NEHEMI 9:6 - Boy Lonana

⁶ «Aŋŋi Yawe dew u dew taŋga. Aŋŋi sa li huulona ma kolo huulonana u asgaa mamsina halaŋ, ndaŋgara u tlesuu kaɗna halaŋ, lum ma ŋgolna u tlesuu hurumma bel. Aŋŋi sa ma ɦasi iirira hurusi halaŋŋa, asgari suu huulonana goɓmi kaŋga fokoŋu.

NEHEMI 9:6 ပူးပေါင်းရင်းမြစ်များ

URA TIN AYRA 1:1

Lona gijaŋŋa ay jewni li huulona, li ndaŋgara.

URA TIN AYRA 1:9

Lona di olo ana, «Mbo ma kaŋgana tok ki hu lina dew, kay yam ndaŋgara tak ki kiɗiki!» ndaɗ hin li na gaw may.

URA TIN AYRA 2:1

Tlesuu kolo huulona, ndaŋgara u tlesuu kaɗna halaŋ li ay ni na.

URA TIN AYRA 32:2

Yakob gi tam hu voɗ mamba a tuɗta may ni suu sunda huulona ŋgaf u namu.

1 MULINA 22:19

Mise hoŋ di hu olo ana, «Jiviya, aŋ hum boy ma Yawe damma haa. An wi Yawe kaki kay dlam mamba. Suu duu suu huulonana coli kolo u sesi egemu, kay bikim njuf may, bik gulu may.

1 MULINA 8:27

Na ni gasi, Lona ndak a kak kay ndaŋgara tani su? Huulona tamba halaŋ ka ndak a kakaŋgi lay ni ko goo zira an miniɗ wanda su?

2 MULINA 19:15

Gijaŋ cenda fok Yawe di ana, «Yawe, Lona vi suu Israelna, aŋ ma ka kaki kolo kay Serubimma, aŋ dew ni Lona vi muli suu ka kay ndaŋgarna bel bel, kay aŋŋi sa ma li huulona u ndaŋgarana.

2 MULINA 19:19

May, aŋ Yawe, Loomina, suɗumi ki ko Senakerib, ni mulla kay yam ndaŋgara zeɗ zeɗ halaŋ hin wi ki ana Yawe dew a Lona ni namu.»

NEHEMI 9:5

Suu Levina, Yesua, Kadmiyel, Bani, Hasabneya, Serebiya, Hodiya, Sebaniya, Petahiya di ana, «Yowogi kolo gagi deɓpa maŋ Yawe, Loogina, ma ay hu fokka day a fafaɗtana. «Ko asi geleɗeŋ seŋ ma bibiŋilna, ma su ki kay ŋgara u geleɗta halaŋŋa.

SOOLLA 102:25

An di ana, «Loonna, tlan iiri manda duk bay buu manna ndaki.» Kay aŋŋi sa ma ka din dinna.

SOOLLA 103:21

Gagi deɓpa maŋ Yawe, agi suu duu mamsina, agi suu sunum suu ka li u min mambana.

SOOLLA 115:15

Yawe paɗ vunum ki kagiya, nammi sa ma li huulona u ndaŋgarana.

SOOLLA 124:8

Va ma njunuygina ni sem Yawe, ma li huulona li ndaŋgarana lay.

SOOLLA 146:6

Nammi sa ma li huulona u ndaŋgarana, li mbo lum ŋgolna u tlesuu dukumma halaŋ, nammi ma din dinna, ni ma ka gol gasirana.

SOOLLA 24:10

Mul ma bibiŋil namma ni gege? Ni Yawe ma Saɓakŋa Kom Belna, nammi mul ma bibiŋilna.

SOOLLA 33:6

Yawe li huulona ni u boy mamma, u tlesuu huulona halaŋŋi u Musuk ma kal ay ki funumma.

SOOLLA 36:6

Yawe, jivi maŋga tew ta ta huulona, ɗegee maŋga tew ta ta eg ɗugulla.

SOOLLA 86:10

Kay aŋŋi ŋgolo, aŋ li dlara mbuɗ mbuɗta, aŋ a Lona ni aŋ dew daŋ.

