NEHEMI 8:1 - Boy Lonana

¹ Suuna halaŋ ko ndal sa ma dewna na tok tasi hu li ma fun grek ma Yona. Asi di Ezdra, mul ma li ɓivunna sa ma wi magaara gaɗta, ana nam tli magaara gaɗta vi Moiz ta Yawe ɓiiriɗ maŋ su Israelnara aya.

NEHEMI 8:1 ပူးပေါင်းရင်းမြစ်များ

EZDRAS 7:6

Ezdras namma col ay ni hu Babilon. Nammi sa wi magaara ma ɦal tam ki kay gaɗta vi Moiz ta Yawe ɦaɗ ayra, Lo ma vi suu Israelna. Mulna ɦam tlesuu nam joɓosina halaŋ kay ana ko Yawe, Loomma ka kamu.

NEHEMI 3:26

Suu li sunda hu Ziŋ Lonara suu buu ŋgoo hu zi ma Ofelna li sunda ta ta fun vun grek ma Yona hurum u maɗiina eg zira fiyekka mini eg gulumunna may.

2 DLAŊ MULINARA 34:15

Hilkiya di sa ma ɓii magaara, Safan, ana, «An fi magaara gaɗta ay kalafi hu Ziŋ Lonara.» Hilkiya hin ɦal magaa ndaɗta maŋ Safan.

EZDRAS 7:11

Gola ni magaara mulna Artazerzes ɦaɗ maŋ mul ma li ɓivunna, Ezdras, sa wi magaara boy Lonana, Yawe ɦaɗ ay u gaɗ mamba kay suu Israelnara.

MATIYE 23:34

Agi hum haa! An hin sunugi suu jok vun Lonna u suu wi yal boyna u suu wi magaara aya. Agi hin ci suu ki ɦiw, hin ɓal suu taa ki ɦiw hu gu ma garakgina may, suu daŋŋa agi hin poŋosi hu Zira Tokka may, agi hin cuɗusi usi ɦoŋzina halaŋ may.

MATIYE 23:13

«Hahawra ka kagiya agi suu wi magaara gaɗta u suu Farisenna, agi ni suu mbambana, agi dug vun ziŋ Mulla Huulonara ki ii suuna. Agi tagira ka kal huɗi lay. Suu cuk huna agi ka hinisiɗi lay. [

MATIYE 23:2

ana, «Suu wi magaara gaɗta u suu Farisenna varak balam Moizza dam u boy mamma ki ni asiya.

MATIYE 13:52

Nam dasi ɗaŋ ana, «Agi gola, ni kay ndaɗta sa wi magaara gaɗta mbuɗ ki sa haɗina hu Mulla huulonara mbuɗ ni, ko malaŋ zina vaa ii tlegeyem suu wilina ki may, suu basina ki mayra na.»

EZAYI 8:20

Dasi asi hum u gaɗta vi Lonara lini asi hum kaɗi ni asi hin ka wi kiɗikkaɗi.

NEHEMI 12:37

Hu vun grek ma Goloŋga fokosi na gay ni asi tew ki ni hu Ҥoŋzi Davidna kolo kay gulumunna kay zira vi Davidta ta ta tew ha ki hu vun grek ma Yona ma u maɗiina na.

NEHEMI 8:16

Na ɗaŋŋi suuna sel ki hal tlesuu min mbutluɓma gegelay kay yam ziimba, hu taraŋ masira, hu taraŋ Ziŋ Lonara, kay li ma vun grek ma Yona lay, kay vun grek ma vi Efrayimma lay.

SUU KAƁAKŊA 20:8

Suuna halaŋ yow kolo ko ndal sa ma dewna na di ana, «Aygi halaŋ ca ni sa ma hoŋ vo hu ziim kaɗi, sa ma wi taraŋam kaɗi.

SUU KAƁAKŊA 20:1

Suu Israelna halaŋ ko ndal sa ma dewna na cuk ay ki tok tasiya col ha Dan ta ta Berseba u suu hu mbassa Galaadta halaŋ fok Yawe hu Mispa.

2 DLAŊ MULINARA 34:30

Nam tuɗ kolo hu Ziŋ Lonara u suu Yudana halaŋ u suu hu Yerusalemma halaŋ, muli suu li ɓivunna u njaf suu vi Levina u suu daŋŋa halaŋ suu ŋgolona u kemba. Nam ndumusi boy ma ɓiiri hu magaara gaɗta vi Yawera ki kolo u della eŋga halaŋ. Ni Magaara Galamba ta asi faɗ ay hu Ziŋ Lonarara.

EZDRAS 7:10

Ezdras gasi daŋ may ni ɦal hurummi a hal gaɗta vi Yawera, a takaɗ ki kiɗik, li uɗ may, a haɗ gaɗta u dlara jewra vi suu Israelnara.

NEHEMI 8:3

Nam ndum magaara ki hu li ma vun grek ma Yonana, col ay ŋgarpiira day ta ta ɓorow buuna ki duku, fok njufiina, boyogiina u suu ndaki a wi dlarana. Suuna halaŋ humusi tinira na tin a hum gaɗta ndumuɗta.

DLAŊ LEVIRA 9:5

Tlesuu Moiz joɓosina halaŋ asi mbaarasi ay ki fun Mbutliɓ ma tokka. Ŋgoo dagan suu tokina halaŋ ɦuɗ tasi aya, yow ki kolo u sesi halaŋ fok Yawe.

GA 8ATAMBARA 31:11

Hu li ma suu Israelna halaŋ tok ay a ŋgaf vok Yawe Loosinara, hu li ma nam manam ki tin sem huna ni aŋ ndum gaɗ ndaɗta ki fok suu Israel suu tok ayna na halaŋ asi huma.

2 MULINA 23:2

Ŋgoo dagan nam tuɗ kolo hu Ziŋ Yawera u suu Yudana um halaŋ u suu cuki Yerusalemma lay. Muli suu li ɓivunna, suu jok vun Lona u suuna halaŋ suu ŋgolona u kemba. Nam ndumusi boy ma hu magaara gaɗta kay galamba vaɗ u Lonara ta faɗ ay hu Ziŋ Yawera ki fokosi halaŋ.

EZDRAS 7:1

Ŋgoo dagan dla ndaɗta hu li ma Artazerzes, mul ma Persna, ti mullana, Ezdras ma goŋ Serayana, ma goŋ Azaryana, ma goŋ Hilkiyana,

NEHEMI 12:26

Suu asina li sunda ay ni hu cokira vi Yoyakim ma goŋ Yesuana, goŋ Yosadakŋa, hu cokira vi Nehemi, mul ma ŋgolnara, hu cokira vi Ezdra, mul ma li ɓivun ma wi ɓiira.