ROMMA 1:11 - Boy Lonana

¹¹ An hurun haɗ cocoo kay a tuɗ gologiya, a ɦagi ɦala vi Musuk Lonara kay a mbuɗugi saɓaki.

ROMMA 1:11 ပူးပေါင်းရင်းမြစ်များ

URA TIN AYRA 31:30

Cemi an wi ana aŋ hoŋ voo, kay may ziŋ buŋŋa vaŋu, na ɗaŋŋi aŋ hin kulun loogi mansina ay koŋŋi kay mege?»

2 SAMUEL 13:39

Mulna David seŋ lira li yara eg Absalomba, kay ana asi heɓem hurum ki kay maɗ Amnon.

2 SAMUEL 23:15

David di dlara hurumba ana, «Sa ma hin tuɗ goon yo ma cira ay hu goloŋga vun grek ma Betlehemma ni gege?»

2 DLAŊ MULINARA 20:20

Suuna halaŋ yow kolo maɗii feɗet a tuɗ hu ŋgoo bagira Tekoara. Hu tuɗta asi ka jakka ni Josafat col kolo di ana, «Agi suu Yudana u suu Yerusalemma humugi haa, tinigi hurugi kay Yawe, Loogina, ni sa ma hin a su kagi kaɗi. Vagi vun suu mam suu jokom vunumma ni agi hin ti suuna.»

SUNDA 16:5

Suu vi Kristuna halaŋ fi eŋga hu viisira, ndumusi zul ha fok hu buuna na tew tew.

SUNDA 19:21

Ŋgoo dla ndaɗta dagan wanni Pol tin hurum a tuɗ Masedoin, jak ha Akay kay a tuɗ Yerusalem. Nam di ana, «An col a tuɗa wanni an min wi Rom ki u irin lay.»

SUNDA 19:6

Pol baa kom kasi na ni Musuk Lonara mba kasi gaw, asi gijaŋ ɓak boyna u vun ma daŋŋa daŋŋa, di ki kay dlara Lona ɦasira lay.

ROMMA 1:12

Olo an saa kay tuɗ dukugiya a agi may an may taɓaygi dew gaɗaygi taygiya a an fi saɓakŋa u viigira may, agi fi ni u manda may.

ROMMA 15:23

Cecemi sun manda hu ndaŋgara tanira daɓ wa, basara ŋgolo an hurun haɗ kay a tuɗ gologiya.

ROMMA 15:29

An wi ana an hin tew ki varagi u paɗvunna vi Kristu.

ROMMA 15:32

Lini li wa na ni an tuɗ tew ha varagi ni u furira, Lona min wani an tuɗ koɗ tan varagiya.

ROMMA 16:25

Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi.

2 KORINTNA 1:15

An tin hurun ay ana an hin tuɗ ha egegiya, kay agi hin mba fagi oora.

2 KORINTNA 1:21

Namma taɓaygi u agi lay iiri hu Kristu tiniygi kay taygi zeɗ zeɗ ni namu.

2 KORINTNA 11:4

Lin sana mba egegiya di boy kay Yesu ma daŋŋa ka ma ami dagi kammaɗi ni, agi hini tok a fi ŋgussa daŋga u boy ma daŋŋa zeɗ u Boy ma Ayra ma agi fam funumina.

2 KORINTNA 9:14

Asi hin cen kagiya kay min magira ŋgolla, kay oora vi Lona ta mbuɗ mbuɗta nam laɗ kagira.

FILIPINA 1:8

Lona wi ana an di ana an minigi halaŋ ni gasi u minda ŋgolla vi Yesu Kristu.

FILIPINA 2:26

Nam saa a min tuɗ a wagi ki halaŋ, nam yam ka vi coco tuwa kay agi hum ana nam ka tuguɗiyo.

FILIPINA 4:1

Gorsenna agi suu maygi vanna, agi mbuɗun hurun furira ni agiya, ni kay ndaɗta an ŋga tan kagiya banayanna, kakagi saɓak hu iiri magira hu Bu Suuna.

1 TESALONIKŊA 3:13

Ko nam soogi hurugi a lak bay cora teteɗ fok Lona Buya, a juɓ mbara vi Bu Suuna mayna Yesu u suu mam suu teteɗna halaŋ.

1 TESALONIKŊA 3:2

Ami sunumi wayamina Timote ma li sunda vi Lona u amina, kay a di Boy ma Ayra ki kay Kristu. Ami sunugina ha ni kay a nam gaɗagi, soogi hurugi kay viigira.

2 TESALONIKŊA 2:17

Nam oyogi hurugi u soo huna, ɦagi saɓakŋa a li u dla mayra jivira, u sunda, u boyna lay.

2 TESALONIKŊA 3:3

Na may Bu Suuna ɗegee, njun ugiya, ɦagi saɓakŋa, gologi ko Sa ma Cona.

HEBRENA 13:9

Viɗigi tagi ki u gaɗta daŋga vi suuna zeɗ zeɗtaɗi. A jivira ni sooygi huruygi u oora vi Lona, ka u gaɗta kay tlesuu tiraɗi, suu njun tasi u gaɗ ndaɗtana ka fi va huɗi.

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

1 PIYER 5:12

An ɓiirigi goo magaara ha ew ha ko wayaygina Silas ma ɗegeena. An min ɦagi saɓakŋa kay oora vi Lona ta gasira lakagi en u oo ndaɗta.

2 PIYER 1:12

Ni kay ndaɗta an gagi humugi kay tle asina an wi kan ana agi wi tle asina ki wa da lay, ni agi kakagi eŋ kay gasi mayra agi faɗ ay ndaɗta.