NEHEMI 8:10 - Boy Lonana

¹⁰ Nam dasi ana, «Tuɗugi tagi ti ma jivina, cagi tlesuu cira suu jivina, ɦagi maŋ sa ma min tam ka u vaɗina nde nde may kay buu namma hinim ki ni maŋ Bu Suuna. Mbuɗugi tagi hahawraɗi kay ana furira vi Yawera ni saɓak magina.»

NEHEMI 8:10 ပူးပေါင်းရင်းမြစ်များ

1 MULINA 8:66

Hu buu ma kalavandina ni Salomon hin suuna tuɗ ki voo. Asi gi deɓ maŋ mulna si si ni, cuk tasi gaw gaw, tuɗ vo hu ziisiya. Asi furi coco kay jivira Yawe, laɗ maŋ Davidta ura laɗ kay saam ma sunda u suu mam suu Israelna halaŋga.

1 DLAŊ MULINARA 16:27

Ŋgolla u welera ni tlesuu fokomma. Saɓakŋa u mulla ni tlesuu hu liimmana.

NEHEMI 8:11

Suu Levina heɓ huu suuna halaŋ dasi ana, «Seŋegi tagiya kay ana buu namma ki ŋgaɓiya. Mbuɗugi tagi hahawraɗi.»

NEHEMI 8:12

Na ɗaŋŋi suuna halaŋ tuɗ ti may, ci may, yow ma asi hinimma ay may a li furira kay ana asi hum u boy ma asi buɗusina kina kiyo.

ESTER 9:19

Ni kay ndaɗta suu Juif suu cuki hu ɦoŋzinana u suu cuki hu zigini suu hu ɦoŋzinana mbuɗ buu ma doogo yam fiɗi ma hu til ma Adarna ki a buu ma furira, ma ti ti ma luuna, sunum ki fun tasi na nde ndena.

ESTER 9:22

ko ndal buu ma suu Juifna fi koɗ tara ko suu masi suu babalira, til ma dlaasira iriɗ pereɗ ki asi ɗiŋ lum ma ɓaɗ ɦayna ki u furira, yoo tara mbuɗ ki furira may. Asi tin buu ma luuna u furira, sun nus tlena duk tasi lay, ɦal tlena ki ɦawa maŋ suu hawra lay.

SOOLLA 149:2

Ko suu Israelna furi kay sa ma lasina, ko goryoŋ Siyonna li luu ma vi mul masinana.

SOOLLA 89:17

Asi luu luu ma furira u seŋ hu buuna halaŋ, kay ɗegee maŋga asi hin col koloo.

VUN ŊGOLNA 17:22

Huu ma furira garaɗ sana ki ko tuguɗiira. Huu ma u yoora tew tewna so mbala ta sana kiyo.

DI BOLLA 11:2

Ɓorow bege maŋga duk u suu kiɗisiya kala, kalavandi kala, kay aŋ ka wi dla cora hin a mbay fokkaɗi.

DI BOLLA 2:24

Va ma daŋ ma jivi kay sana hu duliyara ni kaɗi. Ni kay a ti may, ci may, wi jiv sun mamba nam laɗta. An wi ana, halaŋ ca ni col ay ni hu duk ko Lona dew.

DI BOLLA 3:13

Hu li ma sana ka ti may, ci may, furi kay loɓom ma nam lamma, halaŋ ca ni ɦalla vi Lonara.

DI BOLLA 5:18

Lini Lona ɦal ɦiza maŋ sana, nam ɦam saɓak ma ti u bege mam ndaɗtana may. Nam fi keŋ mamma kay loɓom ma nam loɓma may, ni nam furiya. Li wa na ni ɦalla vi Lonara.

DI BOLLA 9:7

Tuɗa, ti fuuŋŋa u furira, ci sum veŋ maŋŋa u ayra kay Lona ŋgaaŋ sun maŋga aŋ laɗta wa.

SOOLLA VI SALOMON 5:1

Galanda, an kal ay ki hu sene manna wa, an ka feɗ gi mir u ndondoy mansina. An ka ti se yum manna u mbulumu, an ka ci sum veŋ manna u mbiira. «Banayanna, mbaagi ay tagiya, agi cagiya, guruɗugi may, galayanna.»

EZAYI 49:5

Cemi ni Yawe ɓak wa, nammi sa ma minin ay huu sun dayna, mbuɗun ki a sa sunumma, kay a hoŋom njaf suu vi Yakobma ay egemu, kay a taɓ yam suu Israelna kay tasi u mamu. Cemi ni an mbuɗ ni sa ma ii Bu Suna jivina. Saɓak manna ni nam Lona.

EZAYI 61:10

Yerusalem ŋga Lona di ana, an furi cocoo, furi coco ni kay Yawe, iri manda furi coco kay Loonna, kay nam cukun baraw ma suɗta egenu, nam kalan hu baraw ŋgol ma kaɓakŋa, ko ndal goora min taɗ a hal njufna, ɗowba mul ma li ɓivunna tin jumba jivira kamba na, ko goora hal a i njufna min taɗ ki jivira na.

JOEL 2:23

Agi suu hu Siyonna lagi furira u Yawe Loogina. Nam ɦagi mbo lo ma ndolna a suɗugi kira. Nam si yo ma ndolna hu lina kagi ko ay fok jew dayra na.

ZAKARI 14:21

Doyogi suu hu Yerusalemma u suu hu Yudana halaŋ hin hinisi ki maŋ Yawe, ma Saɓakŋa Kom Belna. Suu hin mbay a li ɓivunnana halaŋ hin li sunda u asi a zal tlegeyesi suu ɓivunna. Suu paara hin ka li hu zira vi Yawe, ma saɓakŋa kom belna, hu buu namma oloɗi.

Boy Ma Ayra Ma LUK Ɓiirimma 11:41

Mariyaɗ ni agi ɦal tlegeyegi ki maŋ suu hawra, wanni asi hin mbuɗ jivi magiya.

2 KORINTNA 8:2

Suu vina wihawra fasi ŋgol lay ni furi masira ay ŋgol suwa, asi haw ŋgol lay ni ɦizza, minda hurusira kaa.

FILIPINA 3:4

An lay ni a tin hurun kay dlara suuna laɗ ndaɗta lay, lini sana saa gasi kay dlara suuna laɗta ni an waɗni su saa mamba.

WIRA ŊGAYRA 11:10

Suu hu ndaŋgarana hin li furira ŋgolo kay maɗ suu mba' asina. Asi hin li ayra ŋgolo ɦal tlena maŋ tasi lay, kay ana suu jok vun Lona suu mba' asina ɓeŋ ndaŋgara ki cocoo.

1 SAMUEL 25:8

Joɓ gor njufii maŋsina asi hin daŋ dla ndaɗta. Ko gor njufii mansina fi li ma jivina varaŋu kay ana ami mba ni hu buu ma luuna. An ceneŋu, aŋ ɦal va ma aŋ ndak a ɦam maŋ suu maŋ suu sundana, maŋ goroŋŋa Davidna aya.»