NEHEMI 9:15 - Boy Lonana

¹⁵ Aŋ ɦasi a tiisina ni mappa ma ay kolo huulonana. Aŋ ɦasi a asi ci kay laa masira ni yo ma ɓaɗ ay ki duk ɦinirana. Aŋ dasi ana asi mbay tli mbas mayra aŋ tli koŋ ki kolo suu taŋ ki kaɗ ana aŋ ɦasirara.

NEHEMI 9:15 ပူးပေါင်းရင်းမြစ်များ

GA 8ATAMBARA 1:8

Gola an ɦagi mbas ndaɗta wa, cukugi huwa, tuɗ lakagi hu mbassa Yawe vi vunum a haɗ maŋ somoyogira, maŋ Abraham, maŋ Isaak, maŋ Yakob u njafasi halaŋ ka ŋgorosi daganda.»

KALKIRA 17:6

An hin col ha fokoŋ kay Ҥinira Horebba may. Aŋ tuɗ waɗ ɦinira, mbona hin sel ay kiyo, suu Israelna hin ciya.» Moiz li na fok suu ŋgolo suu Israelna halaŋ.

KALKIRA 16:4

Yawe di Moiz ana, «Ay kolo huulona day an min sagi funa ay kaŋgaa. Hu buuna halaŋ suuna cuk ki a nda hal ti ma asi tam hu buuna tew tewna kay an a tukusi kay a wi ki ana asi ka tuɗ u gaɗ manda ɗowba ɦawa sura?

EZEKIYEL 20:15

An hin suu tan fokosi tli kon kolo ŋgoo bagi hu fulla olo ana, an ka ndak a cukusi hu ndaŋgara law gi mbiira u mbul yumma oloɗi, mbassa seɗ tii ki su ndaryaɗna bella.

SOOLLA 114:8

nam sa ma mbuɗ gogoyra ki li ma mbona. Mbuɗ li ma deblekŋa ki mbo ma cira.

GA 8ATAMBARA 8:3

Nam gagi ki hawra, nam ndagi ki mayra, hin ɦagi manna a tira, fu ma agi u somoyogi lay tam ka dewɗina. Ni kay a takagi ki ana sana kak iirira ni ka kay funa dewɗi, may nam kak iirira ni kay boy ma kal ay ki fun Yawena halaŋ.

NEHEMI 9:20

Aŋ ɦasi saa maŋga jivira a asi ɓorow ii tlena kira. Aŋ doorosi fu man maŋŋa ka ki funusiɗi. Aŋ ɦasi yona a asi ci kay laa masira.

GA 8ATAMBARA 1:21

Gola Yawe Loogina ɦagi mbas ndaɗta wa, tuɗugi kolo ii lakagi huwa, ko Yawe Lo ma vi somoyogina dagira na, lagi ndaaɗi, hin tagi a asi su kagiɗi.»

NDUMBA 14:30

An yi va ki kan ana agi ka hin cuk hu mbassa an vi vunum kad a ɦaɗ maŋ somoyogiraɗi, suu hin cuk huna ni Kaleb ma goŋ Yefunna u Josuwe ma goŋ Nunna doy hol.

URA TIN AYRA 14:22

Abram hoŋ dira maŋ mul ma Sodomma ana, «An tli kon kolo suu tan fok Yawe, Lo ma Kolona ma li huulona u ndaŋgarana,

KALKIRA 6:8

«An hin tuɗugi ki hu mbassa an suu tan ɦaɗ maŋ Abraham, maŋ Isaak, maŋ Yakobpa. An hin ɦagira ni magiya, ni An Yawe».

KALKIRA 17:3

Hu li namma suuna laara casi cocoo, suu Israelna gurni eg Moiz ana, «Aŋ a cukumi ay ki hu Egipte ni kay mege? Hin a laɓami ki u laara, ami lay, goryomi lay, yoori mamisina lay ni amege?»

EZAYI 48:21

Hu li ma nam cukusi ay ki ŋgoo bagi hu fulla ni laa casi ka voɗɗi lay, nam lawasi mbona ay ki duk ɦinira. Na daŋ may, nam wak ɦinira kiyo, mbona ɓaɗ ay ki huwa.

JEREMI 32:23

Asi tuɗ hu mbas ndaɗta hin kak huruɗu. Na may asi humuŋ deleŋ kaɗi lay, gaɗ maŋga lay. Asi tuɗ ka uɗɗi. Asi min ka a li dlara aŋ dasi ana asi laɗuraɗi halaŋ. Ni kay ndaɗta aŋ mbaasi dla cora ay kasi halaŋŋi na.