ROMMA 1:21 - Boy Lonana

²¹ Asi wi Lona may ka ŋgaambi, ka gam deɓ ana nammi Lona naɗi lay. Ni na ɗow saa masira mbuɗ ki giniŋi yal ka irisi oloɗi, saa masira mbuɗ ndufunu.

ROMMA 1:21 ပူးပေါင်းရင်းမြစ်များ

URA TIN AYRA 6:5

Yawe wi ana suuna tuɗ fok a li cora kay ndaŋgara li na ɗow ɗow, hu buuna tew tew ni saa masira tini ni kay dla cora.

URA TIN AYRA 8:21

His ɓivun namma cuk kay Yawe na ni, nam di ana, «An ka gi vun ndaŋgara ki kay cora vi suunara oloɗi. Sana ay hu gorom day ni hurumi saara cora. An ka min a ba tlesuu irina ki ko an li wanda na oloɗi.

1 MULINA 20:23

Suu ŋgolo suu vi mul ma Sirina dam ana, «Loosina ni Lo ma kolo kay ɦinirana. Kay ndaɗta asi li ay saɓak suuygi ni na. May tuɗuygi duuruygisina hu li ma gana tuwa, ni aygi hin li ni saɓak suusiya.

2 MULINA 17:15

Asi noyom gaɗ mamba kiyo, noy galamba nam vaɗ ay u somoyosira ki lay. Gaɗta nam gasi humusi kaɗta, asi zaŋ irisi ni eg dlara uɗ kaɗira. Asi li ni ko njaf suu daŋ suu ŋguyusi wanna na. Doli ɗini Yawe neesi ki ana ka asi li ko suu asina naɗi.

SOOLLA 50:23

Sa ma ŋgaanna, lan unna ni ɓivun namma, sa namma an hin takam voɗta vi Lona ta suɗta.

SOOLLA 81:12

Na may suu mansina humun delen kaɗi, suu Israelna ka mininɗi,

SOOLLA 86:9

Njaf suu aŋ lasina halaŋ hin mba goɓ ga fokoŋu, Bu Suuna, hin a seŋ fi bibiŋilla fok suuna.

DI BOLLA 7:29

Gola ni dlara an faɗta. Lona li sa warna ni ɗegee ka ŋga tambi, may sana hin hal dlara loɓma kay tammi namu.

EZAYI 60:2

Ndufunda kuluɓ duliyara ki halaŋ, njeŋgera ka ki kay njaf suuna halaŋ. Na may kaŋ aŋ taŋga ni Yawe ka ɓo kiɗik mamba, bibiŋil mamba ka tak ki kaŋu.

JEREMI 16:19

Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

JEREMI 17:9

Va ma ganyamba su belna ni saara sa ka ndak a gaɗ iriɗɗira. Sa hin waɗ uɗna ni gege?

JEREMI 2:5

Yawe ɓak anaba, dla cora somoyogi fanda egenda ni tarage a asi ɦuɗ tasi ki egen day nige? Asi liŋŋi u dlara uɗ kaɗira. Gola asi bulum ki cemmi ni ko va kaɗira na.

JEREMI 9:14

Na ɗaŋŋi Yawe, ma Saɓakŋa Kom Belna, Lona vi suu Israelna, ɓak anaba, an hin ɦasi beɗeera kasiya, ɦasi yo ma ci suuna asi camu.

EZEKIYEL 14:5

Hoŋ diinda hin vi suu Israelna cocoo kay asi ɦuɗun ha ki egesi day ni u goɓpa asi goɓ fulinara.

EZEKIYEL 20:25

Na ɗaŋŋi an ɦasi gaɗ mayra ka lasi jiviɗira ni u tanda, takasi ni ne mayra asi ka lak iiriɗira.

Magaara Vi Sa Jok Vun Lona OZE 2:8

Kay ndaɗta an hin dukuk voɗ makka ki u wayra, hin cakaɗ ki u guna. Ndaɗ hin ka fi voɗ maɗta oloɗi.

Boy Ma Ayra Ma JAŊ Ɓiirimma 3:19

Agi gola, kaɓakŋa col ay ni ana, kiɗikka mbay hu duliyara, suuna min ndufunda su kiɗikka, kaymege, dlaasira ki coo.

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

ROMMA 1:19

Kay ndaɗta Lona kaasi ɓakŋa kasiya, va ma sana ndak a wi Lona u namma kaki irisi kiɗiki, ni Lona takasi va namma ki irisi ni namu.

ROMMA 1:28

Asi ŋgel humusi ki kay min wi gasira vi Lonaraɗi. Ni nam Lona hinisi buɗi hu yal masi ma viɗ kina, dla mayra ka gin a liɗira asi mbuɗ laɗu.

ROMMA 11:10

Kay irisi mba dug kiyo, a asi mba wi va oloɗi, ŋgorosi li goɓi kaŋga na tew tew.»

ROMMA 15:9

Nam mbani kay njaf suu ka suu Juifnaɗina, geleɗ Lona kay jivi mamba nam laɗa ko magaara dira na, «Kay ndaɗta an hin geleɗeŋ duk njaf suuna halaŋ, gi soolla a geleɗeŋ seŋ lay.»

GA 8ATAMBARA 28:29

Faali ŋgolla lay ni agi daɓ hu voɗta ni ko suu dugina na, ka fi voɗtaɗi lay, sunda agi laɗta ni agi ka fi va huɗi lay. Suu babali magisina hin lasagi ni hu buuna halaŋ, asi vagi balna, sa ma njun kagi kaɗi lay.

2 TIMOTE 3:2

Suuna hin mbuɗ ki ni kurufuku, li banara ni u gursura, tli yam tasi koloo, ŋga tasiya, asi, hin duu u Lona, ka hum u somoyosiɗi, asi ka gi deɓ kay tlenaɗi, ka li zolo kay tlesuu teteɗnaɗi lay.

1 PIYER 1:18

Agi wi ana nam warak kagi ni ka u tlesuu ba kina ko gursura u lorra naɗi, kay buɗugi ki hu dla cora somoyogi haɗagirara.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

WIRA ŊGAYRA 14:7

Nam di u delem eŋga ana, «Lagi ndaa Lona, geleɗemu, kay lina ŋga wa a nam a kaɓakŋa kay suuna, cenegi sa ma li huulona, li ndaŋgara, li mbo lumma ŋgolna u yo ma cira.»

WIRA ŊGAYRA 15:4

Sa ma laŋ ndaaraŋgina ni gege Bu Suuna? Sa ma min geleɗeŋgina ni gege? Aŋ dew ni sa ma teteɗna, njaf suuna halaŋ hin mba goɓ kaŋga fokoŋ a ceneŋga, kay sun maŋga ɗegeera tak ki wa.»