ROMMA 1:1 - Boy Lonana

¹ Ni an Pol sa sunda vi Yesu Kristu, Lona yanu, manan a sa vovoɗta kay a dam Boy mam ma Ayra kiyo.

ROMMA 1:1 ပူးပေါင်းရင်းမြစ်များ

1 DLAŊ MULINARA 23:13

Goryoŋ Amramma ni Aaron u Moiz. Aaron hinim ki keŋ kay tam a li sunda hu li ma ki teteɗna. Nam u goryom a fafaɗta a tuɗ fok Yawe u mbul ma his jivina a sunum may, ɦal heɓpa u sem a fafaɗta.

EZAYI 49:1

Humungi vunun haa agi suu kay daarna, humugi haa agi suu ha ki dayna. Yawe yan ay ni hu li ma an ka huu sun tuna day. Ay bay vuɗ ki tu lay ni, nam yan ana zoŋ mamma.

JEREMI 1:5

«Bay an laŋ ay hu suŋ tura ni an waŋu. Bay aŋ kal ay ki huruɗ tura ni an manaŋu. An mbuɗuŋ ki sa jok vun Lona maŋ suuna halaŋ.»

MARK 1:14

Fat mayra asi vi Jaŋ ma mbus batemma maŋ suunana daŋgayna ni, Yesu tuɗ Galile gaw, ɓak Boy ma Ayra vi Lonna.

Boy Ma Ayra Ma JAŊ Ɓiirimma 12:26

Sa li a lan sun manda ni sa namma tuɗ ay kay cerenu, na may ni, saan ma sunda hin tuɗ ni hu li ma an huna may. Bun hin geleɗ sa ma sununna.»

Boy Ma Ayra Ma JAŊ Ɓiirimma 15:15

An ka yagi a suu sunda oloɗi, kay sa sunda ka wi va ma malamma lammaɗi. An yagi ana banayanna kayme an takagi tlege suu an fasi ay vi Buna ki bel.

Boy Ma Ayra Ma JAŊ Ɓiirimma 15:20

Gagi humugi kay va ma an dagina na, sa ma li sun ma su malamma kaɗi. Asi lasan wa ni, hin lasagi may. Asi vi u haɗ manda wa ni, hin vi u magira na may.

SUNDA 13:9

Sol ma yam ana Polna, hurum oyra u Musuk Lonara ŋgaras irim kam ŋgaras.

SUNDA 20:24

Ni iiri manda an ka ŋgaaɗ a vama kay tanɗi, ni an tuɗ fok u ayra gak gak a daɓ voɗta u vun sun manda, ta Bu Suuna Yesu ɦandara kay a di ki kay Boy ma Ayra u oora vi Lona.

SUNDA 21:40

Sa ma ŋgol asgaana hinim voɗta. Ta ɗaŋŋi Pol col kolo kay vun zira mbuyra ko kom ana suuna seŋŋa. Vunna seŋ selewen ɗaŋŋi, Pol gijaŋ ɓakasi boyna u vun Arameenna.

SUNDA 22:21

Bu Suuna dan ana, Tuɗa, an min sunuŋ hu li ma dayna eg suu ka njaf suu Juifnaɗina.»

SUNDA 22:7

An ndi kaŋga hum della dan ay ana, Sol, Sol, aŋ lasan na ni kay mege?

SUNDA 26:1

Agripa di Pol ana, «Voɗta ka kay aŋ a di boy maŋŋa.» Pol maɗ kom ki, di ki kay boy mamma ana,

SUNDA 26:14

Ami halaŋ puk kaŋga bel, an hum della dan ay u vun Arameenna ana, Sol, Sol, aŋ lasan na ni kay mege? Aŋ li cora egen ko mbutli suu zumma njaɗ maliyasina ko njewɗekkara na amege?

SUNDA 27:23

Hu njeŋgera wanni sa sunda vi Lona ma an sunumma mba egenu.

SUNDA 9:15

Bu Suuna dam ana, «Tuɗa, an man sa namma ni ko vaan ma sunda na a takan sen ki maŋ njaf suu daŋŋa, maŋ muli masisina u suu Israelna.

ROMMA 1:16

An ka li zolo kay Boy ma Ayraɗi, nammi saɓak Lonna kay suɗ gegelay ma tin hurumma, ay jewni suu Juifna, hinni maŋ suuna halaŋ may.

ROMMA 1:5

U namu, ami fi oora vi Lona, yami a suu vovoɗta kay geleɗ Kristu a mbaa suuna ay halaŋ kay vi umu, hum u gaɗ mamba lay.