EZAYI 37:16

«Yawe, ma Saɓakŋa Kom Belna, Lona vi suu Israelna, aŋŋi ma ay kolo kay Serubim, saaŋ ma sundana, aŋ dew ni lo ma kolo kay muli suu kay ndaŋgara halaŋŋa. Aŋ li huulona u ndaŋgara ni aŋ lay.

EZAYI 37:20

Na may ni aŋ, Yawe, Loomina, suɗumi ki ko sa namma kay a mulla kay yam mbassa halaŋ wi ki ana aŋ dew ni Yawe.»

EZAYI 43:10

Yawe di ana, agi suu Israelna agi ni suu diki kanna, agi ni suu man suu an managina, a agi wan kiyo, tin hurugi kanu. Agi wi ki ana, anni an daŋ may. Sa ŋgol suun ay ka jewɗi, ŋgoron dagan lay sa ma suun kaɗi.

EZAYI 44:6

Yawe mul ma vi suu Israelna di ana, nammi sa ma buɗusi ay kina, Yawe ma Saɓakŋa Kom Belna, anni ma jewna, ni ma do daganna lay, ki ŋgoron dagan ni lo ma daŋ kadi.

EZAYI 44:8

Lagi ndaaɗi, dlak tagiɗi, boy namma An dagina ay ka ki fok jewɗi su? Agi ni suu wi dla ndaɗta ki a diki kannaɗi su? Gasi lo ma daŋ ma suun ka su? A gasira ni Ҥini ma daŋ ma an wam kaɗi.

EZAYI 45:12

Anni sa ma min ndaŋgarana, cuk tlesuu iirina kaɗ ni an lay. An li huulona kolo ni u bik kon lay. Suu kolo huulonna halaŋ an golosi, ɦasi gaɗta ni anu.

JEREMI 32:17

«Bu Suuna Yawe, aŋŋi sa li huulona u ndaŋgara lay u saɓak maŋ ma ŋgolnana. Aŋ ɦal saɓak maŋŋa kiyo, va ka kaŋ loɓbi.

EZEKIYEL 20:11

An ɦasi gaɗ manda takasi neenda ki halaŋ. Ne mayra sana a kak iiri uɗta lini nam li uɗu.

JONAS 1:9

Nam hoŋosi dira ana, «Anni sa ma Hebrena, an goɓmi Yawe, Lo ma Kolona, nammi sa ma li mbo lum ma ŋgolona u ndaŋgara halaŋ.»

Boy Ma Ayra Ma JAŊ Ɓiirimma 10:30

Bun may, an may, ami ni dew.»

SUNDA 4:24

Asi hum boy namma na ni suu vina halaŋ gijaŋ cen Lona ko tasi dew ana, «Mala Suuna aŋŋi sa ma li huulona lay, li ndaŋgara lay, li mbo lumma ŋgolona u tlesuu hurumma layna.

GA 8ATAMBARA 10:14

Na daŋ may Yawe Loogina huulona u huulona ma kolo dayna u ndaŋgara ni mamsina halaŋ, u tlesuu huruɗna halaŋ lay.

GA 8ATAMBARA 32:39

Na daŋ may gologiya ni anu, sa ma daŋ ay ka egenɗi, lo ma daŋ ka egenɗi. Anni sa ma ci sana kina, ni sa ma hin sana iirina lay. Lini an dag sana wa ni hin cilim mbilimmi an lay. Sa ma suɗ ki hu duk kon kaɗi.

GA 8ATAMBARA 6:4

Humugi haa agi suu Israelna, Yawe Looygina ni Yawe, nam dew daŋ.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

HEBRENA 1:6

Hu li ma Lona a sun Gorom ma dewna ay kaŋgara wanni nam di ana, «Suu sunda huulona halaŋŋi hin goɓ kaŋga fokomu.»

WIRA ŊGAYRA 14:7

Nam di u delem eŋga ana, «Lagi ndaa Lona, geleɗemu, kay lina ŋga wa a nam a kaɓakŋa kay suuna, cenegi sa ma li huulona, li ndaŋgara, li mbo lumma ŋgolna u yo ma cira.»

WIRA ŊGAYRA 4:11

«Bu Suuna mamina, Loomina, aŋ ndaki a sa ɦaŋ ŋgolla maŋu, geleɗeŋu, saɓakŋa lay ni maŋ bel. Kay aŋ min tlena halaŋŋi aŋu, tlena halaŋ ka iiri ni u min maŋga.»