ROMMA 1:13 - Boy Lonana

¹³ Gorsenna an min ana agi wi anaba an tew tew min a tuɗ varagiya, na may gak gak cecemi an bay fi voɗta tuwa, an min ana sun manda mba li va ma jivi dukugiya, ko li duk njaf suu hiŋŋa na may.

ROMMA 1:13 ပူးပေါင်းရင်းမြစ်များ

EZAYI 27:6

Hu basara ha fokka suu Yakobma sariyasi hin kal kaŋgaa, Israel mbuɗ ɓo na mbuguk mbuguk asi hin vuɗa, vuɗusi hin oy ki hu duliyara halaŋ halaŋ.

Boy Ma Ayra Ma JAŊ Ɓiirimma 12:24

An dagi ha ni gasagi ana, lini ii wana tos ka kaŋgaɗi ni, nam ka cimbi, hin vaydegem dew. Nam cim wa ni, hin ne ii coco may.

Boy Ma Ayra Ma JAŊ Ɓiirimma 15:16

Agi ŋgaɓan ka agiɗi, an ŋgaɓagi ni an ɗow. An cukugi ha ni ana agi tuɗ vuɗ vuɗta jivira ta ka daɓ kiɗira. Na ni, Bun hin ɦagi va ma agi hin joɓom u senna halaŋ.

Boy Ma Ayra Ma JAŊ Ɓiirimma 4:36

Sa feɗ wana hu senena, nam fi ki ni warak mamba da, nam tok ii wana ni kay iirira bay daɓpa. Ni kay ndaɗta, sa feɗ wana may, sa zaa wana may, asi furi ni ko tasi dew.

SUNDA 1:15

Ay fali ndaɗta ni hu buu maa dew suu vina tok tasi ii va ma kis duk dok mba', Piyer col dukusi dasi anaba,

SUNDA 14:27

Asi mba Antiok tok suu vi Kristuna halaŋ egesiya, vasi u boy ma Lona li sunda ay u asina halaŋ, u mayra nam mal voɗta ki maŋ njaf suu daŋŋa asi vira lay.

SUNDA 15:12

Suu tokina halaŋ sa ka ɓak boyɗi, a hum vun gi Pol u Barnabas, a vasi u dlara takka u dlara mbuɗta ta Lona laɗ u asi duk suu ka njaf suu Juifnaɗina.

SUNDA 19:21

Ŋgoo dla ndaɗta dagan wanni Pol tin hurum a tuɗ Masedoin, jak ha Akay kay a tuɗ Yerusalem. Nam di ana, «An col a tuɗa wanni an min wi Rom ki u irin lay.»

SUNDA 21:19

Pol gasi deɓpa si si ni vasi u boy ma Lona li sunda ay u nam duk njaf suu Juifnaɗina ki dew dew halaŋ.

SUNDA 28:14

Hu ɦoŋzi ma ŋgol namma ni ami fi gorsemina huwa, asi min ana ami kak varasi li buuna goy kiɗisiya tuwa. Ni ami hin tuɗumi Rommi na.

ROMMA 1:12

Olo an saa kay tuɗ dukugiya a agi may an may taɓaygi dew gaɗaygi taygiya a an fi saɓakŋa u viigira may, agi fi ni u manda may.

ROMMA 11:25

Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta.

ROMMA 7:1

Gorsenna agi wi boy ma an min daginana wa kay mege agi wi gaɗta, gaɗta li saɓak kay sana ni hu li ma nam ka iiri tuna.

1 KORINTNA 1:10

Gorsenna an gaɗagi fok Bu Suuna mayna Yesu Kristu, wagi ki kaki ana vunugi mba ɓorow zeɗ zeɗɗi, taɓagi na dew, saa magira li dew ɗigil magira li dew lay.

1 KORINTNA 10:1

Gorsenna an min gagi humugi kay dla mayra somoyoygi suu jewna poy ko tasi u Moizza. Asi poy u ŋgus ɗugulla, suu calaɗ ay ki kay lumma tlawna.