ROMMA 1:9

Lona wi ana an di ni gasira, an sunummi nam Lona kay di Boy ma Ayra kay Goomma ki u hurun halaŋ nam wi ana an ka saa kagi tew tew.

ROMMA 11:13

An dagi ha ni magi agi suu ka njaf suu Juifnaɗina, anni sa ma vovoɗta ma gam ay maŋ njaf suu ka Juifnaɗina, kay sun man ndaɗta an li furira kaɗu.

ROMMA 15:16

Kay a kak sa sunda vi Yesu Kristu kay njaf suu ka Juifnaɗina, an lini u sunda ɦanda a di Boy ma Ayra vi Lona kira, kay a njaf suu daŋŋa mbuɗ ki va ma jivi ma Lona furi kamma, mbuɗ ki suu mam suu ndakina u saɓakŋa vi Musuk Lonara.

ROMMA 15:29

An wi ana an hin tew ki varagi u paɗvunna vi Kristu.

ROMMA 16:18

Kay suu ko asi nana ka sun ni Kristu Bu Suunaɗi, asi sun ni hayasi taɗta gaw u boy masi ma jivina u ɓak masi ma fiyek ma gan yamba, asi ɓeŋŋi ŋgus suu u dla ka irisiɗina ɦawaa.

ROMMA 16:25

Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi.

1 KORINTNA 1:1

Ni an Pol ma Lona u min mamba yan a sa vovoɗta vi Yesu Kristu, u wayayna Sosten.

1 KORINTNA 9:1

An ka ki buɗiɗi su? An ni ka sa vovoɗta vi Lonaɗi su? An wi Yesu Bu Suuna may naɗi su? Agi ni vuɗ sun manda hu Bu Suunaɗi su?

2 KORINTNA 1:1

Ni an Pol sa vovoɗta vi Yesu Kristu u minda vi Lona, u wayayna Timote. Eg suu vi Kristuna, suu vi Lonna hu Korint u suu hin tasi ko Lona suu ka hu Gresna bel bel.

2 KORINTNA 11:5

An saa ana an ka kaɗaki duk suu vovoɗta suu ŋga tasi ana asi ni suu ŋgolonaɗi.

2 KORINTNA 11:7

Hu li ma an dagi Boy ma Ayra vi Lona an ɦagina ni ɦawaa, an hoŋ tan ki kaŋga kay a wulugi koloo, an li na ni co su?

2 KORINTNA 12:11

An ɓak ko an mbuɗ ki sa ma laɓana na agi ɦeɓenni agiya, lini nanagelay agi a njun kanni agiya lini an ni ɦawa lay an ka kaɗaki hu va duk suu magi suu vovoɗta suu ŋgolonaɗi.

2 KORINTNA 2:12

Hu li ma an tew Troas a di Boy ma Ayra vi Kristu, u oora vi Bu Suuna an fi voɗta a li sunda.

2 KORINTNA 4:5

Ami ka ɓak boyna ni kay tamira gawɗi, ami di boyna ni kay Yesu Kristu Bu Suuna, ami di kay tami ana ami ni suu sun masira kay sem Yesu.

GALATENA 1:1

Ni an Pol sa vovoɗta, manan ka ni suunaɗi, ka u saɗi lay, ni Yesu Kristu u Lona Buna ma colom ki kolo iiri duk suu miɗina.

EFESNA 1:1

Ni an Pol sa vovoɗta vi Yesu Kristu u minda vi Lona, maŋ suu vina vi Lona, [suu hu Efesna], suu taɓi u Yesu Kristu ɗegeena.

EFESNA 1:13

Agi tagira hu li ma agi humugi boy ma gasina ni Boy ma Ayra ma ɦagi suɗta agi hin vagi u Kristu. Lona ɓii sem ay kagi u ɦala nam ɦagi Musuk mamba nam di kaɗta.

EFESNA 4:11

Sa ma ɦal ɦala maŋ suunana suu ɦiw nam ɦasi a suu vovoɗta, suu hiŋŋa a suu jok vun Lona, suu ɦiw a suu di Boy ma Ayra, suu ɦiw a suu pastergina, u suu haɗ suuna.

GA 8ATAMBARA 10:8

Yawe yow njaf suu vi Levina ki vay dasi zeɗ a zii Zandukka Galamba vi Yawera. Asi ni suu sun Yawena, suu vunna ki paɗi kasina, ni ko ndal asi ka li cemi wandara na may.

FILIPINA 1:1

Ni an Pol u Timote suu sunda vi Yesu Kristu. Magi agi suu vi Lonna halaŋ, suu vi u Yesu Kristu suu ka hu Filipina halaŋ, suu ka gol suu vi Lona u suu ka sunusina.

