NEHEMI 9:13 - Boy Lonana

¹³ Aŋ cuk seŋ ay ki kaŋga kay ɦinira Sinayra. Aŋ ɓakasi ay kolo hu huulona, aŋ ɦasi haɗta ɗegeera aya, gaɗta gasira, ɓiirisi boyna ay u dikira jivira.

NEHEMI 9:13 ပူးပေါင်းရင်းမြစ်များ

SOOLLA 119:160

Va ma jewna hu boy maŋŋa ni gasira, dla mayra ɗegee ta aŋ daɗta halaŋ ka ni na din din.

KALKIRA 20:1

Lona njaɗ boy mamma halaŋ di ana,

KALKIRA 19:11

Hu buu ma hindina ni asi juɓa, kay hu buu ma hindina ni Yawe hin cuk ay ga kay yam ɦinira ii suuna halaŋ.

ROMMA 7:16

Lini va ma an lamma an ka minɗi ni, an wi ana gaɗta ni jiviya.

HABAKUK 3:3

Lona col ay hu Teman, ma teteɗna ay kolo kay ɦinira Paranda. Bibiŋil mamba oy huulona, geleɗta geleɗemba oy yam ndaŋgara.

EZAYI 64:3

Fok jew ni aŋ li dlara mbuɗ mbuɗta sa waŋ kaɗi, Lo ma daŋ ko aŋ na kaɗi, aŋ li ko ndaɗta na kay suu may suu ka tin saa masira kaŋŋa.

EZAYI 64:1

Aŋŋi ko ndal kura zak usuna kira na, ko kura zal mbona kira na, aŋ hin tak taŋ ki ii suu babali maŋsina ana, aŋŋi Lona, njaf suuna halaŋ mbuɗ ki ndaana koŋu.

SOOLLA 119:137

Yawe aŋŋi sa ma ɗegeena, boy ma aŋ damma nam ɗegee lay.

GA 8ATAMBARA 33:2

Nam di ana, Yawe mbay kolo kay ɦinira Sinayra ni magiya, nam tak tam ki hu mbassa Seirra, nam weleɗ ay kolo day kay ɦinira Paran. Nam mbay hu Meriba, hu Kades, u suu mam suu teteɗna buɓ buɓ doogo.

GA 8ATAMBARA 5:4

Yawe ɓak ki u agi ni u vun tamba ay kolo kay ɦinira duk kura ŋgalla.

GA 8ATAMBARA 4:33

Sa hum dla kay suu daŋ dew ana loosina ɓak ay duk kura, suu asina hin laki iiri may ka su?

GA 8ATAMBARA 4:8

Ni suu bolow suu taara gaɗ masira a li ki ɗegee kora an haɗagira wanda nana ni suu taarage?

KALKIRA 20:22

Yawe di Moiz ana, «Aŋ tuɗ njaɗ suu Israelna ana, cemi agi wi ki ana an ɓakagi ay ni kolo huulona day.

KALKIRA 16:23

Nam dasi ana, «Ni na Yawe di ni na daŋ may. Kay vinni buu ma koɗ tara ni buu ma vi Yawena. Zalagi tlesuu agi min a zalasina, lagi tlesuu agi min a lasina. Suu kal ki ŋgolna tinisi kolo ta ta vin lay.»

GA 8ATAMBARA 4:36

Ay kolo huulona agi humum delemba ɓakŋa kiyo, ni a haɗagira, kay ndaŋgara tani nam takagi kura ŋgolla, ay duk ku ndaɗta agi humum delemba ɓakŋa.

SOOLLA 119:4

Aŋ tak gaɗ maŋga ki ni aŋu, kay a suuna goloɗ u jivira.

2 MULINA 17:37

Dlara nam min ana agi laɗura, gaɗ mamba u nera nam ɓiiriɗ ka ga hu magaara magira. Agi mba goloɗ jivi a li uɗ hu buuna halaŋ may. Agi ka lagi ndaa loogi suu ɦawanaɗi.

EZDRAS 7:6

Ezdras namma col ay ni hu Babilon. Nammi sa wi magaara ma ɦal tam ki kay gaɗta vi Moiz ta Yawe ɦaɗ ayra, Lo ma vi suu Israelna. Mulna ɦam tlesuu nam joɓosina halaŋ kay ana ko Yawe, Loomma ka kamu.