NEHEMI 8:8 - Boy Lonana

⁸ Asi ndum ay hu magaara gaɗta vi Lonara ki na vala vala a suuna hum ki jivira, buɗ u tlesuu ndumusina ki maŋ suuna jivi may.

NEHEMI 8:8 ပူးပေါင်းရင်းမြစ်များ

SUNDA 28:23

Asi ŋga buuna duk tasi u Pol dew, hu buu namma wanni suuna mba bolow cocoo, fi Pol hu li ma nam buu huna. Col ay maɗii day gak gak fiɗigiya, Pol dasi boyna kiyo, nam dasi boyna kay Mul Lonara, hal a mbuɗusi hurusi u Yesu, li sunda u gaɗta vi Moizza u magaara vi suu jok vun Lona.

Boy Ma Ayra Ma LUK Ɓiirimma 24:45

Nam malasi yasi ki ni ana asi wi boy ma ɓiirina kiyo.

Boy Ma Ayra Ma LUK Ɓiirimma 24:32

Asi gijaŋ njaɗasi ana, «Mayra nam li ɓakay ay hu voɗta gaygi u boy ma ɓiirina kira ni, huruy ka ŋgalay ko kura naɗi su?»

Boy Ma Ayra Ma LUK Ɓiirimma 24:27

Ŋgoo daganda nam hin gasi u dlara ay ɓiiri kamba ki halaŋ, gijaŋŋa ay kay boy ma vi Moizna, hin jak ha kay dlara vi suu jok vun Lona halaŋ.

HABAKUK 2:2

Yawe hoŋon dira, nam dan ana, Ɓii dlara aŋ waɗta, buɗuɗ uɗ ki kolo hu magaara a suuna ndumuɗ ki na vala vala,

EZDRAS 4:18

Magaara ŋgolla agi sunumira ayra ami ndumuɗ ki fokon na vala vala.

NEHEMI 8:7

Yesua, Bani, Serebiya, Yamin, Akub, Sabetay, Hodiya, Maseya, Kelita, Azariya, Yozabad, Hanan, Pelaya, suu Levina buɗ u magaara gaɗta ki maŋ suuna, suuna hin colira hu li namma u sesiya.

NEHEMI 8:9

Na ɗaŋŋi Nehemi, mul ma ŋgolna, Ezdra, mul ma li ɓivun ma wi magaara gaɗta, u suu Levi suu buɗ u dlara ki suunana di suuna halaŋ ana, «Buu ma wanna hinim ki ni maŋ Yawe, Loogina. Lagi doonaɗi, tiirigiɗi.» Kay ana suuna hum boy ma hu magaara gaɗtana na ni, tii gaw gaw.

NEHEMI 8:12

Na ɗaŋŋi suuna halaŋ tuɗ ti may, ci may, yow ma asi hinimma ay may a li furira kay ana asi hum u boy ma asi buɗusina kina kiyo.

2 MULINA 23:2

Ŋgoo dagan nam tuɗ kolo hu Ziŋ Yawera u suu Yudana um halaŋ u suu cuki Yerusalemma lay. Muli suu li ɓivunna, suu jok vun Lona u suuna halaŋ suu ŋgolona u kemba. Nam ndumusi boy ma hu magaara gaɗta kay galamba vaɗ u Lonara ta faɗ ay hu Ziŋ Yawera ki fokosi halaŋ.

NEHEMI 9:3

Asi col kolo hu liisina hin ndum magaara gaɗta yow nus buuna ki duk fiɗi, gaɗta vi Yawe Loosinara, hu nus buu ma ki duk ɓorowi duk fiɗi ma hiŋŋa asi hom ki may hin goɓ kaŋga fok Yawe Loosina.

EZEKIYEL 46:10

Mulna kal ha kalafi ko tam u suuna dew, nam hin hoŋ ay ki bunsu ni ko tam u suuna dew may.