NEHEMI 9:10 - Boy Lonana

¹⁰ Aŋ li dlara, tak dlara mbuɗ mbuɗta eg Faraw, eg suu mam suu li sunda, eg suu hu mbas mambana halaŋ kay aŋ wi ana u ŋga ta masira asi lasasiya, aŋ yi semma kaŋŋi ko ma wam karamma na.

NEHEMI 9:10 ပူးပေါင်းရင်းမြစ်များ

NEHEMI 9:16

«Na may asi u somoyomi ŋga tasiya, so delesi ki eŋga ŋgiriŋ ŋgiriŋ humuŋ gaɗ maŋga kaɗi.

NEHEMI 9:29

Aŋ neesi ana asi hoŋ ay eg gaɗ maŋga lay ni. Asi u yasira eŋga li ni dlaasira, ka hum u gaɗ maŋgaɗi. Asi li sulukŋa eg gaɗ maŋga, sana ndak a li uɗ hin kak iirira. Asi yow jiirisiki kolo na heeŋ, so delesi ki may, ka min humbi.

SOOLLA 83:18

Asi mbuɗ ki zolona li ndaana tew tew, asi ba ha ki hu zolo masi namma.

KALKIRA 18:11

An wi ki gasi ana Yawe nam ŋgol su loogina hu njafasi lay halaŋ.»

KALKIRA 3:20

An hin maɗ kon kiyo, hin ci suu Egiptena u dlara mbuɗ mbuɗta zeɗ zeɗ ta an hin laɗ dukusira, ŋgoo dagan nam hin hinigi agi tuɗa.

KALKIRA 5:2

Faraw di ana, «Yawe namma nige a an humum vunum a hin suu Israelna tuɗ ki ŋgoo bagi nige? An ka wi Yawe nammaɗi. Kay ndaɗta an ka hin suu Israelna tuɗɗi.»

KALKIRA 7:1

Yawe di Moiz ana, «Gola, an coloŋ fok Farawni ko loomma na. Wayaŋŋa Aaronni a saaŋ ma jokon vunuŋ kina may.

KALKIRA 9:16

An hiniŋ iiri tu ni a takaŋ ki ni saɓak manna. Ni kay a sen tii ki kay yam mbassa halaŋ.

EZAYI 42:20

Aŋ wi tlena cocoo, tin yaŋ ka kasiɗi, humuŋ ki mali a humba, hin hum va kaɗi.

EZAYI 63:12

Nam ma saɓak mamma ka kay bik ko Moiz ma njufna, ma so mbo lumma ki voɗ suu mamsinana, ma tin sem ana, ma kak dindinna.

EZAYI 63:14

Ko ndal yoorina cuk ay ga hu huɗugumba hu li ma ti haɗna na, Musukka vi Yawe ɦasi koɗ tara. Aŋ tuɗ suu maŋsina hu li ma jivina ni ko ndaɗta na may. Ni kay a seŋ tii ha ki hu lina halaŋ.

JEREMI 32:20

Ay hu mbassa Egiptera, aŋ tak taŋ ki ni u dlara mbuɗ mbuɗta ta dlaaɗta ndaɗ min a daɗta ka cecemmi dukuygi lay, aŋ tin seŋ ki kay Israel lay hu duliyara lay. Dla ndaɗta aygi ka waɗ karam tu lay.

EZEKIYEL 20:9

Na may an hin li ka naɗi ni kay sen anu. Kay ana asi ka mbuɗ ki lalas ii njaf suu ɦawana suu asi cuki dukusi wannaɗi. An tak tan ki irisiya, ki duk njaf suu daŋŋa halaŋ. An cukusi ay ki hu mbassa Egiptera.

DANYEL 5:23

aŋ col yara kolo eg Bu Suuna ma kolo huulonana, tlesuu hu ziimbana yowosi ki ni iriŋu, aŋ taŋga u suu ŋgolo maŋsina lay, banayaŋ boyogina u boyogi suu suunda, agi cagi sum veŋŋa hu lay. Aŋ ɦal ŋgara ni maŋ loogi doonora u lorra u walakka u kawina, guna u gogoyra suu ka wiɗi lay, ka humbi lay, ka wi dlaɗɗi layna, nam Lona ma iiri maŋga ka hu duk komma, ma dlaaŋga halaŋŋi mambana aŋ ŋgaam kaɗi.

DANYEL 9:15

Cecem wanda Bu Suuna, Loomina, aŋ ma sel suu maŋsina ay ki hu mbassa Egiptera u koŋ ma saɓakŋa, ma seŋ fi ŋgara um ko aŋ karam gak ka wanda nana, ami ay jew ni suu sulukŋa, suu cona.

SUNDA 7:36

Moiz cuk suu Israelna ay ki hu Egipte ni namu. U lira nam li dlara mbuɗta u takka hu ndaŋga ndaɗta, duk mbo Lum ma Cerewna, ŋgoo bagi basara dok fiɗi.

ROMMA 9:17

Lona di maŋ Faraw, mul ma Egiptena, hu Boy ma Ɓiirina ana «An kakaŋ a mulna a takaŋ saɓak manna, a suuna kay ndaŋgara halaŋ mba wan sen kiyo.»

GA 8ATAMBARA 4:34

Ɗowba lo ma ɦawa maa tuk tam dew a mba duk suuna a tlasi ki a suu mamsina u takka ko wanda na ka su? Ma duu kay suu mamsina u bik kom u saɓakŋa li ndaana coco ko ndal Bu Suuna Loogina li ay kagi hu Egiptera na ka su?

GA 8ATAMBARA 7:19

Tukka ŋgol ndaɗta agi waɗ ay ni u ii tagira, dlara mbuɗ mbuɗta u takka daŋga zeɗ zeɗ. Humugi gagi kay ko Yawe ma saɓak cocona, Loogina hu li ma nam cukugi ay ki hu Egiptena. Ko ndaɗta na may Yawe Loogina hin li u suu bolow suu agi lasi ndaarasi wanna ni na may.

1 PIYER 5:5

Na may agi gorzoŋina humugi u suu ŋgolona, agi halaŋ cukugi lalamba kagiya kay a njun u tagiya tagiya. Kay ɓiira di ana, «Lona hurum ɓeŋ eg suu ŋga tasina, nam ɦal oo mamba maŋ suu hoŋ yasi gaana.»