NEHEMI 9:16 - Boy Lonana

¹⁶ «Na may asi u somoyomi ŋga tasiya, so delesi ki eŋga ŋgiriŋ ŋgiriŋ humuŋ gaɗ maŋga kaɗi.

NEHEMI 9:16 ပူးပေါင်းရင်းမြစ်များ

NEHEMI 9:29

Aŋ neesi ana asi hoŋ ay eg gaɗ maŋga lay ni. Asi u yasira eŋga li ni dlaasira, ka hum u gaɗ maŋgaɗi. Asi li sulukŋa eg gaɗ maŋga, sana ndak a li uɗ hin kak iirira. Asi yow jiirisiki kolo na heeŋ, so delesi ki may, ka min humbi.

HEBRENA 3:15

Gologiya va ma magaara damma anaba, «Lini agi hum del Lona karam wa ni, ŋgelegi humugi ki ko agi ŋgelegi humugi hu buu ma agi duu u Lonara naɗi.»

ROMMA 2:5

Aŋ sa ma huruŋ cona ka min a jok huruŋ zeɗɗi, ni kay ndaɗta aŋ tok ɓak ma ŋgolna kaŋ wa, falira Lona hin a kaɓak mamma ɗegeena.

NEHEMI 9:10

Aŋ li dlara, tak dlara mbuɗ mbuɗta eg Faraw, eg suu mam suu li sunda, eg suu hu mbas mambana halaŋ kay aŋ wi ana u ŋga ta masira asi lasasiya, aŋ yi semma kaŋŋi ko ma wam karamma na.

GA 8ATAMBARA 31:27

Kay an wagi dlaagira cora u yagira eŋga. Cemi hu li ma an ka dukugi iiri tuna, agi li ɦonira u Yawe ɗow ɦakŋi, hu li ma an kaɗina hin li ka ŋgooron dagan ni nanage?

HEBRENA 3:13

Ni na ɗow ana gaɗ tagi duk tagi hu buuna tew tew, ay jew day day lay karam lay magaara ka daygiya sa ma dukugi mba ganyam tam a cora mba ŋgelem humum kiɗi.

SUNDA 7:51

«Agi suu yagi kaɗina, njun hurugiya, ŋgel humugi ki kay yira vi Lona. Tew tew ni agi ka hum vun Musuk Lonaraɗi, ko somoyogi na may.

JEREMI 19:15

Na ɗaŋŋi Yawe, ma Saɓakŋa Kom Belna, Lona vi Israel ɓak anaba, an hin mbaa suuna ay kay ɦoŋzi namma, kay suu ŋguy kamma lay dla cora an min a laɗ egesira kay ana asi so delesi kiyo, ka min humun boy mannaɗi.

JEREMI 2:31

Agi suu wara, suu cecem wanna, humugi boy ma vi Yawena. An mbuɗ ki ni fulla vi Israella su? Mbas mayra ndufun ilik ilikka su? Ni kay me suu mansina di ana, «Tuɗuygi hu li ma aygi minimma, ami ka hoŋ ay egeŋ oloɗi ni ge»?

EZAYI 63:10

Asi ay may ni ka hum u dlara nam daɗtaɗi, asi mbuɗum Musuk mamba teteɗta yoora. Kay ndaɗta nam mbuɗ hurumu, mbuɗ ay a sa ma duurusina nam duu ay u asi ni namu.

EZAYI 48:18

Lini agi hum ay u gaɗ manda ni, heɓpa li kagi ni ko ndal mbo lumma na. Ɗegee magira tak ki ni ko mbo ma ɓatna na.

EZAYI 48:4

An wi ana agi yagi eŋ cocoo, delegi ki sooyra ko ndal kawina na. Vogogi eŋga ko kawi ma tlawna na.

VUN ŊGOLNA 29:1

Sa ma so yam ki na so ka hum gaɗta vi saɗina, hin pukŋi cemcem, ka col oloɗi lay.

SOOLLA 106:6

Ami halaŋŋi ko somoyomi na may, lami cora egeŋu, ami hiniŋ voɗ maŋga kiyo, ami mbuɗ ki ni suu cona.

SOOLLA 81:8

Hu li ma aŋ ka yi kolo kay lassa an buɗuŋ ki wa, an hoŋoŋ dira ay ki ŋgay gumun wa, an tukuŋ ay u dlara tok eg mbo ma Meribana.

2 DLAŊ MULINARA 36:13

Mulna Nabukodonosor suu tam fokommi u sem Lona. Na may Sedesiyas hin mbuɗ a sa ma babalira u namma. Nam so yam ki ni ka min a hoŋ ay eg Yawe, Lona vi suu Israelnaɗi.

2 DLAŊ MULINARA 30:8

«Cem wanda soogi yagi ki ko ndal somoyogi na oloɗi. Baaragi kogi fok Yawe. Mbaagi ay hu ziim ma nam mbuɗum ki teteɗ a fafaɗta wanna. Sunugi Yawe, Loogina, kay a nam vaɗ hurum ma ɓeŋina ki egegiya.

2 MULINA 17:14

Na may asi humun vunun kaɗi. Asi so yasi ki eŋga ko somoyosi lira na olo, tin hurusi ay ka kay Yawe Loosinaɗi.

GA 8ATAMBARA 32:15

Suu mamsina ɦis ki wa, mbuɗ ki suu gonokka, asi ɗoo ki wa, ndi ki mbala cocoo, noy Lona ma lasina kiyo, mbuɗ sa ma njun kasi ma suɗusi kina ki zolona.

GA 8ATAMBARA 9:27

Humuŋ mba gaŋ kay suu sun maŋsina, Abraham, Isaak u Yakob. Caa yaŋ kay bay vira u cora vi suu asinaɗi.

GA 8ATAMBARA 9:13

Yawe dan ana, «An wi suu asina, asi ni suu yasi eŋ cocona.

GA 8ATAMBARA 9:6

Agi wi ki ana Yawe Loogina ɦagi mbassa jivi ndaɗta ki ni ka ana agi ɗegee a su suu hiniŋŋa naɗi. Kay agi lay ni suu yagi eŋ cocona.

GA 8ATAMBARA 5:29

Lini asi min gasi a lan ndaaranu, a li u gaɗ manda hu buuna tew tew may ni, kay jivi masira kay goryosi lay ha na gak gak.

KALKIRA 32:9

Yawe hin di Moiz ana, «An wi suu asina wa, asi ni suu yasi eŋ cocona.

KALKIRA 15:26

Nam dasi ana, «Anni Yawe, Loogina. Lini agi hum unu, lini agi li dlara an miniɗta, lini agi vi u gaɗ manda halaŋŋi, an ka tinigi tuguɗira an tiniɗ ay kay suu Egiptena wanda kagiɗi. Kay anni Yawe ma garaɗagi kina.»

JEREMI 7:26

Na may asi humun kaɗi. Asi tin humusi kaɗi, asi so yasi kiyo. Asi ki suluk su somoyosiya.

EZEKIYEL 5:6

Cemi ni Yerusalem hin ci wayra u dlara an daɗta. Li dla cora su njaf suu may suu ɦawana, ŋgelen gaɗ manda su mbassa daŋga ŋguy kaɗta. Asi hinin dlara an daɗta kiyo, tuɗ ka u gaɗ manda ɗegeeɗi.

2 DLAŊ MULINARA 29:6

Kay somoyoygi ay ka ɗegee ii Lonaɗi. Asi li dla cora ii Yawe Looygina cocoo. Asi noyom kiyo. Asi ɦal ŋgorosi maŋ Ziŋ Lonara, hin Yawe kiyo.