ROMMA 1:20 - Boy Lonana

²⁰ Ni kay mayra Lona min duliyara ay day dayra, dlaamba bay sa waɗ u irimba ni di ana saɓak mamma ka daɓi ɗina, u dlaam mayra ana ni nam Lona daŋ mayra, ni halaŋ tak ki kay sun mayra nam laɗ ndaɗta ni suuna ndak kay wamu, ii boy masina ka ndak a ɗoɓ oloɗi.

ROMMA 1:20 ပူးပေါင်းရင်းမြစ်များ

URA TIN AYRA 1:1

Lona gijaŋŋa ay jewni li huulona, li ndaŋgara.

URA TIN AYRA 21:33

Abraham pi gu cinda hu Berseba. Hu li namma Abraham gijaŋ cen u sem Yawe, Lo ma Dindinna.

JOB 12:7

Na may aŋ joɓ tle bagina ugi layagina asi ndak a haɗaŋ va lay.

SOOLLA 104:31

Ko bibiŋilla vi Yawera li ha na gak gak, ko Yawe furi kay sunda nam laɗta.

SOOLLA 104:5

Nam min ndaŋgara eŋ cocoo, ndaɗ ka coli tew tew ka geŋeɗɗi.

SOOLLA 119:90

Ɗegee maŋga ka ni na din din, aŋ min ndaŋgara, ndaɗ ka coli eŋ tew tew.

SOOLLA 139:13

Aŋ minin gilisinni aŋu, aŋ golon ay huu sunni aŋ lay.

SOOLLA 8:3

Kem gorira u suu fun pona ka gi soolla ŋgaaŋga. Aŋ tak saɓak maŋŋa ki kay suu babali maŋsina, kay a seŋ vun suu babali maŋsina.

SOOLLA 90:2

Jew bay ɦinira li tura, bay aŋ li ndaŋgara tu u tlesuu hu duliyarana tu lay, aŋ ka gak gakŋi Lona.

EZAYI 26:4

Tinigi hurugi kay Yawe a fafaɗta, kay Yawe ɦini ma din dinna.

EZAYI 40:26

Tlagi irigi kolo, gologi ciciwra gige, sa ma lasina ni gege? Sa ma cukusi ay ki fun tasi na halaŋ ko suu duuna nana ni gege? Asi halaŋŋi suu lam sun mamba, saɓak mamma cocoo, mul mamba ti kasi halaŋ. Va ma sem viɗ ki kam na dew kaɗi.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

JEREMI 5:21

Humugi boyna haa, suu saarasi u to'onosi kaɗina. Irisi ka kasi may asi ka wiɗi, humusi ka lay asi ka humbi.

JEREMI 51:15

Sa li ndaŋgara u saɓak mamma na, ma li duliyara u yal mammana, ma u yal mamma li huulonana.

MATIYE 5:45

Agi li li na ni, agi hin mbuɗ ki goryoŋ Lo kolona. Nam ti fat mamba kay suu cona lay, kay suu jivina lay. Nam si yoom ay kay suu cona ko suu jivina na lay.

MARK 10:6

U ura tin ayra Lona li tlena halaŋ, ki ɓiiri ana nam li sa njufna u cara.

Boy Ma Ayra Ma JAŊ Ɓiirimma 1:18

Sa wi Lona kaɗi, gorom ma dew ma ka eg Bumma, nammi Lona may, takayna ki ni namu.

Boy Ma Ayra Ma JAŊ Ɓiirimma 15:22

Lini an ka mba dasiɗi ni, asi ka wi coosiraɗi. Cecemmi, asi ka puruɗ ki ko ɓakŋaɗi.

SUNDA 17:29

Aygi ni goryomu, ni ka ndak di ana Lona tli tam ko lorra naɗi, ko doonora ɗowba, ɦinira naɗi lay. U va ma sa ŋgaam u saa mamba ɦawaɗi.

SUNDA 22:1

«Gorsenna u somoyonu, humugi boy manna an dam ka cecemma.»

ROMMA 1:19

Kay ndaɗta Lona kaasi ɓakŋa kasiya, va ma sana ndak a wi Lona u namma kaki irisi kiɗiki, ni Lona takasi va namma ki irisi ni namu.

ROMMA 16:26

Cecemi ndaɗ mba ki wa kiɗiki, hu magaara vi suu jok vun Lona tlesuu ay huruɗ halaŋŋa, u gaɗta vi Lona ma ka daɓ kiɗina kay suuna hu ndaŋgara halaŋ wi u dla ndaɗta vi uɗ lay.

ROMMA 2:1

Aŋ sa ma kaɓakŋa kay suuna, vunuŋ hin vaŋ may. Hu li ma aŋ kaɓakŋa kay suuna, aŋ li ko asi na lay, ni aŋ kaammi kay taŋga tok.

ROMMA 2:15

Dlaasira asi laɗta ko ndal gaɗta ka dasira na ka ɓiiri hurusiya, yal masina u saa masira ka takasi na, buu mari ni ana asi li coo, buu mari ni suɗusi ki may.

1 KORINTNA 1:20

Na ɗaŋi suu neeyna hin dini ana mege? Ni suu wi dlara hin dini ana mege? Suu ciwayra hu duliyara tanina hin dini ana mege? Lona di ana nera vi suu hu duliyara ni laɓara.

GA 8ATAMBARA 33:27

Lo ma vi somoyogi suu jewna ni Lo ma ŋgay tara. Col ay day ta ta cemi kom ma saɓakŋa ka li sunda ga kay ndaŋgarana. Nam dikigi suu babali magisina ki fokogiya, nam ɦagi voɗta ana daɓasi ki halaŋ.

GA 8ATAMBARA 4:19

Ka agi gol irigi kolo huulona wi gi faɗta, tilna u ciciwra tlesuu kolo huulonna halaŋ a zuɗugi a goɓ ga fokosiɗi, a sunusiɗi lay, kay asi ni tlesuu Yawe Loogina tunusi kolo huulona ni maŋ suu kay ndaŋgarana halaŋ.

KOLOSNA 1:15

Kristu, ma suuna wam u irisina, tli tam u Lona ma bay sa wam u irimma, nammi gorom ma jewna, ŋgol su tlesuu nam lasina halaŋ.

KOLOSNA 2:9

Hu li ma Lona gi Kristu ki a sana ni kay nam tamba ka hurum hu gaw may.

1 TIMOTE 1:17

Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

1 TIMOTE 6:16

Nam dew ni ma ka miɗɗina, nam kaki hu kiɗik mayra sa ka tuɗ ha huɗira, sa waɗ kaɗi lay, sa ndak a waɗɗi lay, geleɗta u saɓak ma ka daɓ kiɗina ni mam a fafatɗa. Amin.

HEBRENA 11:27

U vira Moiz hin ndaŋga Egipte li ndaa ka ko yara vi mulnaraɗi, nam kak u ɗigilla na en, ko nam wi Lona u irim na.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.