NEHEMI 9:37 - Boy Lonana

³⁷ Vuɗ tlesuu ŋgol coco asina ki ni maŋ muli suu aŋ tinisi kamina, ni kay suluk mamina. Asi ti mulla kay tamira lay kay yoori mamisina lay ko hurusi minda na, ami tamira ki ni hu hahawra ŋgolla.»

NEHEMI 9:37 ပူးပေါင်းရင်းမြစ်များ

GA 8ATAMBARA 28:33

Wa ma agi horokomma u vuɗ tlegeyegi suu agi zaarasina halaŋ hin tasi ki ni suu agi ka wasiɗina. Agi ka fi saɓak ma a yow va ay vi suu daŋŋa na ɗow ni kaɗi.

GA 8ATAMBARA 28:48

Agi hin sunni suu babali magi suu Yawe Loogina sunugisina ay u mayra, tara siilira u haw tlena halaŋ. Asi hin gagi jugna kelegi ta ta asi daɓagi kiyo.

EZDRAS 7:24

Olo, ami takagi dlara agi wi ki ana sa dew lay duk suu li ɓivunna, duk suu Levina, duk suu gi soolla, duk suu kak fun zira, suu li sunda u suu sunda hu Ziŋ Lona ndaɗtana ka vasi taara u lempora kosiɗi, warak ma kay voɗtanaɗi lay.

Boy Ma Ayra Ma JAŊ Ɓiirimma 8:33

Asi hoŋom dira ana, «Ami ni goryoŋ Abrahamma, ami ay ka jew gorgomi vi saɗi. Aŋ hin ana ami mbuɗ ki suu vuɗina ni nanage?»

NEHEMI 5:8

An dasi ana, «Ami u tamira hoŋ gorsemi suu Juif suu gususi ha ki ko suunana ay ki gussa u saɓakami halaŋ. Na may ni agi tagira agi gusugi gorsegina kiyo. Agi gususi ki ni komi ami gaw may.» Asi seŋ vunusi na selewen ka fi va ma hoŋ dira oloɗi.

EZDRAS 6:8

Gola ni dlaanda an daɗ ha agi hin laɗ u suu basi suu juifna a min Ziŋ Lonara ni u begera vi mulnara u taara col ay hu ɦoŋzi ma keŋ lum ma Efratna u fiɗigina hin bas ki kay suu asina u voɗoɗu ka seŋ dukgi.

EZDRAS 4:13

Cecem wanda asi ndak a tak ki maŋ mulna ana lini ɦoŋzi namma hoŋ ki minda wa, gulumun ma kamma col ki kolowa may ni, asi hin ka ɦal taaraɗi lay, warak kay voɗtaɗi lay. Dla ndaɗta hin mba kay mulna ni boy cona.

GA 8ATAMBARA 28:51

Asi hin tagi ki ni waagina u yoori magisina ta ta hu li ma agi daɓ kina, asi ka hinigi u waaginaɗi lay, ka hinigi sum veŋ maginaɗi lay, hinigi mbulnaɗi lay, dogoni mbutli suu mbiira u dogoni timigii magisina halaŋ, ta ta asi njayagi ki tuwa.

GA 8ATAMBARA 28:39

Agi zaa gugutluna horokom um ki jivi lay, may agi ka a cam sumumbi. Agi ka feɗ va ay hu sene nammaɗi lay kay njufulna ti tlena ki halaŋ.

DLAŊ LEVIRA 26:17

An hin pereɗ zagaɗan magiya, suu babali magisina hin cagiya, suu gonok magisina hin lak a mulina kagiya. Agi hin yow liŋŋa ni bay sa ma dikigi ugi lay.

YOORA 5:5

Asi ni kay duk ceremiya, ami ki lasiya. Ami ki loɓiya, koɗ tara ka kamiɗi.