Asi ni suu giniŋŋa, hurusi tini ni kay va ma ti ki buɗnana. Saa masira ka wi vaɗira, viɗisi ki wa. Asi ka buɗ kiɗi lay. Sa ma di ana, «Tlesuu kon wanna ni ganyamba ɦawaa,» kaɗi lay.
Aŋ tin saa maŋga kay tlesuu aŋ lasina, di ana, «Sa ma wan kaɗi.» Aŋ ŋga taaŋ mayra ana aŋ wi cocora u haɗ maŋga tuɗuŋ ki ni hu li ma aŋ ba kina. Aŋ di ana, «Anni an dew sa ma ko an na kaɗi.»
Gasi, suu mansina saarasi kaɗi. Asi ka wanɗi. Ni gor suu to'onosi kaɗina. Asi ka ndak a wi dla na ndeɗi. Asi yal coco kay a li dla cora, a li dla jivira ni asi ka wiɗi.
Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta.
