NEHEMI 7:3 - Boy Lonana

³ An dasi ana, «Vun grek ma Yerusalemma ka mal ki jew bay faɗta day kiɗi, lini suu gol u vun grekŋa a mba ki hu liisi ma sundaɗi ni cogoromma hin li dukira eŋga tuwa. Hin hal suu gol u lina kay suu Yerusalemma, gegelay hu liim ma sunda, gegelay fun ziimba.»

NEHEMI 7:3 ပူးပေါင်းရင်းမြစ်များ

NEHEMI 13:19

Hu li ma vun grek ma Yerusalemma gijaŋ mbuɗ ki u ŋgusuna jew buu ma Sabatna, an di ana duk ii zira, an hin di olo ana malaɗ kiɗi ta ta ŋgoo buu ma Sabatna. An tin suu man suu li sunda ɦiw fun grekŋa ka a va nek kal ay vo hu buu ma Sabatnaɗi.

NEHEMI 3:23

Ŋgoo dagan wanni Benjamin li sunda hu ko tam u Hakub vok ziisina na gay. Ŋgoo dagan Azariya ma goŋ Maaseya, ma goŋ Ananiyana li sunda pay ziimba na tok.

NEHEMI 7:2

An ɦal voɗta ha ana tin wayanna Hanani kay Yerusalem may. Hananiya, mul ma hu ɦoŋzi ma saɓakŋa may, kay ana nammi sa ɗegee ma li ndaa Lona su suu bolow hiŋŋa.

NEHEMI 7:4

Ҥoŋzina ŋgol cocoo, bubuum tuɗ ii keŋ lina mba' may, suuna ka hurum bolow cocoɗi, ziginina hoŋosi ka ki kolo mindaɗi.

SOOLLA 127:1

Soolla suu tuɗ luu ma vi Lonna gaɗta, vi Salomon. Lini Yawe min zina kaɗi ni, suu min zina loɓ tasi a sunda ki ni ɦawaa. Lini Yawe ka juɓ u ɦoŋzinaɗi, suu juɓ u zina buu tasi bay senna ni ɦawaa.

SOOLLA 147:13

Kay nam dugugi vun grek magina eŋe, Varagi voni nam paɗ vunum ki kay goryogiya.

MATIYE 10:16

«Humugi jiviya. An sunugi ha ni ko timigiina duk bosokona na. Lagi neeyra ko guygina na, ɗili ko gugukka na may.