1 KORINTNA 12:1

Gorsenna kay ɦala Musuk Lonara ɦaɗta, An min ana agi wagi u gasira vi ɦal ndaɗta kiyo.

1 KORINTNA 14:20

Gorsenna, lakagi hu dlaagira ko gorkemba naɗi, lakagi ko gorkemba na hu dla cora, a gi ii boyna ni agi lakagi ko suu ŋgolona na.

1 KORINTNA 14:26

A da boy namma kira ni ay li ni ana mege gorsenna? Hu li ma agi tokogi tagina wanni sa ma dukugi ma gi soolla kaa, sa ma haɗ suuna ka may, ma gi u dlara ŋgayra vi Lonara kina kaa, sa ma hiŋŋa ɓak u vun ma daŋŋa, sa ma gi u boy namma kina ka may. Halaŋŋi kay wul suu vina kolo hu vira.

1 KORINTNA 9:2

Lini suu daŋŋa ka wan ana an a sa vovoɗta vi Lonaɗi lay, agi ndak a wi ana an ni sa vovoɗta vi Lona. Kay taɓ magira u Bu Suunara, agi ni suu diki kan ana anni sa vovoɗta na.

2 KORINTNA 1:8

Gorsenna ami min ana agi wi ki kay wihawra fami ay hu mbassa Azira, wihaw ndaɗta ay kami nek cocoo ka ndak a ziiɗi, hurumi mbuɗ zeɗ zeɗ kay iiri mamira.

2 KORINTNA 2:14

Gagi deɓ Lona ma ɦaygi saɓakŋa ay tew tew kay taɓ mayra duk tay u Kristura. Nam li sunda u aya kay tak Kristu ki hu lina aragelay, ko mbul ma hisna his hu lina halaŋga na.

GALATENA 3:15

Gorsenna an min tinigi ndal boyna u dlara suuna ka laɗ halaŋga, lini sana vi galamba u ndaramma wa ni sa ndak a ɓeŋeɗ kiɗi, kal va ma daŋ huɗi lay.

GALATENA 6:18

Gorsenna, ko oora vi Bu Suuna mayna, Yesu Kristu, kak u agi halaŋ. Amin.

FILIPINA 1:22

Lini an ka iiri tu gak gaki ni an ndak a li sunda jivira, an wi va ma an a manamma ka tuɗi.

FILIPINA 4:17

Ka ana an hal ni a mini tlena ɦawaa naɗi, an saa ni kay agi hin mba fi va kay magisina huwa.

KOLOSNA 1:10

Ni agi hin poy ko Bu Suuna minda na, li ni dlara nam minda lay. Ni agi hin li sunda jivira a wulugi fok hu wiigira kay Lona.

KOLOSNA 1:6

Boy ma Ayra njay kiyo, mbaa paɗvunna ki hu duliyara halaŋ, ko nam li ay dukugi jew day hu buu ma agi hum kay oora vi Lona, wagi gasi ndaɗta lay.

1 TESALONIKŊA 2:18

Ami min tew ki ta ta varagiya. An tanda Pol hal gin a tuɗ ha egegi sen bolowo, may Satanna dooromiya.

1 TESALONIKŊA 4:13

Gorsenna ami ka min a agi lak bay wi u boyna kay suu miɗina kiɗi. Ka agi ɓalak hurugi ko suu ka wi Lonaɗina naɗi.

2 TESALONIKŊA 2:7

Saɓak ma ŋgayna vi Sa ma Cona ka li sunda cecemi. Sa ma dooromma kal kiwa ni, dla ndaɗta hin li ni na tuwa.

2 TIMOTE 4:17

Bu Suuna mbay egen tok njunun ni namu, kay an ndak a di boyna maŋ suu ka njaf suu Juifnaɗina, asi humum ki halaŋ, nam suɗun ay fun dlona.