NEHEMI 6:10 - Boy Lonana

¹⁰ An tuɗ hu ziŋ Semayana, ma goŋ Delayana, goŋ Metabelna kay nam doo kay suuna. Nam di ana, «Ŋgafaygi hu Ziŋ Lonara, hu zira gagayra, dukuygi vun zira kay asi hin mbay caŋ kiyo. Asi hin mbay caŋ ki ni njeŋgee.»

NEHEMI 6:10 ပူးပေါင်းရင်းမြစ်များ

URA TIN AYRA 36:39

Baal-Hanan ma goŋ Akborna miɗ miɗni, Hadar varak balamamu. Sem ɦoŋzi ma nam huna ana, Pau, sem caamba ana, Metabeel goŋ Matred, ta goŋ Mezahadda.

1 MULINA 6:5

Asi min zira daŋga ha pay Ziŋ Yawera, ŋgufuɗ ki kay Ziŋ Lonara na cutl. Ni a goo zira goora taɓ ha egeɗ hura.

2 MULINA 11:3

Nam li basara ay ki ŋgayra na karkiya u cara wulumba. Asi ay ki ŋgayra ni hu Ziŋ Lonara. Ni hu li ma Ataliya kaki a mulla ni ndaɗ may.

2 MULINA 9:8

Suu vi Akabma halaŋ hin ba kiyo. An hin ci njufii suu vi Akabma ki bel bel. Mborɓiina u gor vuɗta suu ka hu mbassa Israella halaŋ.

2 DLAŊ MULINARA 28:24

Akaz yow tlesuu ay hu Ziŋ Lonarana toosi ki halaŋ halaŋ duk vun Ziŋ Yawera kolo ni na gaw may. Hin min givin ma togolla zeɗ zeɗ ki ni hu garak voɗta Yerusalemba.

2 DLAŊ MULINARA 29:3

Hu basara jewra hu til ma jewna nam kak a mulnara gaw ni nam mal vun Ziŋ Lonara zeɗ zeɗ kiyo, minim ki jivi lay.

2 DLAŊ MULINARA 29:7

Asi duk vun Ziŋ Lonara kolo halaŋ. Asi tew ku pindilla kiyo. Asi ka ŋgal mbitla his jivira oloɗi lay, ka li ɓivun ma ŋgalam ki ŋgalina hu Ziŋ Lonara maŋ Lo ma vi suu Israelnana oloɗi.

EZDRAS 10:31

Goryoŋ Harimma, Eliyezer, Isiya, Malkiya, Semaya, Simon,

EZDRAS 8:16

Na ɗaŋŋi an hin sun mulina ugi Eliyezer, Ariyel, Semaya, Elnatan u Yarib, Elnatan, Natan, Zakari, Mesulam u suu haɗ suuna gi Yoyarib u Elnatan.

NEHEMI 6:12

An wi ki hu li namma gasi daŋ may ana Lona sunum ay ka ni nambi, kay ana nam ɓak boyna ki kanu. Tobiya u Sanbalat warakammi warakiya.

SOOLLA 12:2

Yawe, njununu. Suu ɗegeena ka coco oloɗi. Duk suu warna halaŋ, suu li dlara jivira ka coco oloɗi.

SOOLLA 37:12

Sa ma cona hal yalna kay suu jivina, nam muɗ seem egesiya.

VUN ŊGOLNA 11:9

Sa ma ka wi Lonaɗina ɓalak ndaram ma vun grekŋa ki u vunumu. Suu ɗegeena hin suɗ ki ni u mbeleŋ masi ma asi wi dlara.

JEREMI 36:5

Jeremi joɓ Baruk olo ana, «An ki dooriya, an ka tuɗ hu zira vi Lonaraɗi.

EZEKIYEL 3:24

Musukka kal hurunu. Ndaɗ colon ki koloo. Ndaɗ ɓakanu dan ana, «Dug taŋ kalafi hu ziiŋga.

MALASI 1:10

Na ni hin fi sa dukugi dew a duk vunna ɗaŋ su, kay a agi ka lagi dla cora ta ta bulumun givin ma togolla manna kiɗi. An ka furi kagi na ndeɗi, Yawe, ma Saɓakŋa Kom Belna, di na. Ɓivun magina an ka vam kogiɗi.

MATIYE 7:15

«Lagi tagi jivi ko suu kaboyna ana asi ni suu jok vun Lonna. Asi mba egegi ni, mbuɗ tasi ko timigiina na, doy hurusi kurufu ni, ko bosokona na.

Boy Ma Ayra Ma JAŊ Ɓiirimma 3:20

Suu li dla cora ka min a mbay ki hu kiɗikkaɗi. Asi li ndaana ana suuna hin wasi dlaasira cora.

SUNDA 21:30

Vun ma ɦayam ɦayamma njay ha ki ɦoŋzina na wet wet, suuna mbay liŋŋa tani may, tani may. Asi vi Pol vini taɗam ha ki ŋgoo Ziŋ Lonara, dug vun zira kolo na gaw.