NEHEMI 8:3 - Boy Lonana

³ Nam ndum magaara ki hu li ma vun grek ma Yonana, col ay ŋgarpiira day ta ta ɓorow buuna ki duku, fok njufiina, boyogiina u suu ndaki a wi dlarana. Suuna halaŋ humusi tinira na tin a hum gaɗta ndumuɗta.

NEHEMI 8:3 ပူးပေါင်းရင်းမြစ်များ

WIRA ŊGAYRA 3:22

Lin sa ma humum ka huma, ni hum boy ma Musuk Lonara dam maŋ suu vi Kristuna jiviya.

WIRA ŊGAYRA 2:29

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya.

1 TESALONIKŊA 2:13

Kay ndaɗta ami gi deɓ Lona tew tew, kay agi vi boyna vi Lona ma ami daginana, ka ko boyna vi suuna naɗi, ni gasi ko nammi boyna vi Lona ma ka li sunda hurugi agi suu vina na.

SUNDA 28:23

Asi ŋga buuna duk tasi u Pol dew, hu buu namma wanni suuna mba bolow cocoo, fi Pol hu li ma nam buu huna. Col ay maɗii day gak gak fiɗigiya, Pol dasi boyna kiyo, nam dasi boyna kay Mul Lonara, hal a mbuɗusi hurusi u Yesu, li sunda u gaɗta vi Moizza u magaara vi suu jok vun Lona.

SUNDA 17:11

Suu asina saa masira jivi su suu Juif suu ay Tesalonikŋa. Asi vi Boy Lonana jivi coco ɦay. Hu buuna tew tew ni asi haɗ Boy ma Ɓiirina kay a wi ana boy ma Pol damma u voɗom su?

SUNDA 16:14

Cara duk boyogi suu asina dew seɗ ana Lidi, ndaɗ ay ni hu ɦoŋzina Tiyatir. Ndaɗ ni cara li paara u baraw ma tam ndoli tlawna, mba cen Lona. Ndaɗ kaki huma, Bu Suuna malaɗ huruɗ ki kay ndaɗ hum boy ma Pol damma.

SUNDA 15:21

Ay jew dayra suuna di boyna kay gaɗta vi Moizza hu ɦoŋzi ma ŋgolona halaŋ, asi ndum gaɗta hu Zira Tokka hu buu ma vi Lonna tew tew.»

SUNDA 13:27

Suu Yerusalemma u muli masina wi Yesu kaɗi. Asi hum boy ma vi suu jok vun Lonna ma asi ndumum hu buu ma vi Lonna tew tewna kaɗi lay. Asi a daɓ boy namma kira wanni ci ki ni Yesu.

SUNDA 13:15

Asi ndum magaara gaɗta u boy ma vi suu jok vun Lonna ndummi, mul ma hu Zira Tokkana dasi anaba, «Gorsenna, lini boy ma agi dam maŋ suuna njun usiya ni dagiya.»

Boy Ma Ayra Ma LUK Ɓiirimma 19:48

Asi ka fi dlara asi a lam u ndaɗtaɗi kay suuna halaŋ humum boy mamma jiviya.

Boy Ma Ayra Ma LUK Ɓiirimma 8:18

«Gol tagi jivi kay dlara agi humuɗ wanda. Sa u tlen komma hin fi kayam hu olo. Sa va ka kombina, hin tlam ma nam a fam gin na ki lay.»

MARK 12:37

David u tamba yam ana, Bu Suuna mamma, nam hin mbuɗ a Goŋ Davidna ni nanage?» Suuna moli cocoo hum Yesu u ayra.

SUNDA 20:11

Nam hoŋ ɗiŋ kolo ɗiŋŋi, ɓorowosi funa vi Bu Suuna, asi tamu. Ŋgoo dagan nam ɓak boyna coco olo, gak gak faɗta hol ki koloo, nam hin hinisi tuɗa.

SUNDA 20:7

Vin maɗii damassa a tira ni asi a tok fiɗigi a ti funa vi Bu Suuna, Pol di boyna maŋ suuna hu tokka. Vin maɗii nam a tuɗ kira may ni, nam ɓak boyna gak gak duk ŋgikka.

NEHEMI 8:1

Suuna halaŋ ko ndal sa ma dewna na tok tasi hu li ma fun grek ma Yona. Asi di Ezdra, mul ma li ɓivunna sa ma wi magaara gaɗta, ana nam tli magaara gaɗta vi Moiz ta Yawe ɓiiriɗ maŋ su Israelnara aya.

NEHEMI 8:4

Sa ma wi magaara, Ezdra, ki coli kolo kay guna ko li ma mbuyna na ma minim kay dlara ko ndaɗta nara, suu keŋem colina ni ugi Matatiya, Sema, Anaya, Uriya, Hilkiya, Maseya kay bikim ma njuffa, kay bikim ma gulna ni Pedaya, Misael, Malkiya, Hasum, Hasbadana, Zakari, Mekulam.

NEHEMI 8:5

Ezdra mal hu magaara ki ni ii suuna halaŋ kay ana nam ki ni kolo kay suuna halaŋ. Hu li ma nam malaɗ kina ni suuna halaŋ col ki koloo.

GA 8ATAMBARA 31:9

Moiz ɓii gaɗta ɦaɗ maŋ muli suu li ɓivun suu goryoŋ Levina, suu yowosi ki a zii Zandukka Galamba vi Yawe u suu ŋgolo suu Israelna halaŋ.

JOSUWE 8:35

Boy ma Moiz ɓiirim kana halaŋ Josuwe hin maa ka ki bay ndumum ki fok suu Israelnaɗi, fok boyogina u kemba, fok suu koyogi suu ka dukusina bel lay.

NEHEMI 8:18

Asi ndum hu magaara gaɗta vi Lonara buuna tew tew, col ha kay buu ma jewna ta ta daɓ ki kay buu ma daganna. Luuna li buuna kiɗisiya, hu buu ma kalavandina ko u gaɗtara na ni, asi li tok mayra daɓ daganda.

NEHEMI 10:29

Suuna usira hinda ni, Levina, suu kak fun zira, suu gi soolla, suu li sunda u suu ɓorow dukusi ki u suu hu mbassa hiŋgana kay a tuɗ u gaɗta vi Lonara, boyogosiya, goryosi suu njufiina u suu tamagina, suu ki ndaki a hum dlarana,

NEHEMI 13:1

Hu coki ndaɗta ni asi ndum magaara vi Moizza ki fok suuna, asi hin fi hu ɓiiri ana sa ma Amonna u sa ma Moabma hin ka kal duk suu vi Lonanaɗi.