FILIPINA 2:11

Kay vun suuna halaŋ mba di ana, Yesu ni Bu Suuna, ŋgolla vi Lona Buna egemu.

KOLOSNA 1:1

Ni an Pol, u minda vi Lona, sa vovoɗta vi Yesu Kristu, u wayaygina Timote.

KOLOSNA 1:25

An mbuɗ ni sa sunda vi suu vi Kristuna, ni kay sunda Lona ɦanda a laɗ kagira, nam ɦan sunda a dam boy mamma ki u voɗomu.

1 TESALONIKŊA 2:2

Hu li ma suuna lasami ay hu Filipi ŋgulumi lay ko agi wira na, Lona hin njunumi ɦami ɦiŋga a dagi Boy mamma Ayra duk ciwayra vi suuna.

1 TESALONIKŊA 2:8

Kay minda ami minigira ami ɦagi ni ka Boy ma Ayra vi Lona holɗi, tami ki mini a ɦal iiri mamira ki kagiya.

1 TESALONIKŊA 2:9

Gorsenna agi wi lay sun mamira u las mamira ami laɗ njeŋge lay, faali lay, ka a tin nek mamira kay saɗi. Ami dagi ni Boy ma Ayra vi Lona.

1 TIMOTE 1:1

Ni an Pol sa vovoɗta vi Yesu Kristu, u gaɗta vi Lona ma suɗuygina u Yesu Kristu ma ay ka juɓumma.

1 TIMOTE 2:7

Ni kay ndaɗta nam van ki a sa di boyna a sa vovoɗta, kay a haɗ suu ka njaf suu Juifnaɗina kay vira u gasira, an ka kaboyɗi, di ni gasira.

2 TIMOTE 1:11

Lona tinin a an di Boy ma Ayra namma kiyo an ni sa vovoɗta a haɗ suuna may.

TITTA 1:1

Ni an Pol ma sun Lona, sa vovoɗta vi Yesu Kristuna. Lona yan kay a mbaa suu nam manasi kina hu vira, kay a takasi gasi mayra viiygira haɗata,

HEBRENA 5:4

Sana ka ndak a tli ŋgolla mul ŋgol ma li ɓivunna kay tambi. Sana mbuɗ na ni yammi Lona ko Aaron na.

HEBRENA 7:26

Yesu ni mul ŋgol maygi ma li ɓivunna ma aygi vi umma. Nam sa ma teteɗ ma bay cora egemma, cora na nde lay ka egembi, duk ɦoŋom taɓ ka u coraɗi, tlam ha ki kolo huulona ma dayna.

Magaara JAK Ɓiiriɗta 1:1

Ni an, Jak, sa ma sun Lona u Bu Suuna Yesu Kristuna. An gi deɓpa maŋ njaf suu doogo yam mba suu vi Lona suu njay ki kay ndaŋgara bel belna.

1 PIYER 4:17

Lina ndak wa a ɓak ma vi Lonna gijaŋŋa, nam gijaŋŋa jewni u suu vi Lonna, lini nam gijaŋŋa jew ni u aygiya hin daɓ ha ki u suu bay vi u Boy ma Ayra vi Lona ni ɓak masina hin lini ko menage?

2 PIYER 1:1

Ni Simon Piyer sa ma sunda ma vovoɗta vi Yesu Kristu. Maŋ suu may suu fi vira dlaɗ ŋgol ko ami na mayra u ɗegeera vi Lona u Sa Suɗta Yesu Kristu.

Magaara JUD Ɓiiriɗta 1:1

Ni an Jud, sa ma sun Yesu Kristuna, ma wayaŋ Jakŋa, An ɓiirigi magaara ha ni magi agi suu Lona yagina, minigi may, nam cukugi kini maŋ Yesu Kristu.

WIRA ŊGAYRA 1:1

Hu magaa ndaɗta tak ki dlara li ayra, Yesu Kristu hin takaɗ kira. Lona ɦamba ana nam takaɗ ki maŋ suu mam suu sunda kay va ma hin mbayna. Kristu sun sa sunda huulona ha sunni, tuɗ takaɗ ki maŋ saam ma sunda Jaŋ.

WIRA ŊGAYRA 22:6

Ŋgoo dagan sa sunda huulona danu, «Boy namma ni gasi a sa tin hurum kamu. Bu Suuna Lona ma ɦal Musuk mamba maŋ suu jokom vunumma, sun saam ma sunda huulona tak suu sunumma ki kay dlara hin mbayra.»

WIRA ŊGAYRA 22:9

Nam dan ana, «Ka naɗi, anni sa sunda ko aŋ na may, ko gorseŋ suu jok vun Lona u suu hum u boy ma ɓiiri hu magaa ndaɗta na may. Cen ni Lona.»