vina lira na, lagi dla cora, ŋgiziɗ tlena vi suuna, guruɗ u summa, luu dam dam, luu ma ci summa, li ɓivun ma njenjena maŋ fulina.

WIRA ŊGAYRA 9:20

Suu hin bay ci ko lassa ndaɗta halaŋ, ka hom kay dla cora asi laɗtaɗi, asi ka hin cenda cen fulina u gugunina mini u lorna, u doonora, u kawina, u ɦinira, u guna, tlesuu irisi ka wiɗi, ka humbi, ka tuɗɗi layna.