NEHEMI 6:16 - Boy Lonana

¹⁶ Hu li ma suu babali mamisina hum na ni, suu hu ɦoŋzi ma ŋguy kamina halaŋ mbuɗ ki ndaana, mbuɗ ki zolona ii tasi gaw. Asi wi ki kasi ana sun ndaɗta laɗ ni u minda vi Loominara.

NEHEMI 6:16 ပူးပေါင်းရင်းမြစ်များ

NEHEMI 2:10

Sanbalat ma Horonna u Tobiya sa sunda ma Amonna hum boy namma na ni mbuɗ ki yara kay humba asi hum ana sana saa kay dlara jivi kay goryoŋ Israelnara.

NEHEMI 4:1

Hu li ma Sanbalat, Tobiya, suu Arabma, suu Amonna, suu Asdodna hum ana minda min gulumun ma Yerusalemma ka tuɗ foko, ii kom ma ɓow kina ka dukgi koloo, ni yaasira mbuɗ ŋgolla, su olo.

NEHEMI 4:7

Na ɗaŋŋi an min lina kaŋga u gulumunna a fi saɓakŋara. An njaa suuna ki ni u deeresiya deeresiya, u ŋgewina, saɓina u gu mbuurura kosiya.

NEHEMI 6:17

Ni hu coki ndaɗta lay suu ɓii magaara vi Yudana ɓii magaara maŋ Tobiya bolow cocoo, ta vi Tobiyara mbay fasi may.

SOOLLA 109:27

A asi waŋ koŋ ma saɓakŋa, waŋ sun maŋga may, Yawe.

SOOLLA 126:2

Hu li namma vunuygi oy u sanda, siniygi sawalla furira kolo may, suuna hin mbuɗ njaɗ ana, «Yawe lasi dlara ŋgolla kasi wa.»

SOOLLA 129:5

Ko suu babali mansina mbuɗ zolona suu may suu kaboyna eg Siyonna halaŋ mbuɗ zolona.

SOOLLA 147:2

Yawe hoŋ min zi ma Yerusalemma, hin tok yam suu Israelna halaŋ.

KALKIRA 14:25

Nam ɓalakasi sem pus pus masisina kiyo, tuɗ masira tuɗ u suu Israelna mbuɗ loɓ cocoo. Suu Egiptena di ana, «Piiriygi ki day eg suu Israelna, kay Yawe ka njun kasi ni namu.»

JEREMI 33:9

Asi hin li ni a gogor guun ma ɗuf wilina, ni semma tiira, ni dlara eg sana jivi mayra tak ki maŋ njaf suuna kay ndaŋgara halaŋ ana an ɦal tlesuu jivina maŋ Yuda u Israel ɦay lay. Asi hin mbuɗ ki ndaana ko tlesuu jivi suu an ɦasisinana lay, begera an ɦasira ŋgol cocora lay.

NDUMBA 23:23

Dlara kumuna ka tew eg suu vi Yakobmaɗi, dlara joɓ fulina ka li suu Israelnaɗi. Suu Israelna hum dlara Lona min a laɗta ni hu liiɗu.

SUNDA 5:38

Cecemi an dagiya loɓogi tagi u suu asina oloɗi, hinisi tuɗa. Lini boy masina ni dlara vi suuna ɦawaa, nam hin daɓ ki ni ɦawaa.

JOSUWE 2:11

Ami hum dla ndaɗta ki na ni, ŋgusumi ka kami oloɗi. Gegelay fokogi ni saɓakam kaɗi, kay ana Yawe, Loogina, ni Lo ma kolo huulona may, kaŋga kay ndaŋgara mayna.

JOSUWE 2:9

Ndaɗ di suu asina ana, «An wi ana Yawe ɦagi mbas ndaɗta ki wa. Ami suu hu mbas ndaɗtana halaŋ ki kogi ni ndaana, suu cuki hu mbas ndaɗta halaŋ ka dlak ndaana kogiya.

JOSUWE 5:1

Muli suu Amorna suu cuki ŋgoo lum ma Yurdanna ii fiɗigina nana, u muli suu hu mbassa Kanaanda halaŋ suu ka cuki vok mbo lum ma ŋgolna nana, hum ana Yawe so mbo lum ma Yurdanna ay ki fok suu Israelna, asi calaɗ ay ki ŋgoo lumma ii ma hiniŋŋa wa ni, asi mbuɗ ki ndaa cocoo. Musukusi ka tin ga oloɗi ko ndaa suu Israelna.